Apocalipsis 18:23 - Tayta Diosninchi Isquirbichishan

²³ Pipis mana tiyaptin achquipis mananami achicyanganachu. Casaray fistapis mananami canganachu. Munayniyoj nigusyanticunapis manami canganachu. Brüju car may-chaychöpis tiyaj runacunata engañashayquipitami chayno ushacanquipaj.»

Apocalipsis 18:23 ပူးပေါင်းရင်းမြစ်များ

2 Reyes 9:22

Jehüta ricärir Joramga tapuran: «¿Alli canapächu aywaycämunqui Jehú?» nir. Jehüga niran: «¿Imanöpataj allipäpis shamushaj mamayqui Jezabel ïdulucunata aduraycaptenga brüju ruraynintapis mana cachariycaptenga?»

Job 21:17

«¿Imayllaga mana alli runacunapa achquin upishachuraj? ¿Imayllaga disigrasya päsashachuraj? ¿Imayllaga Tayta Dios paycunapaj rabyacurcur paycunata ñacachishachuraj?

Proverbios 24:20

Fiyucunaga mana alliman chayar-rämi mayanga. Fiyucunaga achqui upejno illajpitami illaraycanga.

Isaías 23:8

Nircur chaychöga raytana churaj. Chay siudäpa nigusyantincunaga rispitädu runacunallami caran. Chaymi llapanpis rispitashpan tiyachej. ¿Pitaj nisha Tiro chayno castigacänanpäga?

Isaías 47:9

Ichanga illajpita juc junajllami disigrasyacuna chayashunquipaj: Wawaynajmi, biyüdami quëdanquipaj. Chay-jina brüju ruraj cashayquipis, majiquëru cashayquipis manami salbashunquipächu.

Jeremías 16:9

Nogami camacächishaj cay nasyunchöga cushicur fista ruray cantay manana cananpaj. Majachacaychöpis mananami pipis cantanganachu. Cayno nishäga waracunallanami canga. Quiquiquicunami ricanquipis.

Jeremías 25:10

Chaynöpami camacächishaj cushicur fistata ruraycunapis manana cananpaj. Majachacar fistata rurashanpis manami canganachu. Maraynincunacho agajpis manami canganachu. Ni achquincunapis manami ratanganachu.

Jeremías 7:34

Judá nasyuncho caj llapan siudäcunacho, Jerusalén cällicunacho cushicuy fista cajpis manami cangapänachu. Manami pipis casaray fistacho birsonganachu. Nasyun intërumi chunyaj ricacongapaj.»

Nahúm 3:4

Nínive, chaynöga päsashurayqui guellaypaj cacoj warmino achca nasyuncunata engañashayquipitami. Cuyayllapaj captiquimi juc-lä nasyuncunapis cuyacurcushurayqui. Chaymi engañayta, brüju rurayta yachacusha.

Hechos 8:11

Llapanpis payta sumaj wiyaj brüju cayninwan unaypita-pachana tucuyta rurashanta ricar.

Apocalipsis 12:9

Chay dragonga caran dyablu nishan Satanasmi. Paymi llapan runacunata llutanta rurachej unay culebra caycan. Chaymi Satanasta llapan gatirajnincunatawan janaj pachapita gargamuran.

Apocalipsis 17:2

Chay warmiga mana pengacuypami mandajcunata chasquisha. Runacunapis paywan juchata rurar machashpanmi pirdicasha.»

Apocalipsis 17:5

Urcunchönami sasa tantiyay isquirbiraycaran cayno nir: «Nogaga jatuncaray Babiloniami cä. Nogami mañösa warmicunapa maman cä. Tucuy jucha rurajcunapapis maman cä.»

Apocalipsis 18:22

Mananami cantashancunapis wiyacangapänachu. Mananami imaypis wiyacanganachu cälliquicunacho arpa, pincullu ni trompëta wagashanpis. Gam cajchöga mananami ima aruyta yachajcunapis canganachu. Mulinu agashanpis manami wiyacanganachu.

Apocalipsis 18:3

Mañösa car juchata rurashanwanmi llapan nasyuncuna machasha. Tucuy nasyuncunapa raynincunapis paywan cacusha. Cay pachacho caj nigusyanticunapis fiyupa rïcuyasha tucuy munashanta payta ranticushpan.»

Apocalipsis 18:9

Chay siudäpita goshtay jatariycajta ricarmi llapan nasyuncunapa mandajnincuna llaquicur waganga. Chay mandajcunaga paywan cacushpanmi pasaypa juchata ruraran. Tayta Diospa contran imatapis mana manchacuypa ruraran.

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»

Apocalipsis 22:15

Chay siudächöga manami cangachu juchasapacuna: Diosman mana yäracojcuna, brüjucuna, majayoj caycar jucwan cacojcuna, runa-masinta wañuchejcuna, ïdulucunata adurajcuna, runa-masinta engañajcunapis.

Apocalipsis 22:5

Chaychöga pachapis manami chacanganachu. Tayta Dios achicyapaptin intitapis, ima achquitapis manami nistanganachu. Tayta Dioswan y Cashni uyshawanmi paycunaga imaycamapis mandanga.

Apocalipsis 6:15

Runacunanami gagacunaman, machaycunaman pacacuran. Cay pachacho caj raycuna, mandaj suldärucuna, rïcucuna, uywaycuna, waquin runacunapis llapanmi pacacuran.

Apocalipsis 9:21

Chaynöpis manami cachaycuranchu wañuchicoj cayta, brüju cayta, majayoj caycar jucwan cacuyta, suwacuyta.