Amós 7:9 - Tayta Diosninchi Isquirbichishan

⁹ Ïduluncunata adurananpaj rurashan capillancunatapis illgächishämi. Sablëta aptacurcurmi aywashaj Jeroboampa famillyancunata illgarachinäpaj.»

Amós 7:9 ပူးပေါင်းရင်းမြစ်များ

Génesis 46:1

Israelga ima-aycantapis apacurcur aywacuran. Beersebaman chayaycurnami papänin Isaac rispitashan Diospaj uywata pishtarcur rupachir gararan.

2 Reyes 14:24

Ichanga Tayta Diosta mana wiyacur fiyupa mana allita ruraran. Manami cacharanchu unay Nabatpa wamran Jeroboam Israelcunata juchata rurachishantano rurayta.

Isaías 63:18

¡Acrashayqui runacunaga goycushayqui nasyuncho wallca watallami tiyasha! Cananga conträcunami Templuyquita pasaypa ganraycächin.

Jeremías 51:51

Gamcunaga niycanqui: ‹Gayapämaptinchïmi fiyupa pengacunchi. Tayta Diospa rispitädu Templunman juc-lä runacuna yaycushanpitami pengacuywan cäranchïcunatapis chapacusha caycanchi.›

Ezequiel 6:3

‹¡Tayta Dios nishanta wiyay Israel jircacuna! Jircacunapaj, puytush lömacunapaj, guechwa pampacunapaj, mayucunapäpis Tayta Diosga caynömi nisha: Gamcunapa janayquichömi fiyupa guërra canga. Ïdulucunata adurananpaj altunnin jircacunacho caycajcunatapis illgächishämi.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Amós 3:14

Juchanpita Israelcunata jusganä junäga Betelcho caycaj altarcunata ushajpämi illgächej-aywä. Altarpa isquïnancho caj wagrancunapis paquicarmi pampaman shicwanga.

Amós 5:5

Ama aywaychu Betelcho caycaj capillamanga. Ama aywaychu Gilgalcho caycaj capillamanga. Chayno, amana päsaynachu Beersebacho caycaj capillamanpis. Gilgalcho tiyajcunataga simrimi prësu apanga. Betelnami ushajpaj ragällan quëdangapaj.»

Amós 7:11

Payga puriycan cayno nirmi: ‹Jeroboamga sabliwanmi wañonga. Israelcunatanami nasyunninpita fiyupa caruman prësu apanga› nir.»

Amós 7:13

Cay Betelchöga ama willacuynachu. Caychöga caycan raypa templunmi. Caymanga nasyun intëru runacunami shuntacämun.»

Amós 8:14

Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

Amós 9:1

Tayta Dios ribilamaptin payta ricarä altarpa ñaupancho ichiraycajta. Paymi cayno niycaran: «Pilancucunata tacay, chayman jamaraj numralcuna cuyurinanpaj. Chaymi juchur runacunapa jananman shicwamonga. Gueshpejcunatapis sabliwanmi wañuchishaj. Imanöpa gueshpiyta munashpanpis manami ni jucnayllapis salbacongapächu.

Miqueas 1:5

Chayno canga Jacobpita miraj Israelcuna mana wiyacoj cashanpitami, juchata rurashanpitami. ¿Maychötaj caycan Jacobpita miraj Israelcuna jucha rurashanga? ¡Jucha rurashanga Samariachömi caycan! ¿Maychötaj caycan Judäpita mirajcuna jucha rurashanga? ¡Jucha rurashanga Jerusalenchömi caycan!»