Cantares 4:16 - Tayta Diosninchi Isquirbichishan

¹⁶ Wichaypa aywaj wayra, sumaj wayrämuy. Uraypa aywaj wayra, shamuy cayman. Wertäman wayrämushpayqui cuyayllapaj asyayninta cuyaynë cajman mashtacächiy. Chayrämi cuyaynëga wertanman shamonga. Chaycho frütacunapa mishquej wayuyninta miconga.

Cantares 4:16 ပူးပေါင်းရင်းမြစ်များ

Eclesiastés 1:6

Wayraga yaparir yaparirmi wayraycan. Wayra sur caj lädupa wayran. Nircorga norte caj lädupana tumamun. Imaypis chaynöllami wayraga wayraycan.

Eclesiastés 2:5

Wertäcunata lantashcä. Waytacunata lantashcä. Chayman lantarä llapan casta frütacunata.

Cantares 1:13

Nogapäga cuyaynë caycan shuti-mallwawan mïrra perfümita imaypis wallgarashänömi.

Cantares 1:4

¡Pushacamay ari! ¡Raynillä, wasiquiman pushacamay ari! Gamwanga cushishami goyäshunpaj. Chaychönami yarpäshun cuyacuyniqui bïnupita mas alli cashanta. ¡Rasuntachari jipashcunaga cuyashunqui!

Cantares 2:3

Munti chaupincho mansäna yöra wayuraycajnömi cuyaynëga waquin runacunapa chaupincho caycan. Llantuyninman jamaycorga fiyupami cushicö. Wayuyninpis fiyupa mishquejmi.

Cantares 2:8

Cuyaynëga aywaycämunnami. Ïcunta wiyaycänami. Jircapa pintircur pintircurmi aywaycämun. Puytush lömacunapa patacunapapis pintircur pintircurmi aywaycämun.

Cantares 5:1

Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Cantares 8:12

Waranga guellayga gampaj cacuchun Salomón. Chacrata ricajcunapäpis ishcay pachac (200) guellay cacuchun. Nogami ichanga übas chacräta quiquillä ricacö.

Isaías 64:1

Ojalä syëluta quicharir urämunquiman. Ricärishushpayqui puntacunapis chucchunmanmi.

Ezequiel 37:9

Chaura Tayta Dios nimaran: «Runa, cawachicoj jämayta nogapa jutëcho gayacuy. Gayacushpayqui cayno ninqui: ‹Tayta Diosga caynömi nin: Cawachicoj jämay chuscun-läpita shamuy. Nircur caycho wañusha jitarpaycajcunaman cawarinanpaj yaycuy.› »

Mateo 26:10

Chay nishanta wiyar Jesús niran: «¿Imanirtaj cay warmita rabyapanqui? Payga nogapaj allitami ruraycan.

Mateo 26:12

Pampasha canäpämi cay warmiga perfümita wiñapämar bäñachimasha.

Juan 3:8

Espíritu Santu Tayta Diospa maquincho runata imano purichishantapis pipis manami musyanchu. Imanömi wayra wayrämojta mayarpis runacuna mana musyanchu maypita wayra shamushanta ni maypa aywaycashantapis, chaynömi mana musyanchu.»

Juan 5:8

Chayno niptinmi Jesús niran: «¡Jatariy! Quirmayquita apacurcur aywacuy.»

Hechos 4:31

Diosta mañacuyta ushaycuptin shuntacasha caycashan wasi cuyuriran. Chaura Espíritu Santupa munayninchöna llapan ricacuran. Chaypitaga chiquejcunata mana manchacuypana Tayta Diospa willacuyninta willacuran.

Romanos 15:16

Mana Israelcuna-raycumi Jesucristupa alli willacuyninta willacunäpaj churamasha. Cüranömi Tayta Diospa willacuyninta willacuycä. Chaynömi Espíritu Santu paycunata acrasha captin alli ofrendanöpis Tayta Diospaj canga.

Romanos 15:28

Cay ofrenda shuntashanta Jerusalencho ermänucunata entregaycurnami Españapa aywajnölla gamcunamanpis chayaramushaj.

1 Pedro 2:5

Gamcunapis cawaj rumi-japuymi carcaycanqui. Rumita-japuymi payga shuntaycämanchi templunta jatarachinanpaj. Chaynöpis acrasha-cashunqui templuncho sirbej cüracunano canayquipämi. Jesucristu-raycumi Tayta Diosga acrasha-cashunqui pay munashan ofrendacunata garanayquipaj.

2 Pedro 3:18

Chaypa ruquenga cuyapäcoj Taytanchi Jesucristo munashanno cawanayquipaj sumaj yachacuy-llapa. ¡Payga imaycamapis alabasha cachun! Amén.