Apocalipsis 17:15 - Tayta Diosninchi Isquirbichishan

¹⁵ Chaypitanami anjil nimaran: «Mañösa warmi jamaraycashan cajcho caycaj yacoga tincun may-chay marca runacunamanmi, may-chay nasyun runacunamanmi, tucuy rimayta rimaj runacunamanmi.

Apocalipsis 17:15 ပူးပေါင်းရင်းမြစ်များ

Salmos 18:4

Wañuyga janächönami ricacuran. Juchuno janächöna captin fiyupa mancharirä.

Salmos 65:7

Gammi chawächinqui lamar yacu wayrawan gaparar pullchajyaycajta, runacuna shanaypa shanar gaparpaycajtapis.

Jeremías 47:2

«Noga Tayta Diosmi në: Mayu chayar intëru pampapa mashtacar yagacuycojnömi norte caj-läpita runacuna chayamoj-aywan. Chay suldärucuna cay nasyunmanga intërumanmi yagacaycärenga, siudäcunamanpis, chay siudäcunacho tiyaycajcunamanpis. Chay nasyuncho tiyajcunaga llapanmi gaparpanga. Intëruchömi runacunaga nanächicur gaparpanga.

Jeremías 51:13

Babilonia nasyun runacuna, gamcunaga carcaycashcanqui jatun mayucunapa lädunchömi. Llapanniquipis gampaga fiyupa aypallami casha. ¡Cananga chayamushanami ushacänayquipaj öra! ¡Manami canquipänachu!

Jeremías 51:42

Contrancunaga Babiloniaman shamusha lamar yacu llojshicaramojnömi. Wayrawan ruyrucarcur-ruyrucarcur shamoj yacu ushajpaj chapacurcojnömi juntacaycärisha.

Jeremías 51:55

Babiloniacho tiyaj runacunataga Noga Tayta Diosmi ushajpaj illgaycächë. Llapan gaparpaycajtapis ushajpämi illgaycächë. Gochapita wayrawan yacu shamoj gaparajnörämi contrancunaga fiyupa gaparpashpan paycunaman yagacaycärin.

Ezequiel 31:4

Pacha rurinpa aywaycaj yacumi yanapasha sumaj wiñananpaj. Chay yöra wiñaraycashan lädunpana mayucuna ruracasha. Chaypita aywarnami llapan yöracunata pargusha.

Apocalipsis 10:11

Chaura yapay wiyarä syëlupita nimojta: «Tayta Dios nishushayquinölla yapay willacuy runacunata ima päsananpaj cajcunatapis. Chayno willacuy may-chay marca runacunatapis, may nasyun runacunatapis, ima casta rimayta rimaj runacunatapis, raycunatapis».

Apocalipsis 11:9

Quimsa junaj medyanmi may marca runacunapis, may trïbu runacunapis, ima rimayta rimaj runacunapis, may nasyun runacunapis ricanga wañusha jitarpaycajta. Paycunaga pampanantapis manami munangachu.

Apocalipsis 17:1

Bäsuta tacshimoj ganchis anjilpita juc aywaycamur nimaran: «Shamuy, mayu tincojcho jamaraycaj mañösa warmita Tayta Dios imano castigashantapis ricachishayqui.

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.