Amós 6:6 - Tayta Diosninchi Isquirbichishan

⁶ Jatusaj cöpacunawan bïnuta upyarcaycanqui. Cuerpuyquicunamanpis allinnin perfümicunataraj pichucuycanqui. Nasyunniqui mana alliman chayaycashanpäga manami imapis gocushunquichu.

Amós 6:6 ပူးပေါင်းရင်းမြစ်များ

Génesis 49:22

«José, gamga yacu cantuncho lanta wiñar amatar wayojnömi canquipaj. Nircur lantapa rämancunapis tapya jananpa lätajnöraj canquipaj.

2 Reyes 15:29

Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.

Ester 3:15

Chaymi carta apajcunaga jinan öra aparan ray nishanno. Jinan Susacho palasyu caycashanchöpis chay laytaga willacachiran. Susa siudächöna runacunaga fiyupa mancharisha caycaran. Amanwan ray ichanga cushicuywan upyarcaycaran micurcaycaran.

Isaías 28:1

¡Ay imanöraj canga Samaria! Payga corönanömi micuyta alli wayuchej altu patacho caycan. Burrächu Efraín runacuna alli-tucushanmi caycan. Chaynöpis caycan adurnu wayta wañuytasha caycajnömi. Chaychöga bïnuta upyallarmi goyarcaycan.

Isaías 5:12

Gamcuna fistata rurashayquichöga arpa, guitärra, tamburcuna, pincullucuna wagashallanmi wiyacaycanpis. Chay fista rurashayquichöga bïnupis aypallanpami ushacan. Ichanga manami yarpachacunquicunachu Tayta Dios ruraycashanpäga. Manami tantiyacunquipischu Tayta Dios camaricuycashantaga.

Jeremías 30:7

Chaynöga canga fiyupa manchariypaj junaj chayamunanpaj captinmi. Chay junajnöga manami imaypis canyasharächu. Chay wichan Jacobpita mirajcunapäga fiyupa llaquicuymi cangapaj. Ichanga paycunata noga salbashämi.

Ezequiel 9:4

cayno niran: «Jerusalén siudäta tumamuy. Chay siudächo melanaypaj mana allicunata ruraycajta ricashpan llaquicur pësacuycajcunataga urcuncho señalay.»

Oseas 3:1

Tayta Dios yapay nimaran: «Cachaycushushpayqui juc runawanna tiyaycaj warmiquiwan amistarcur cuyay. Noga Tayta Diospis chaynömi cuyä Israelcunata. Paycuna juc dioscunata aduraptinpis, chay dioscunapaj churashan mishquicunata micuptinpis cuyämi.»

Amós 2:8

Israelcunaga rindata chararashan röpacunata mashtaycärirmi wegurpan ïdulucunapa ñaupancho rispitar micunanpaj. Multata pägachishan guellaywanmi bïnuta rantin. Nircurmi chayta upyan ‹diosnë› nishancunapa templuncunacho.

Amós 4:1

Sumaj wiyay Samaria warmicuna. Basán particho wäcacunano caycaj warmicuna wiyay cayno nishäta: Gamcunaga pobricunatami ñacaycächinqui. Pishëpacojcunatapis magar-ushaycanqui. Runayquicunatana «Bïnuta apamuy upyanäpaj» nircaycanqui.

Juan 12:3

Micurcaycaptin pañin Mariana botëllawan chayachimuran «nardo» jachapita rurasha perfümita. Chayga fiyupa chanin cuestajmi caran. Chay apamushanta Jesuspa chaquinman wiñaparcur ajchanwan chaquichiparan. Chaymi chay perfümiga wasi junta asyaran.

Romanos 12:15

Cushicojcunawan cushicuy. Wagajcunawan wagay.

1 Corintios 12:26

Juc parti cuerpunchi nanaptenga intërunchïmi mana alli ricacun. Cuerpunchïcho maygan partitapis alli ricashaga chay partiwan llapan partimi cushicun.

1 Timoteo 5:23

Pacha nanaywan jinalla gueshyarga yacullata upunayquipa ruquin jampillapaj bïnutapis upuy.