Cantares 8:14 - Tayta Diosninchi Isquirbichishan

¹⁴ Cuyaynë, cörrimuy ari. Lluychuno cörrimuy. Lluychupa wawannöraj alli asyaycaj jircacuna jananpapis cörrimuy ari.

Cantares 8:14 ပူးပေါင်းရင်းမြစ်များ

Cantares 2:17

Manaräpis pacha waraptin, manaraj llantuy illgashancama juclla cuticallämuy ari. Lluychu-mallwa chunyaj puntacunaman cutishanno juclla cuticallämuy ari.

Cantares 2:7

Munti lluychucuna-raycu, tarushcuna-raycu aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Cantares 2:9

Cuyaynëga lluychunömi: Lluychu-mallwanömi. ¡Chaychönami caycan! ¡Puncu wajtanchönami! Bentänapa rëjasllanpami watgaycämun.

Cantares 4:6

Manaraj pacha warashanyaj, manaraj intipis yagamushanyaj aywashaj mïrra perfümi cashan jircaman, insinsu cashan pataman.

Lucas 19:12

«Juc runashi casha rïcu famillya. Payshi juc-lä nasyunman aywacusha chaycho ray cayta chasquircur cutimunanpaj.

Deuteronomio 12:15

«Aychanar-imarmi ichanga Tayta Dios camaripäshushayqui uywayquicunapita pishtarcur maychöpis micunqui. Limyu carpis mana limyu carpis chayno aychata micunqui tarushta u lluychuta micushayquino.

Filipenses 1:23

Chayno captin mayganta acraytapis manami camäpacöchu. Wañuchimaptenga nogapaj mas allimi canman. Chaynöpami Jesucristupa ñaupanmanna aywacushaj.

Apocalipsis 22:17

Espíritu Santupis Jesucristuta chasquicojcunapis «¡Juclla cutimuyna tayta!» niycan. Cay librucho isquirbiraycajcunata liguimushanta wiyajcunapis «Cutimuyna tayta» nichun. Yacunajcunaga shamuchun. Munajcunaga dibaldilla upuchun imaycamapis cawachicoj yacuta.

Apocalipsis 22:20

Cay libruta isquirbinäpaj nogata tantiyachimaj Jesucristo nin: «Au, nogaga shamunäpänami caycä.» Chayno niptinmi «¡Amén. Nishayquino jucllana shaycallämuy Tayta Jesús!» niycä.