Cantares 5:10 - Tayta Diosninchi Isquirbichishan

¹⁰ Cuyaynëga camarajlla puca cärami. Paytaga rejsinquimanmi chunca waranga runacuna goturaycashanchöpis.

Cantares 5:10 ပူးပေါင်းရင်းမြစ်များ

Salmos 45:17

Nogami alabansacunawan jutiquita yarpächishäpaj taytancuna wañuptin wamrancuna mirajchöga. Chaynöpami intërucho llapan runacuna imaycamapis gampaj allita parlangapaj.

Salmos 45:2

Gamga llapan runacunapitapis mas cuyayllapämi canqui. Maysi wiyacuylla allillami parlanqui. Chaymi Tayta Diosga imaycamapis bindisyunta goycäshunqui.

Cantares 2:1

Nogaga cä Saroncho caj rösa waytami. Ragra pampacunacho caj liryu waytami cä.

Isaías 10:18

Ushajpämi illgächenga cuyayllapaj muntincunata, wertancunatapis. Gueshyawan gueshyaycaj runa callpaynaj caycajtanönami cachayconga.

Isaías 59:19

Tayta Diosga fiyupa chayasha mayu aywar jaytarejnörämi chayamongapaj. Llapan runami inti yagamunan caj-läpita-pacha inti yaganan caj-läcama Tayta Diosta rispitangapaj fiyupa munayniyoj caycajta ricashpan.

Isaías 66:19

Nogami señalta ricachishaj. Waquintaga juc-lä nasyuncunamanmi chayachishaj. Chayanga Tarsisman, Libiaman, Lidiaman, (chay nasyuncho tiyajcunaga fiyupami yachan lëchawan illapayta), Tubalman, Greciaman. Waquintanami chayachishaj fiyupa caru lamar cantuncho caycaj nasyuncunamanpis. Chay nasyun runacunaga manami imaypis wiyashachu casha nogapaj parlajta. Manami ricashachu casha munaynëwan rurashäcunatapis. Chayman chayajcunami munayniyoj cashäta chay nasyuncunacho willacongapaj.

Lamentaciones 4:7

Mandaj runacunaga caran rashtapita, lëchipitapis mas yurajrämi. Cuerpuncunapis pucaypa-pucaycaran. Cäranpis gueshpi ruminörämi caran.

Romanos 9:5

Paycunaga Abrahampita, Isaacpita y Jacobpitami miraran. Paycuna castapitami Jesucristupis yuriran. ¡Payga llapanpaj munayniyoj Diosninchïmi caycan! ¡Payga imaycamapis alabasha caycullächun! Amén.

Deuteronomio 32:31

«Contranchïcunata chapäga manami noganchïta chapämajninchïnöchu. Chaytaga quiquincunapis musyanmi.

Colosenses 1:18

Jesucristumi inlisyapa mandajnin car juc cuerpupa umanno caycan. Inlisyanami cuerpuno caycanchi. Paypitami inlisyaga cuerpuno cawaycan. Chaypämi rimir-puntatapis cawarimusha. Chaynöpami Paypa maquillancho llapanpis caycan.

Hebreos 2:10

Tayta Dios camashallanmi llapanpis caycan. Pay munaptinmi ima-aycapis caycan. Chayno carmi wamrancunata ñaupanman chayachinan-raycu quiquin camacächisha Jesús fiyupa ñacar wañunanpäpis. Jesusmi llapanchïta salbamänanchïpaj ñaupanchïta aywasha.

Hebreos 7:26

Chay-niraj mas mandaj cürami pishiycämaranchi. Jesusga Tayta Dios munashannömi cawan. Ima juchanpis manami canchu. Imaypis manami juchata rurashachu. Juchayoj runacunapa chaupinpita raquirmi Tayta Diosninchëga syëluman shuntacuran ñaupancho cawananpaj.

1 Samuel 16:12

Chaura Isaïga gayachimuran. Chay wamranga caran cuyayllapaj camarajlla puca ajcha. Samuelta Tayta Dios niran: «Paytami acrashcä. Asëtita wiñapay ray cananpaj.»