Amós 4:13 - Tayta Diosninchi Isquirbichishan

¹³ Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Amós 4:13 ပူးပေါင်းရင်းမြစ်များ

Job 9:7

Paymi mandan inti mana yagamunanpaj, goyllarcuna mana achicyananpäpis.

Salmos 135:7

Cay pachapa cuchunpita pucutayta jatarachimun. Tamya tamyamunanpaj räyu räyumunanpäpis paymi camacächin. Wayratapis jorgamun churaräcunanpita.

Salmos 139:2

Gamga musyanquimi imano cawashallätapis. Carucho caycashpayquipis musyaycanquimi imallata yarpaycashätapis.

Salmos 147:18

Ichanga chullucäcunanpaj Tayta Dios niptin chullucäcun. Wayrächimuptin yacupis cörrin.

Salmos 65:6

Gammi munayniquiwan callpayquiwan sumaj tacyaraycächinqui llapan jircacunata.

Éxodo 10:22

Maquinta Moisés jogariptin intëru Egiptucho fiyupa chacacäcuran. Chayno chacaylla cacuran quimsa junajcama.

Éxodo 14:20

Chaura chay ichiraj pucutayga caycaran Egiptucunapawan Israelcunapa chaupincho. Chay öra Egiptucunapäga pacha fiyupa chacacäcuran; Israelcunapäna achicyaparan. Chaynöpami Egiptucunaga ricayta mana camäpacur Israelcunata mana tariparanchu.

Isaías 40:12

¿Pitaj maqui paltanta ucrurcachillar lamar yacuta tupusha? ¿Pitaj imano jatun caynintapis syëluta cuartasha? Cay pachacho caycaj llapan ñuchu allpata ¿pillaga juc tupuman tupushachuraj? Puytush lömacuna, puntacuna ayca lasashantapis musyananpaj ¿pillaga pësashachuraj?

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Isaías 47:4

Israelcunapa munayniyoj Santo Tayta Diosnin ima-aycapitapis salbacojmi cayno nin:

Isaías 48:2

Gamcunaga «rispitädu siudäpitami cä» nircaycanqui. Chayno nishpayquimi Israelpa Diosninman yäracunqui. Paypa jutenga munayniyoj Tayta Diosmi.

Isaías 5:30

Chayamushpan chay runacunaga Israelcunaman yaycunanpaj gaparpangapaj lamar yacunörämi. Chay runacuna aywaycämushan caj-läpa ricärerga ricangapaj fiyupa chacashatarämi. Chacasha captinmi junaj cashanpis mana musyacangachu.

Jeremías 10:13

Räyuno busninwanmi syëlucho caycaj yacuta gaparächin. Pucutaytapis pampapita jatarachin. Tamyaycashan örami illguytapis achicyächin. Wayratapis wichgarächishanpitami gargaramun.

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Jeremías 46:18

«Nogaga munayniyoj Raymi cä. Jutëcho jurarmi në: Puntacunapa chaupincho Tabor punta ichiraycajno, lamarpita ichiraycaj Carmelo puntanömi Egipto runacunapa contran shamunanpaj caycäga caycan.

Jeremías 51:16

Räyuno busninwanmi syëlucho caycaj yacuta gaparächin. Pucutaytapis pampapita jatarachin. Tamyaycashan örami illguytapis achicyächin. Wayratapis wichgarächishanpitami gargaramun.

Jeremías 51:19

Tayta Diosninchïmi ichanga rasunpa Dios. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis «Munayniyoj Tayta Diosmi».

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Daniel 2:30

Chaynömi nogatapis musyachimasha pipis mana musyashanta ricachishushayquita. Ichanga manami waquin runacunapita noga mas musyaj-yachaj captëchu musyachimasha. Chaypa ruquenga imapaj chay suyñuyqui cashantapis willanäpämi musyachimasha. Willaptërämi gamga sumaj tantiyanquipaj yarpachacushayquicuna imapaj cashantapis.

Oseas 12:6

Chayno caycaptenga Israelcuna, Diosniquita wiyacuy. Cuyanacuy; alli cajtana ruray. Nircorga mana cachaypa Tayta Diosman yäracuy.

Joel 2:2

Chay junäga canga yanauyaycaj chacaymi, pucutay juntashami, gontaynöraj chacashami. Pacha wararcuptin inti ratamur mashtarcojnömi puntacunapapis chüpacacunaga aypalla munayniyoj suldärucunano juntacuyconga. Chaynöga manami unay caranchu. Chaynöga manami ni imaypis canganachu.

Amós 3:13

Munayniyoj Tayta Diosga willacojcunata caynömi nin: «Gamcuna wiyay-llapa. Jacobpita mirar aywaj Israel runacunapa contran willacuy.

Amós 5:27

Chaypitami gamcunata jitarishayquipaj Damascupita mas carucho caycaj chunyaj chaqui jircaman.» Chayno rurashunayquipäga niycan Tayta Diosmi. Paypaga jutinpis munayniyoj Tayta Diosmi.

Amós 5:8

Tayta Diosmi ichanga chacayta junajman ticrachin. Junajtapis yanauyaycaj chacayman ticrachin. Paymi ruraran «Pléyades» nishan, «Orión» nishan goyllarcunatapis. Paymi gayan lamarcho caycaj yacucunata, nircorga allpa jananmanna machirin. Tayta Diosmi camacächin pacacuna siudä illgänanpäpis. Chaynöpami mana allita chayachimun curalasha caycaj siudäcunaman. Paypa jutenga Tayta Diosmi.

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»

Amós 8:9

Tayta Dios nin: «Chay nishä junajmi camacächishäpaj inti las-dösicho caycaptin pacha chacacäcunanpaj. Pullan junaj alli achicyaraycaptinmi camacächishaj intëru mundupa chacay ricacunanpaj.

Amós 9:6

Tayta Diosga janaj syëluchömi camacächisha tiyananta. Cay pacha jananpanami asulyaraycajta camacächir tacyachisha. Quiquin Tayta Diosmi gayan lamarcho caycaj yacucunata. Nircorga chajchurin intëru allpa jananman. Paypa jutenga Tayta Diosmi.

Miqueas 1:3

Tayta Diosga tiyaycashan cajpitami llojshimonga. Nircorga puntallanpami shamonga.

Habacuc 3:19

Nogataga Tayta Diosmi imapitapis chapäman. Paymi camacächin chaquë lluychupa chaquinno cörrinanpaj. Nircurpis altu jircacunaman pushaman. Cay mañacushan caycan cuerdayoj instrumentucunata tucar cantananpämi.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

Mateo 9:4

Chayno yarparcaycashanta musyar Jesús niran: «¿Imanirtaj llutanta yarparcaycanqui?

Juan 2:25

Manami nistajchu runacuna willanantaraj. Payga quiquinmi musyaycaran runacunapa shongun imano yarpaycashantapis.

Juan 3:8

Espíritu Santu Tayta Diospa maquincho runata imano purichishantapis pipis manami musyanchu. Imanömi wayra wayrämojta mayarpis runacuna mana musyanchu maypita wayra shamushanta ni maypa aywaycashantapis, chaynömi mana musyanchu.»

Deuteronomio 32:13

Nasyuncunacho altunnin jircacunapami llapanta binsichir pushamusha. Jircacunacho cajpa wayuynintami micunanpaj camariparan. Gagapita llojshimoj mishquitami upuchiran. Ranrapita llojshimoj asëtitami upuchiran.

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»