Amós 7:8 - Tayta Diosninchi Isquirbichishan

⁸ Chaymi pay tapumaran: «Amós, ¿imatataj ricaycanqui?» nir. Nogana nirä: «Albañilpa plomädantami Tayta» nir. Chaura Pay nimaran: «Cananga albañilpa cay plomädanwanmi musyashaj Israelcuna imano caycashantapis. Juchanpitaga manami masga perdunashänachu.

Amós 7:8 ပူးပေါင်းရင်းမြစ်များ

2 Reyes 21:13

Samaria siudäta castigashänömi, Acabpa famillyancunata castigashänömi castigashaj Jerusalentapis. Ganra lätuta mayllarcur ucpashanchïnömi Jerusalenga limyu quëdanga.

Isaías 28:17

Chaychöga alli goyaymi plomädano canga. Rasun cajta ruraynami nibilno canga. Gamcuna llullacuypa pacacushayquitaga runtu tamyami illgarachengapaj. Chapäshunayquipaj yäracushayquitanami yacu apacongapaj.

Isaías 34:11

Chaychöga tiyangapaj pillyaj jutiyoj äbicunawan chushyajcunallami. Gueshwancunatapis rurangapaj quillicsawan tucumi. Chay nasyuntaga yarpashannömi Tayta Dios ticrachengapaj chunyajman. Imapis manami canganachu.

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Lamentaciones 2:8

Quiquin Tayta Diosmi camacächisha cuyayllapaj Sión siudäta curalaraycaj pergan juchuchisha cananpäpis. Paymi camacächisha imano illgächinanpäpis. Mana cuyapaypami ushajpaj illgächisha. Pergancunata paymi juchuchisha. Cananga muntuy-muntuyllanami goturpaycan.

Oseas 1:6

Chaypitaga warmin Gomercho yapay wamran caran. Chay wamranga caran warmi. Chaura Oseasta Tayta Dios niran: «Chay wamrapa jutinta churapay ‹Lo-ruhama› nir. Jutin chaynöga canga Israelcunata manana cuyapänäpaj captinmi. Manami perdunashänachu.

Amós 7:7

Tayta Diosga ribilamashpan caynötapis ricachimaran: Payga caycaran perga läduncho. Albañil charashan plomädata jancharaycaran.

Amós 8:2

Pay tapumaran: «¿Imatataj ricaycanqui Amós?» nir. Chaura noga nirä: «Juc canastacho frütacuna pogusha caycajtami» nir. Chaura Tayta Dios nimaran: «Israel runacunaga pogusha frütanönami caycan. Chaymi juchanpita mastaga manana perdunashänachu.

Miqueas 7:18

«Gamnöga manami juc Dios canchu. Gamga perdunanquimi mana allita rurajtapis. Chaynöpis gonganquimi nogacuna wallcalla quëdaj acrashayqui runacuna juchata rurashäta. Imaycamapis manami rabyashallaga cacunquichu. Gamga nogacunata cuyamashayquita musyachimanquimi.

Zacarías 4:10

Jatarachiyta gallaycushan wichan ushachinanta mana riguejcunaga fiyupami cushicongapaj Zorobabel ushajpaj aruchiyta ushachishanta ricaycur. Chaypitapis mastaraj anjilga nimaran: «Candilërupa ganchis achquincunaga caycan Tayta Diospa ñawincunami. Chay ñawincunami ricaycan mundu intëruman.»

Zacarías 4:2

«¿Imatataj ricaycanqui?» nir. Nogana nirä: «Ricaycä gori candilëruta asëti wiñacunayojta. Chay asëti wiñacunapa cantuncho caycaj ganchis lamparincunapa mëchanman asëtiga tübullapa aywaycan.

Zacarías 5:2

Anjil tapumaran: «¿Imatataj ricaycanqui?» nir. Noganami nirä: «Isquirbisha röllu janajpa buylaycajtami ricaycä. Chaypa larguynenga caycan chunca metru; anchuyninnami pichga metru.»