Colosenses 3:12 - Tayta Diosninchi Isquirbichishan

¹² Gamcunatapis cuyashushpayquimi Tayta Diosninchëga acrasha-cashunqui payllapäna canayquipaj. Chayno caycaptenga jucniqui-jucniquipis cuyapänacuy. Pï-maypäpis alli cay. Ama alli-tucunquichu. Alli shimillayquipa piwanpis parlanqui. Imapitapis pasinsacunqui.

Colosenses 3:12 ပူးပေါင်းရင်းမြစ်များ

Isaías 42:1

Tayta Diosmi cayno nin: «Caychömi caycan sirbimajnë. Paytaga nogami yanapaycä. Paytaga nogami acrashcä. Paypämi nogaga fiyupa cushicö. Paymanmi espiritöta churashcä. Chaymi llapan nasyuncunacho alli goyay cananpaj arriglanga.

Isaías 45:4

Sirbimaj Jacobpita miraj Israelcunata yarpärishpämi gamtaga jutiquipa gayashcä. Nircorga manapis rejsiycämaptiquimi canan rispitädu caycashayquino canayquipaj churashcä.

Isaías 63:15

Tayta Dios, fiyupa rispitädu particho tiyaycashayqui syëlupita-pacha ricäramuy ari. ¿Maytaj fiyupa cuyacoj cayniquiwan munayniyoj cayniquega? ¿Imanirtaj nogacunataga mana yarpämanquinachu? ¿Nogacunataga mananachu cuyapämanqui?

Isaías 65:22

Wasitapis aronga quiquinpämi, manami juc runa tiyananpänachu. Übastapis manami lantangachu wayuyninta juc runa micunallanpäga. Guerucuna unaycama mana chaquishannömi acrashä runacunapis unaycama cawanga. Acrashä runacunaga arur tarishanwanmi cushisha goyangapaj.

Isaías 65:9

Israelpita mirajcunatami, Judäpita mirajcunatami acrashaj achca puntayoj nasyuncho tiyananpaj. Chay sirbimajcunanami chay nasyuncho tiyanga.

Jeremías 31:20

Israelcuna, gamcunaga acrashä runacunami canqui. Gamcunataga fiyupami cuyä. Fiyupa piñacurpis simrimi gamcunataga llaquiraycä. Shongöpis nanayparämi nanaycan. Gamcunataga fiyupami cuyapä. Noga Tayta Diosmi chayno në.

Jeremías 31:3

Paycunataga unay yuriparcurmi nirä: «Nogaga gamcunata fiyupami cuyä. Chaymi cananpis cuyapayllapa ricaycä.

Ezequiel 16:8

« ‹Chaypitaga, ñaupayquipa yapay päsarä. Chaychöga jatuntana ricarä. Chay öraga allina caycarayqui majayoj canayquipaj. Chauraga gamwan camacashpanchi cäpäta mashtarcamur galalla caycaptiqui chaparcurä. Nircur alli goyänapaj parlaranchi. Chay örapita-pachami nogapana cashcanqui. Noga Tayta Diosmi chayno në.

Mateo 24:22

Acrashan runacunata cuyaparmi Tayta Diosga chay ñacay junajcunata wallcayächenga. Man'chäga manami pipis salbacunmanchu.

Mateo 24:24

Chay wichanga Cristo-tucojcuna, llulla profëtacuna yurimonga. Runacunata riguichinan cashami almiraypajcunata, milagrucunata ruranga. Chayno rurar Tayta Dios acrashan caj runacunatapis engañayta ashengami.

Mateo 24:31

Sinchipa trompëta wagamuptin anjilnëcunata cachashaj intërupa aywananpaj. Paycunami llapan acrashä cajcunata may-chaypitapis shuntamonga.

Marcos 13:20

Tayta Diosga acrashan runacunata cuyaparmi ñacay junajcunata wallcayächenga. Man'chäga manami pipis salbacunmanchu.

Marcos 13:22

Chay wichanga Cristo-tucojcuna, llulla profëtacuna yurimonga. Runacunata riguichinan-cashami almiraypajcunata, milagrucunata ruranga. Chayno rurar Tayta Dios acrashan caj runacunatapis engañayta ashenga.

Marcos 13:27

Nircur anjilnëcunata cachashaj intërupa aywananpaj. Paycunami acrashä cajcunata may-chaypitapis shuntamonga.

Lucas 1:78

Tayta Diosga fiyupa cuyamashpanchïmi juc Salbacojta syëlupita cachamusha. Chayga noganchïpaj caycan tutapa inti yagamojnömi.

Lucas 18:7

Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?

Romanos 1:7

Romacho caycaj ermänucuna, gamcunatapis Tayta Diosninchi cuyashushpayquimi acrashurayqui wamran canayquipaj. Tayta Diosninchi, y Taytanchi Jesucristo cuyapaycushunqui ari alli cawanayquipaj.

Romanos 13:14

Chaypa ruquenga Jesucristupa maquincho caway-llapa. Amana yarpachacuynachu shonguyqui munashanta ruranayquipäga.

Romanos 9:11

Manaraj paycuna yuriptinmi Rebecata Tayta Diosninchi niran: «Mayur cajmi canga shullcanpa munaynincho.» Chay nishannöllami manaraj yuriptin Jacobta Tayta Diosninchi acraran. Chaymi allita o mana allita rurashanpita acrananpa ruquin quiquin Tayta Diosninchi acraran munashan cajta.

1 Corintios 13:4

Cuyacoj carga imapitapis pasinsacunmi; pï-maypäpis allimi; manami inbidyösuchu; pitapis manami manacajman churanchu; manami alli-tucunchu;

2 Corintios 6:6

Tayta Diospa willacojnin cashäta musyachë juchata mana rurar, willacuyninta sumaj tantiyar, chiquimajcunatapis mana cäsupar, pï-maytapis cuyapar, Espíritu Santupa munaynincho cawar, pipäpis alli shongu cashpä,

Gálatas 5:6

Jesucristo cruscho wañuyninpami salbashana caycanchi. Manami imanannapischu señalasha cashanchi, señaläni cashanchïpis. Chayno caycaptenga mas bälin Jesucristuman yäracur cuyanacur cawashanchïmi.

Efesios 1:4

Pay-raycumi cay pachata manaraj camar Tayta Diosninchi acramashcanchi perdunasha car paypa ñaupancho juchaynaj cawananchïpaj.

Efesios 4:2

Mana alli-tucuypa, mana jamurpänacuypa cuyanacur caway-llapa. Jucniqui-jucniquipis pasinsacuy, awantacuy.

Efesios 4:24

Mushoj runanöna cay-llapa. Tayta Diosninchëga ruramashcanchi Pay munashanno allita rurar, juchata mana ruraypa, rasun cajllata rurar cawananchïpämi.

Efesios 4:32

Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.

Filipenses 1:8

Tayta Diosmi musyan gamcunata fiyupa cuyashäta. Jesucristo cuyamashanchïnöllami nogapis gamcunata cuyä.

Colosenses 3:10

Canan gamcunata mushoj cawaytanami Tayta Dios goshurayqui. Tayta Dios imano cashantapis waran-waran tantiyacuptiquimi pay yanapaycäshunqui munashanno cawanayquipaj. Chayno cawarmi waran-masllana camamajninchi Tayta Dios munashanno carcaycanqui.

1 Tesalonicenses 5:15

Pipis imatapis mana allita rurashuptiqui gamcunapis cuydä mana alliwan cutichir. Chaypa ruquenga allillata rurar ermänucunawanpis y pï-maywanpis alli goyay.

2 Timoteo 1:9

Payga juchanchïcunata perdunar salbamashcanchi munashannöna goyänanchïpämi. Salbamashcanchi manami allicunata rurashanchïpitachu, chaypa ruquenga juchayoj caycashapis cuyapämashpanchïmi. Cay pachata manaraj camallarnami Jesucristo cayninpa cuyapämashcanchi.

2 Timoteo 2:10

Chaymi imano ñacarpis mana yamacaypa Jesucristupa willacuyninta willacuycä. Chaynöpami Jesucristuta chasquicuptin Tayta Diosninchi acrashan cajcunata salbangapaj.

Tito 1:1

Cuyay ermänu Tito: Noga Pablo Tayta Diospa sirbejninmi, Jesucristupa apostulnin caycä. Jesucristo acramasha captinmi may-chaypapis willacuyninta willacur puriycä. Tayta Dios acrashan cajcunatami yachaycächë Diosninchi munashannöna goyänanpaj.

1 Pedro 1:2

Ermänucuna, gamcunataga manaraj yuriptiquimi Tayta Diosninchi mayna acrashurayqui. Espíritu Santutapis gamcunaman cachamusha Jesucristuta chasquicur pay munashanno cawanayquipämi. Chaymi perdunashana caycanqui Jesucristo gamcuna-raycu wañur yawarninta jichashanpita. Tayta Diosninchi cuyapaycushunqui ari alli cawanayquipaj.

2 Pedro 1:10

Ermänucuna, chayno caycaptenga waran-waran sumaj yarpachacur Tayta Diosninchi munashanno cawashun. Chaynöpami tantiyacunqui salbasha car Tayta Diospa wamran cashayquita. Chayta tantiyacorga mana juchata ruraypami cawanquipaj.

1 Juan 4:19

Rimëru Tayta Dios cuyamashanchïpitami noganchïpis cuyanacuycanchi.

2 Juan 1:13

Caycho caycaj ñañayquipa llapan wamrancunami wamayäshunqui. Paytapis Tayta Diosninchïmi acrasha.

Apocalipsis 17:14

Nircur waräcuywan chay mandajcuna Cashni uyshapa contran jatarenga. Chaypis raycunapa Raynin carmi Cashni uysha binsenga. Payga binsenga Tayta Dios acrashan runacunawanmi. Chay runacunaga caycan Tayta Dios gayashanmi, payta wiyacojcunami.»