Cantares 5:1 - Tayta Diosninchi Isquirbichishan

¹ Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Cantares 5:1 ပူးပေါင်းရင်းမြစ်များ

Génesis 37:25

Wiñarpärir micur jamacaycäriran. Chaypita ricaran juc röpa Ismael runacuna aywaycämojta. Paycunaga aywaycämuran achca camëlluncunawan nigusyun cargasha. Galaadpita aparcaycaran perfümita, balsamuta, mïrrata. Chaycunataga Egiptumanmi ranticoj apaycaran.

Salmos 147:11

Chaypa ruquin Tayta Diosga cushicun payta rispitaptinmi, pay cuyacoj cashanman yäracuptinmi.

Salmos 16:3

Cay nasyuncho caycaj dioscunaga munayniyojshi. Chaynömi nin chayman yäracojcuna,

Proverbios 24:13

Ïju, abëjapa mishquinta jorgurcur micuy. Masqui yawarcuy. Chayga fiyupa mishquejmi.

Proverbios 9:5

«Camaricushä micuyta micunapaj shamuy. Rurashä bïnuta upunapaj shamuy.

Eclesiastés 2:5

Wertäcunata lantashcä. Waytacunata lantashcä. Chayman lantarä llapan casta frütacunata.

Cantares 1:13

Nogapäga cuyaynë caycan shuti-mallwawan mïrra perfümita imaypis wallgarashänömi.

Cantares 4:16

Wichaypa aywaj wayra, sumaj wayrämuy. Uraypa aywaj wayra, shamuy cayman. Wertäman wayrämushpayqui cuyayllapaj asyayninta cuyaynë cajman mashtacächiy. Chayrämi cuyaynëga wertanman shamonga. Chaycho frütacunapa mishquej wayuyninta miconga.

Cantares 4:8

Majallä, aywacushun. Líbano puntapita uräcushun. Puntacunapita uräshun. Liyuncuna tiyanan machaycunapita aywacushun. Tigricuna tiyanan puntacunapitapis uräcushun.

Cantares 6:11

Nuwal yöracunalla caycashan muntipa aywashcä. Aywashcä yacu aywaj ragra cantun pampa berdiraycajta ricapaj. Übas chichiycajta, granada waytaraycajta ricayta munashpämi urashcä.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Cantares 8:1

Mamäpa chuchunwan gueshpej turë canquiman caran. Chayno captenga gamwan cällicho tincushpäpis mucharcömanmi. Chauraga pipis manami jamurpämanmanchu.

Cantares 8:13

Wertacunacho cuyayllapaj caycaj warmi, rimashayquita wiyashaj ari. Yanasanchïcunami wiyayta munarcaycan.

Isaías 23:18

Ichanga manami quiquincunapänachu shuntanga, ni churanga. Chaypa ruquenga gänashancuna canga Tayta Diospänami. Tayta Diosta sirbejcunatami goycärengapaj alli micusha, alli röpasha goyänanpaj.

Isaías 5:1

Amïgöpa jutinchömi cantashaj. Chay cantanaga übaspämi riman. Amïgöpami caran übas chacran micuy alli wayunan alli chacracho.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 53:11

Ñacashanpitaraj chaycunata ricar fiyupami cushicongapaj. Tayta Diosta sirbëga achcajtami salbangapaj. Payga achcajpa juchantami apanga.

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Isaías 61:11

Imanömi chacracho muru pashtamun, wertachöpis imanömi lanta chillguir wiñan, chaynömi Tayta Diosga camacächenga rasun caj alli ruraytana yapay gallaycunanpaj, alabansacunatapis cantananpaj. Chaytaga llapan nasyun runacunami ricanga, wiyanga.

Isaías 65:13

Chaymi Tayta Dios cayno nin: «Sirbimajcunapäga micunanpaj cangami. Gamcunami ichanga yargaycho canquipaj. Sirbimajcunapaga upunanpäpis cangami. Gamcunami ichanga yacunaypita ñacanquipaj. Sirbimajcunaga cushicongapämi. Gamcunami ichanga pengaycho canquipaj.

Isaías 66:14

Chayno caycajta ricashpayquega fiyupami cushicunquipaj. Tamya wichan jacha chillguejnörämi cuerpuyquicunapis ricaconga. Tayta Diosmi munayninta musyachenga payta sirbejcunataga. Paypa contran cajcunatanami rabyaycashanta musyachenga.

Mateo 25:40

«Chayno niptinmi nishaj: ‹Sumaj wiyamay. Yäracamajcunata mayganpis yanapaj cajcunaga nogatami yanapämashcanqui.›

Lucas 12:4

«Cuyashäcuna, ama manchacunquichu wañuchicojcuna jurapäshuptiqui. Wañurcachishushpayqui mastaga manami imatapis rurashunquipänachu.

Juan 3:29

Jipashwan juc mösu majachacaptin mösuta yan'gaj amïgun fiyupami cushicun. Chay cushicushannöllami nogapis fiyupa cushicö.

Hechos 11:29

Chaymi Antioquiacho yäracojcunaga parlacuran Judea probinsyacho yäracojcunaman imallantapis shuntarcur apachinanpaj.

Efesios 5:18

Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.

Apocalipsis 22:17

Espíritu Santupis Jesucristuta chasquicojcunapis «¡Juclla cutimuyna tayta!» niycan. Cay librucho isquirbiraycajcunata liguimushanta wiyajcunapis «Cutimuyna tayta» nichun. Yacunajcunaga shamuchun. Munajcunaga dibaldilla upuchun imaycamapis cawachicoj yacuta.

Jueces 14:11

Filistea mösucunaga Sansonta manchacushpanmi quimsa chuncaj (30) aywaran.

Jueces 14:20

Chaycama Sansonpa warmintaga taytan majacharcuran Sansonpa amïgunwanna.