Amós 4:8 - Tayta Diosninchi Isquirbichishan

⁸ Siudänin-siudänin runacunaga yacuta ashishpan puriran. Chayno ashirpis manami tariranchu yacunaycashanta chawächinanpäga. ¡Chaypis gamcuna manami nogaman yapayga yäracamushcanquichu!» Tayta Diosmi chayno nisha.

Amós 4:8 ပူးပေါင်းရင်းမြစ်များ

1 Reyes 18:5

Acabga Abdiasta niran: «Cananga, intëru nasyuntami purimushun mayucunata pucyucunata ashir. Mä tarimushunchush berdi guewata, mülanchïcuna cawallunchïcuna micunanpaj. Mana tarerga uywaynajllanami quëdashunpis.»

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Jeremías 23:14

Noga ricashcämi Jerusalencho caj profëtacunapis fiyupa melanaypäcunata rurarcaycajta. Paycunaga majayojcunawanmi cacurcaycan; llullacurcaycan. Chayno rurarmi juchasapacunatapis mana allita ruraycashanta mana cachaycunanpaj shacyächin. Chaymi paycunapis, siudächo tiyajcunapis Nogapäga carcaycan Sodomawan Gomorra cashanno.»

Jeremías 3:3

Chayno cashayquipitami tamya quilla wichanpis, ni jachacuna waytanan wichanpis manana tamyamushanachu. Mañösa warmi pengacuyta mana yachashannömi carcaycanqui. ¡Pengacunquiman!

Jeremías 3:7

Nogaga yarparä imano-aycano juchata rurasha cashpanpis yapay nogaman cutimunanpaj cashantami. Nishäga manami cutimushanachu. Chaytaga ricashami mana wiyacoj ñañan Judá nasyunpis.

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Oseas 11:5

Chaypis paycunaga manami nogaman yäracamuyta munashachu. Chaypis Egiptumanga mananami cutenganachu. Asiria nasyunpa munayninchömi goyanga.

Oseas 7:10

Imano carpis paycunaga manami yäracamashachu, ni yarpämashapischu. Israelcuna alli-tucushanga quiquincuna mana alli canallanpämi caycan.

Amós 4:6

«Nogami camacächirä gamcuna yargaycho canayquipaj. Nogami camacächirä tiyashayquicunacho micuy pishëshunayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Miqueas 6:14

Micurpis manami sacsanquipächu. Jinallami yargaycanquipaj. Ima-aycatapis shuntar churanquipaj. Chayno churarpis manami imatapis jorgunquipächu. Imallatapis quëdachisha captiquega Nogami camacächishaj guërrachöna ushacänanpaj.

Hageo 1:6

Gamcunaga aypallatami murupacunqui; ichanga wallcallatami shuntanqui. Micushpayquipis jinallami yargaycanqui. Upushpayquipis jinallami yacunarcaycanqui. Sumaj pitucurpis manami goñurinquichu. Arupacuptiqui pägashushayquipis manacajnöllami ushacäcun.

Hageo 2:17

Ñacar murushayquicunatapis nogami illgächishcä micuyta ushaj curucunawan, runtu tamyawan. Chaypis gamcunaga manami nogaman yäracamushcanquichu. Chayno cashayquitaga noga Tayta Diosmi në.