Cantares 6:10 - Tayta Diosninchi Isquirbichishan

¹⁰ ¿Pitaj chay watgarcamun tutapa inti yagarcamojnöpis? Quillanöpis cuyayllapämi, intino achicyaycachaycaj, pipis mana ichipashan pillyaman aywaycaj suldärucunanömi.

Cantares 6:10 ပူးပေါင်းရင်းမြစ်များ

2 Samuel 23:4

canga pacha waraptin rama-rama achicyaycajno, tamyariptin guewacunata wiñachinanpaj lliuyaraycaptin tutapa inti ratamojno.›

Job 11:17

Gampäga las-dösinörämi pachapis achicyacäconga. Gampaj pacha usharashanpis pacha warashanömi ricacongapaj.

Job 31:26

Inti shanshaypa shanshar achicyaptin ricärir rispitasha captëga, quillatapis achicyaycajta almirasha ricapasha captëga,

Salmos 14:5

Paycunaga fiyupami mancharenga. Tayta Diosga payta wiyacojcunatami yanapan.

Proverbios 4:18

Alli runacuna alli goyashanga caycan pacha warämur achicyajnömi.

Cantares 1:15

Cuyaynë, fiyupa cuyayllapämi canqui. Rasunpa cuyayllapämi canqui. Ñawiquicunaga caycan ishcay palumanömi.

Cantares 3:6

¿Imaraj goshtay ichiraycajno chunyajpita aywaycämöga? ¿Imataj aywaycämun mira perfümiwan insinsuwan cupacusha, cuyayllapaj alli asyaj perfümicunawan cupacusha?

Cantares 6:4

Cuyaynë, gamga canqui Tirsa siudänöpis fiyupa cuyayllapämi, Jerusalén siudänöpis maysi cuyacuyllami; pipis mana ichipashan pillyaman aywaycaj suldärucunanömi.

Cantares 8:5

¿Pitaj chunyajpita aywaycämöga? ¿Pitaj cuyayninta macallasha aywaycämun? Gamtaga mansäna yörapa chaquincho puñucuycajtami ricchachirä. Chaychömi mamayquitapis nanay chariran. Chaychömi mamayquega gueshyacushurayqui.

Isaías 58:8

Chauraga gamcuna canquipaj pacha waraptin achicyajnömi. Chayno captiquega allchacächishayquipänami. Allita rurashayquimi ñaupayquita aywajno canga. Nogapa munaynënami guepayquita shamojno canga.

Isaías 63:1

«Juc runami Edomcho caycaj Bosra siudäpita aywaycämun. Röpanpis pucaman tiñisha aywaycämun. Achicyaypa achicyaycaj röpan jatisha aywaycämun. Payga fiyupa munayniyojmi aywaycämun. ¿Piraj chay aywaycämöga?» «Noga llapantapis alli arriglajmi aywaycämö. Salbanäpäpis munayniyoj caycajmi aywaycämö.»

Oseas 6:5

Chayno captiquimi willacuynë achquino caycajwan nogaga gamcunata tantiyachishcä juchayoj caycashayquita. Chaymi profëtäcunawan willacarcachir gamcunata wañuchishcä.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Mateo 13:43

Tayta Dios munashanno cawajcunami ichanga paypa ñaupancho car cushisha cawangapaj. Inti achicyashannörämi canga. Nishäta wiyaj cäga sumaj tantiyacuy.

Mateo 17:2

Chaychömi disïpuluncuna ricapaycaptin Jesús juc-nirajman ticraran. Jesuspa cäranga intinöraj fiyupa achic-achicyaycaj ricacuran. Röpanpis achic-achicyaycaj yuraj ricacuran.

Romanos 8:37

Imano captinpis Taytanchi Jesucristo cuyaycämashaga llapanchöpis allimi llojshishun.

Efesios 5:27

Chaymi inlisyataga quiquinpa ñaupanman chayachenga achicyaypa achicyaycajta, juchaynajta, allita; mana shillpiyashatachu, ni ganratachu.

Apocalipsis 1:16

Derëchu caj maquinchömi chararaycaran ganchis goyllarcunata. Shiminpitanami ishcan lädunpa afilasha sabli llojshimuran. Cärannami intino fiyupa achicyaycaran.

Apocalipsis 10:1

Chaypitanami ricarä syëlupita munayniyoj anjil pucutay janancho uraycämojta. Umanchömi turmanya-niraj caycaran. Cäranmi intino achicyaycachaycaran. Chancancunami caran nina ratataycaj-niraj.

Apocalipsis 12:1

Chaypitami syëlucho yurircuran intino achic-achicyaycaj warmi. Chay warmipa chaquinchömi quilla caycaran. Chunca ishcay goyllarniyoj corönata umancho jatiraycaran.

Apocalipsis 21:23

Chay siudäta quiquin Tayta Dios y Cashni uysha achicyapaptinmi intipis ni quillapis mana canganachu.

Apocalipsis 22:16

Jesucristumi nin: «Nogami anjilnëta cachamushcä ima päsananpaj cajcunatapis yäracamajcunata musyachinäpaj. Nogaga Davidpita mirajmi, Waraj estrëllami caycä.»

Apocalipsis 22:5

Chaychöga pachapis manami chacanganachu. Tayta Dios achicyapaptin intitapis, ima achquitapis manami nistanganachu. Tayta Dioswan y Cashni uyshawanmi paycunaga imaycamapis mandanga.