Cantares 1:8 - Tayta Diosninchi Isquirbichishan

⁸ Cuyayllapaj warmicunapitapis mas cuyayllapaj warmi, mana musyashpayquega uyshacunapa yupillanpa ayway. Michicojcunapa chucllancuna caycashan lädullanpa cabrayquicunata michicuy.

Cantares 1:8 ပူးပေါင်းရင်းမြစ်များ

Salmos 16:3

Cay nasyuncho caycaj dioscunaga munayniyojshi. Chaynömi nin chayman yäracojcuna,

Salmos 45:11

Cuyayllapaj captiquimi gamtaga ray munacushurayqui. Paymi canga taytayqui. Payta wiyacuy.

Salmos 45:13

Raypa jipash wamranmi cuyayllapaj shuyaraycan. Röpanpis caycan goriwan burdashami.

Proverbios 8:34

Yachachishäta wiyacoj runaga fiyupa cushishami canga. Wiyamänanpaj wasë puncucho shuyämajcunaga cushishami goyanga.

Cantares 1:15

Cuyaynë, fiyupa cuyayllapämi canqui. Rasunpa cuyayllapämi canqui. Ñawiquicunaga caycan ishcay palumanömi.

Cantares 2:10

Cuyaynë, jatariy. Fiyupa cuyashä warmi, caypa shacamuy ari.

Cantares 4:1

Cuyaynë, fiyupa cuyayllapämi canqui. Rasunpami cuyayllapaj canqui. Shucutacushayqui rurincho ñawiquicunaga caycan ishcay palumanömi. Ajchayquicunapis aypalla cabra-mallwacuna Galaad jircacunapa pañar purejnörämi caycan.

Cantares 4:10

Cuyaynë, majallä, cuyamashayquega shongöcamarämi chayaycun. Cuyamashayquega mishquej bïnupitapis mas allimi caycan. Perfümiwan pichucushayquipis llapan perfümicunapita mas cuyayllapämi asyan.

Cantares 4:7

¡Cuyaynë, gamga cuyayllapämi canqui! ¡Chaquipita umacama camaraj cuyayllapämi canqui!

Cantares 5:9

Cuyayllapaj warmicunapitapis mas cuyayllapaj warmi, ¿ima cuyayllapätaj caycan cuyashayqui runaga chayno nimashayquita nogacuna willanäpäga? ¿Imanirajtaj chay cuyashayqui runaga?

Cantares 6:1

Llapan warmicunapitapis mas cuyayllapaj warmi, ¿maypataj aywacusha cuyayniquega? ¿Maymantaj aywanman? Ashej aywashun ari.

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Juan 21:15

Micuyta usharcur Pedruta Jesús tapuran: «Jonaspa wamran Pedro ¿waquin caj disïpulöcuna cuyamashanpita maschu gam cuyamanqui?» nir. Tapuptin Pedro niran: «Au tayta, gam musyanquimi cuyashäta.» Jesusna niran: «Uyshäcunata sumaj ricay.»

1 Corintios 11:1

Jesucristo cawashanno cawashäta ricamashayquino gamcunapis caway-llapa.

Efesios 5:27

Chaymi inlisyataga quiquinpa ñaupanman chayachenga achicyaypa achicyaycajta, juchaynajta, allita; mana shillpiyashatachu, ni ganratachu.

Hebreos 13:7

Tayta Diospa palabranta ñaupata willacojcunataga sumaj ricacunquiman. Paycunaga wañuy janancho caycarpis Tayta Diosnillanchïmanmi yäracuran. Chaymi paycuna alli cawashanno cawanquiman. Rimashantapis ama gonganquichu.

Hebreos 6:12

Chaymi guellacuna-japuy janan shongullaga ama canquichu. Man'chäga unay runacuna yäracushanno mana yamacaypa sumaj yäracuy. Chayrämi shuyashayquitapis chasquinquipaj.

Santiago 2:21

Mä unay awilunchi Abrahampaj yarpäshun. Tayta Diosninchëga Abrahamta alli rican ¿yäracushallanpitachu u yäracushpan wamran Isaacta altarman apashanpitachu?

Santiago 2:25

Mä yarpäshun unay Rahab rurashantapis. Chay warmiga guellaypaj jucwan-jucwan cacuycarpis ricapacoj chayajcunata wasinman pacaycuran. Nircorga Jericó runacuna ashiptin juc-lällapana gueshpichiran. Chayno allita rurashanpitami juchasapa caycaptinpis Tayta Diosninchëga allina ricaran.

Santiago 5:10

Yarpay Tayta Diosninchïpa profëtancuna imano goyashantapis. Paycunaga ima ñacaycho carpis mana yamacaypami Tayta Dios munashanno goyaran. Chaynölla gamcunapis ima ñacaycho carpis mana yamacaypa Tayta Dios munashanno goyay-llapa.

1 Pedro 3:6

Sarapis runan Abrahamta wiyacur sumaj rispitarmi ricaran. Chaymi Sara wiyacur cawashanno gamcunapis allillata rurar mana manchacuypa caway. Chayno cawarga Saramanmi llojshinqui.