Cantares 5:15 - Tayta Diosninchi Isquirbichishan

¹⁵ Chancancunapis achicyaypa achicyaycachaycaj rumipita rurasha pilancucunanömi. Goripita rurasha jamacunacho ichiraycajno caycan. Paytaga ricärillarnami rejsinchi Libanupita caj sedru guerucunatanöpis.

Cantares 5:15 ပူးပေါင်းရင်းမြစ်များ

1 Reyes 4:33

Yachachiran jatun jachacunapita tacsha jachacunapitapis. Yachachiran Libanucho caj jatusaj sedru guerucunapita pergacunacho caj guewacunapitapis. Llapan casta uywacunapitapis, äbicunapitapis, garachaypa purejcunapitapis, pescäducunapitapis yachachiran.

Salmos 80:10

Puntacunatapis chapasha llantupänanpaj. Rämancunapis sedrucunata chapasha.

Salmos 92:12

Alli runacunaga carcaycan cuyayllapaj palma yöra tucturaycajnörämi. Miranpis Libanucho sedru wiñamojnörämi.

Salmos 92:13

Chay lantacunanömi Tayta Diospa Wasincho carcaycan allita ruraj runacunaga. Wasin Puncunchöpis carcaycan lantacuna waytajnörämi.

Éxodo 26:19

Chay ishcay chunca marcucuna (20) ichiränanpaj guellaypita ruranqui chuscu chunca (40) jamanancunata. Chaura cada marcu jamaraycanga guellaypita ishcay jamanacho.

Cantares 2:14

Cuyashä paluma, gamga pacacuycanqui gagacunamanmi. Ama pacacuychu ari. Cärayquita ricaycushaj ari. Busniquita wiyarcushaj ari. Gam rimashayquega maysi wiyacuyllami. Gamga maysi ricapäcuyllami canqui.

Cantares 4:11

Cuyaynë, shimi wirpayquega mishquinörämi. Muchacuyniquipis lëchiwan mishqui caycajnörämi. Röpayquipis Libanucho caycaj muntipa asyayninnörämi cuyayllapaj asyan.

Cantares 7:4

Cuncayquega llushwaypa llushwaycan cuyayllapaj arusha törrinömi. Ñawiquinami caycan ishcay yacu ishtanqui Hesbón siudächo caycajno, Bat-Rabim puncupa ñaupancho caycajno. Sengayquinami caycan Damascuman ricaraycaj törri Libanucho caycajno camaraj.

Lamentaciones 4:7

Mandaj runacunaga caran rashtapita, lëchipitapis mas yurajrämi. Cuerpuncunapis pucaypa-pucaycaran. Cäranpis gueshpi ruminörämi caran.

Ezequiel 17:23

Israelcho caycaj puntamanga mas altunninmanmi lantashaj. Chaycho alli wiñaptin rämanpis jatunyar mashtacanga, sumaj wayonga. Alli sedru gueruna canga. Chay yörapa chaquinchöga tucuy-casta animalcunami tiyanga. Rämancunachöpis gueshtata ruranga tucuy-casta äbicunami.

Ezequiel 31:8

Tayta Diospa wertancho caycaj sedrucunaga manami mayganpis chay sedruno jatun caranchu. Chay sedrupa rämannöga manami ima pïnupa rämanpis tincuranchu. Chaypanöga manami ima yörapa öjanpis caranchu. Tayta Diospa wertancho caycaj yöracuna chay sedruno cuyayllapäga manami mayganpis caranchu.

Oseas 14:7

Israel runacunaga yapaymi nogapa maquëcho goyanga. Chayrämi canga rïgu shicshiraycajno. Übas sumaj chillguiraycashannörämi canga. Paycunapäga may-chaychöpis parlanga Líbano bïnupänörämi.

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Mateo 17:2

Chaychömi disïpuluncuna ricapaycaptin Jesús juc-nirajman ticraran. Jesuspa cäranga intinöraj fiyupa achic-achicyaycaj ricacuran. Röpanpis achic-achicyaycaj yuraj ricacuran.

Mateo 28:3

Anjilga illguynöraj achicyaycaran. Röpanna caycaran yuraj rashtano.

Hechos 2:28

Mana ushacaj cawayta tarinäpämi ricachimanqui. Gampa ñaupayquichöga amatar cushicuyllami caycan.›

1 Timoteo 3:16

Llapanchïmi musyanchi Jesucristupa willacuynin llapanpitapis mas alli cashanta. Jesucristoga runami yuriran. Wañuptinna Espíritu Santu cawarachimuran. Anjilcunapis ricashpan aduraran. Willacuynenga maychöpis willacusha caran. May-chaychöpis paymanmi yäracuran. Syëluman cutirnami Tayta Diospa ñaupanman chayaran.

Jueces 13:6

Chaura warmiga runanta willar niran: «Tayta Diospa cachanmi shamusha. Quiquin Tayta Diospa anjilnin-niraj almiraypämi casha. Manami maypita cashanta, ni pï cashantapis tapushcächu. Ni quiquinpis manami willamashachu.