Cantares 5:6 - Tayta Diosninchi Isquirbichishan

⁶ Cuyaynëta puncuta quichapariptë payga manami cashanachu. Aywacushana caran. Gayacamushanta yarpärir fiyupa llaquicurä. Ashirpis manami tariränachu. Gayacuptëpis manami mayacarannachu.

Cantares 5:6 ပူးပေါင်းရင်းမြစ်များ

Génesis 42:28

Chayno tarircur wauguincunata niran: «Pägashä guellaynëta custalnëman wiñarcamusha. Masqui ricay-llapa. Cay custalnëcho caycan.» Chaura paycunaga imata yarpachacuytapis mana camäpacuranchu. Chaymi jucnin-jucnin ninacuran: «¿Ima-aycamantaj Tayta Diosga jitarpamanchi?» nir.

2 Samuel 16:10

Niptin rayga niran: «Sarviapa wamrancuna, gamcunataga imata gocushunqui. Tayta Dios chayno nisha captinchari pay gayapaycäman. Chayno captenga ¿piraj ‹imatataj rurashcanqui› nenga?»

Salmos 28:1

Tayta Dios, gamllami canqui gaganöpis chapämaj. Gamllatami ruwacur mañacaycämö. Ama caychu mana wiyaj-tucuypaga. Mana yanapämaptiquega wañusha japuynami ricacushaj.

Salmos 30:7

Gammi Tayta Dios alli cashpayqui nogataga alli pachaman tiyachimarayqui. Cachaycamaptiquimi ichanga manchariyllawan ima ruraytapis mana camäpacushcänachu.

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Salmos 77:3

Tayta Diosta yarpärishpäga wagämi. Yarpachacushpä manami ima ruraytapis camäpacöchu. Selah

Salmos 80:4

Israelcuna mañacuycäshuptiquipis ¿imaycamaraj rabyashalla caycanqui munayniyoj Tayta Dios?

Proverbios 1:28

«Chay öraga gayacamaptiquipis manami wiyashayquinachu. Ashimarpis manami tarimanquipänachu.

Cantares 5:2

Puñurpis mayaj mayajllami puñuycarä. Chayno puñuycashächömi wiyarcurä puncupita cuyaynë gayacaycämushanta: ¡Puncuta quichapaycallämay ari, cuyaynillä, majallä, cuyayllapaj paluma-mallwa! ¡Umäpis shullaypashami caycan! ¡Chacay shullay yacumi umäpitapis jutuycan!

Cantares 5:4

Cuyaynëga maquinta jatircamuran puncupa uchcun caycajpa. Chaura shongöpis tic-ticyaranrämi.

Cantares 6:1

Llapan warmicunapitapis mas cuyayllapaj warmi, ¿maypataj aywacusha cuyayniquega? ¿Maymantaj aywanman? Ashej aywashun ari.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Isaías 57:16

Nogaga manami para-simriga ‹juchayoj canqui› niycäshäpänachu. Mananami para-simriga rabyashapis caycäshänachu. Chayno rabyashalla captëga camashä runacuna mananami yäracamanmanchu.

Isaías 58:2

Paycunaga waran-waranmi nogaman mañacaycämun. Munashäno rurananpaj cajta musyarmi paycunaga cushisha caycan, allita ruraj runacunanöraj, laynëcunatapis mana cachaypa cumlejnöraj. ‹Alli cajta ruranäpaj laycunata musyachimay› nir mañacaman. Chayno mañacamarmi paycunaga alli-tucurcaycan.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Lamentaciones 3:8

Yanapämänanpaj mañacur gaparaycaptëpis ruwacushätaga manami wiyamashachu.

Oseas 5:15

«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»

Oseas 5:6

Sacrifisyuta nogapaj rupachinanpaj uyshancunata, wäcancunata apacurcurmi Nogata ashimashpan purengapaj. Chayno ashimashpanpis manami tarimangapächu. Chaynöga canga noga cachaycushana captëmi.

Zacarías 7:13

Chaymi në: Imanömi paycuna mana wiyacamashachu noga willapaycaptë, chaynöllami nogapis mana yanapäshächu ruwacur mañacamaptinpis.

Mateo 26:75

Chayraj yarpäriran Jesús cayno nishanta: «Gällu manaraj cantaptinmi quimsa cutina ñïgamasha caycanquipaj.» Chayta yarpärerga jawaman llojshircur fiyupa llaquicur wagaran.

Marcos 14:72

Chayno niycaptillanmi gällu cantarcuran. Chaura Pedro yarpäriran Jesús nishanta: «Gällu manaraj ishcayta cantaptin quimsa cutinami ñïgamasha caycanquipaj.» Chayta yarpärir fiyupa wagayman churacaran.

Apocalipsis 3:19

«Llutanta ruraptenga cuyashä cajta castigämi llutanta ruraycashanta cacharinanpaj. Chauraga arpinticur munashänöna goyay.

1 Samuel 28:6

Chaymi Tayta Diosta tapucuran. Ichanga manana willarannachu suyñuyninchöpis ni Urim rumiwanpis ni profëtacunawanpis.