Cantares 4:10 - Tayta Diosninchi Isquirbichishan

¹⁰ Cuyaynë, majallä, cuyamashayquega shongöcamarämi chayaycun. Cuyamashayquega mishquej bïnupitapis mas allimi caycan. Perfümiwan pichucushayquipis llapan perfümicunapita mas cuyayllapämi asyan.

Cantares 4:10 ပူးပေါင်းရင်းမြစ်များ

Cantares 1:12

Ray jamarashanmanpis perfümiwan cupacushäpa asyaynenga mayacaycanmi.

Cantares 3:6

¿Imaraj goshtay ichiraycajno chunyajpita aywaycämöga? ¿Imataj aywaycämun mira perfümiwan insinsuwan cupacusha, cuyayllapaj alli asyaj perfümicunawan cupacusha?

Cantares 4:9

Cuyaynë, majallä, shongötami pasaypa turwatächishcanqui. Gam ricäramaptillayquimi, wallgayquicho caycaj culur jïlullawanmi shongö pasaypa cuyacurcushurayqui.

Cantares 5:5

Chaymi jinan öra jatarirä cuyaynëta quichapänäpaj. Maquëpitapis mïrra perfümi juturcuranraj. Dëdöcunapitapis mïrraga juturcuranraj. Puncuta rancarajmanpis juturcuranraj.

Cantares 7:6

Cuyaynë, gamga canqui fiyupa cuyayllapämi. Mana cachaypa cuyacuypaj, fiyupa cuyayllapämi canqui.

Gálatas 5:22

Espíritu Santupa munaynincho cawarmi ichanga cuyanacun, cushicun, alli cawan, pasinsacun, runa-masinta yanapan, allita ruran, aunishanta cumlin,

Filipenses 4:18

Epafrodituwan apachicamushayquita llapantami chasquillashcä. Cananga imapis manami pishëmannachu. Apachimushayquega quiquin Tayta Diospa shongunpäno ofrenda-japuymi casha.

Apocalipsis 5:8

Chasquircuptinmi ñaupancho caj chuscu anjil-nirajcuna, ishcay chunca chuscu (24) mayur runacunapis ñaupanman gongurpaycuran. Paycunaga llapanmi arpanwan caycaran. Goripita rurasha bäsuncunachöpis insinsuta charaycaran. Chay insinsu caran Tayta Diosman yäracojcuna mañacushanmi.