Amós 5:11 - Tayta Diosninchi Isquirbichishan

¹¹ Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Amós 5:11 ပူးပေါင်းရင်းမြစ်များ

Job 20:19

Paycunaga ima-aycantapis ushaparcurmi pobricunata garguriran. Mana ñacar jatarachishan wasicunatami duyñu-tucarcäriran.

Isaías 16:10

Chacracunachöpis mananami cushicur gaparpanganachu. Manami übas chacracunachöpis cantanganachu. Übastapis manami gapchenganachu bïnuta rurananpaj übas lluchcacunancho. Mananami cushicur gaparpanganachu.

Ezequiel 26:12

Ima-ayca charashayquitapis guechushunquipämi. Ranticunayquipaj caycächishayquitapis suwapäshunquipämi. Pergayquicunatanami juchurgärachenga. Fiyupa cuyayllapaj palasyuyquicunatapis juchurgärachengami. Lamarmanmi jitarenga rumicunata, guerucunata, muntuy-muntuy goturaycar quëdajtapis.

Ezequiel 34:21

Wera cajcunaga tangarcur-tangarcurmi uyu cajcunata gargushcanqui. Tupaypami magashcanqui. Chaynöpanami gueshpichishcanqui.

Oseas 9:2

Chaypitami Israel runacuna, gamcunapäga mana cangapänachu rïgupis ni bïnupis.

Levítico 26:16

Nogapis illajpita mancharachishayqui, gueshyachishayqui rupaywan, fiyu gueshyacunawan, ñawi nanaycunawan. Callpayquipis manami cangachu. Murupacurpis manami shuntanquipänachu. Poguptin-imaga chiquishojcunallami micongapaj.

Amós 2:6

Tayta Diosga caynömi nin: «Israel nasyun runacunaga aypallatanami mana allita rurasha. Chaypitami castigänillataga mana cachaycushächu. Paycunaga juchaynaj alli runacunatami uyway cananpaj ranticun. Pobricunatanami ishcay llanguillawan rucan.

Amós 2:7

Pengaypaj ñacachin. Umildicunataga arriglarpis jananpanmi. Taytanpis, wamranpis chay jipashllawan cacun. Chayno rurashpanmi juchaynaj caycaptë pengayman churaman.

Amós 3:15

Jatusaj palasyucunatapis illgächishämi. Achicyaypa achicyaycaj wasincunatapis illgarachishämi. Llapan jatun wasincunatapis juchurgärachishämi.» Tayta Diosmi chayno nisha.

Amós 3:9

Willacojcuna, gamcuna willacuy Asdod runacunapa palasyuncunacho, Egiptucho caycaj palasyucunachöpis. Cayno niy: «Samaria jircacunaman shamuy-llapa, fiyupa mana allicunata Samariacho ruraycajta ricanayquipaj, alli runacunata ñacaycächejtapis ricanayquipaj.

Amós 4:1

Sumaj wiyay Samaria warmicuna. Basán particho wäcacunano caycaj warmicuna wiyay cayno nishäta: Gamcunaga pobricunatami ñacaycächinqui. Pishëpacojcunatapis magar-ushaycanqui. Runayquicunatana «Bïnuta apamuy upyanäpaj» nircaycanqui.

Amós 6:11

Tayta Diosmi camacächenga jatunpis tacshapis wasicuna juchunanpaj. Chauraga llapanmi illgangapaj.

Amós 6:12

¿Cawallucuna purinmanchuraj gagapa? ¿Gagacho yapyashwanchuraj? Chaura ¿imanirtaj gamcunaga layta benënumanno ticrachishcanqui? ¿Imanirtaj autoridäcuna alli arriglananpaj cajtapis ticrachishcanqui fiyupa ashgajmanno?

Amós 8:4

Imano cashayquitapis wiyay-llapa. Gamcunaga umildicunatami ñacaycächinqui. Nasyunniquicho pobri caycajcunatami engañaycanqui.

Amós 9:14

Chayrämi prësu apashanpita cutichimushäpaj acrashä Israel runacunataga. Juchuchisha caycaj siudäcunatapis yapay allchanga. Nircur chay siudäcunacho tiyanga. Übastapis lantanga. Poguptinnami bïnuta rurarcur uponga. Wertacunata ruranga. Wayuynincunatana miconga.

Miqueas 1:6

Chaypitami Tayta Diosga cayno nin: «Samaria siudä ushajpaj juchunanpämi camacächishaj. Übasta lantananpaj yapyasha caycaj chacranömi ricaconga. Chay siudäpa perga rumincunatapis guechwa ragrapami mashtarishaj. Chayno rurariptë simintuncuna cashanpis alayrimi quëdanga.

Miqueas 2:2

Chacrata munaparga chay chacracunata guechucurin. Wasicunata munaparga chay wasicunatapis guechucurin. Runata warmintinta, wamrantinta ñacachin. Taytan maman cachapaycushan chacracunatapis engañaypa guechucurin.

Miqueas 6:15

Murupacurpis manami shuntapacunquipächu. Olivota agarpis asëtinwan manami imatapis ruranquipänachu. Übasta lluchcarpis manami bïnuta upunquipänachu.

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»

Hageo 1:6

Gamcunaga aypallatami murupacunqui; ichanga wallcallatami shuntanqui. Micushpayquipis jinallami yargaycanqui. Upushpayquipis jinallami yacunarcaycanqui. Sumaj pitucurpis manami goñurinquichu. Arupacuptiqui pägashushayquipis manacajnöllami ushacäcun.

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Deuteronomio 28:30

Majachacänayquipaj parlashayquiwanpis jucmi puñucuyconga. Tiyanayquipaj wasita rurashayquichöpis manami tiyanquipächu. Übasta lantashpayquipis wayuyninta manami micunquipächu.

Santiago 2:6

Chayno caycaptenga ¿imanirtaj pobricunata manacajman churar rïcu runacunata alli ricaycanqui? ¿Manachu rïcu runacunaga munashanta rurachir ñacachishunqui? ¿Manachu magarcur-magarcur autoridäcunamanpis apachishunqui?