Cantares 6:11 - Tayta Diosninchi Isquirbichishan

¹¹ Nuwal yöracunalla caycashan muntipa aywashcä. Aywashcä yacu aywaj ragra cantun pampa berdiraycajta ricapaj. Übas chichiycajta, granada waytaraycajta ricayta munashpämi urashcä.

Cantares 6:11 ပူးပေါင်းရင်းမြစ်များ

Génesis 2:9

Chay wertachömi Tayta Dios wiñachimuran tucuy-niraj cuyayllapaj yöracunata. Chaycunapa wayuynin alli caycaran runa micunanpaj. Werta chaupinchöna caran ishcay yöracuna. Juc yörapa wayuynin caran runa micuptin imaycamapis cawachinanpaj. Jucaj yörapa wayuyninta micuptinna caran alli cajta mana alli cajtapis runa musyananpaj.

Génesis 40:10

Chay übas yöra caycasha quimsa rämayoj. Chay rämacuna chillguircur juclla waytasha. Nircur waytancuna ticracurisha pogusha übasmanna.

Cantares 5:1

Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Cantares 6:12

Chaypitaga manami musyashcänachu imano cashätapis. Raynëpa ñaupanchöna cawallu garchashan carrëtacho ricacushcä.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Cantares 7:12

Tutapanami tumapacoj aywashun übas chacracunapa. Chaychömi ricashun; mä maynachush mullcuycan wayunanpaj; mä waytaraycannachush; granadacunapis mä waytaycannachush. Chaychömi musyachishayqui rasunpaypa cuyashäta.

Cantares 7:13

Alayrimi mandragorapa alli asyayninpis mayacaycämun. Ñaupanchïchöga intërupami caycan tucuy casta frütacuna: chaquisha frütacuna, chayraj pallarisha cajpis. Chaytaga gampämi acrashcä.

Marcos 11:13

Carucho öjasapa ïgusta ricar wayuyninta ashej aywaran. Chayarga wayuyninta mana tariranchu. Timpun manaraj captinmi öjancunalla caycaran.

Lucas 13:7

Chayshi piyunninta niran: ‹Musyashayquinöpis quimsa watanami shamö cay yörapa wayuyninta ashej. Chaypis manami ni jucnayllatapis wayuyninta tarishcächu. Muturiy. Mana wayojtaga ¿imapätaj chacrachöpis cachishun?› nir.

Juan 15:16

«Manami gamcunachu nogata acramashcanqui. Chaypa ruquenga nogami gamcunataga acrarä maypa aywarpis übas alli wayushanno allita rurar cawanayquipaj. Chaymi jutëcho mañacuptiqui Taytäga yanapäshunquipaj.

Hechos 15:36

Chaypita unayllataga Bernabëta Pablo niran: «Alli willacuyta willacushanchi marcacunapa mushoj ermänucunata watucamushun. Paycuna mä imanöshi goyarcaycan.»