Amós 4:10 - Tayta Diosninchi Isquirbichishan

¹⁰ «Egiptuman yurichishäno castïgutami gamcunamanpis chayachimurä. Nogami camacächishcä gamcunacho caycaj mösucuna guërracho wañunanpaj. Camacächirä cawalluyquicunata chiquishojcuna guechurishushpayqui apacunanpaj. Nogami camacächirä pillyacho wañoj runacuna ismushan asyaytapis tiyarcaycashayquicho mayanayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Amós 4:10 ပူးပေါင်းရင်းမြစ်များ

2 Reyes 10:32

Chay wichan Tayta Diosga Israelpa lindancunata tacshayächiyta gallaycuran. Israelpa lindancunapa ray Hazael yaycur guechuyta gallaycuran.

2 Reyes 13:3

Chaymi Tayta Diosga Israelcunapaj fiyupa rabyacurcuran. Siriapa raynin Hazaelpa munayninman, Hazaelpa wamran Ben-adadpa munayninman unaycama cachaycuran.

2 Reyes 13:7

Joacazpaga manana carannachu achca suldäruncuna. Pichga chuncallana (50) caycaran cawalluwan cajcuna, chuncallana carrëtancunapis, chaquipa caj suldärucunana chunca waranga (10,000). Siriapa rayninmi binsir wañuchisha caran.

2 Reyes 8:12

Chaura Hazael tapuran: «¿Imanirtaj waganqui tayta?» nir. Eliseona niran: «Musyaycämi fiyupa mana allita Israelcunata ruranayquipaj cashanta. Alli wasincunatami rupargärachinquipaj. Llapan mösucunatami wañuchinquipaj sabliquiwan. Tacshacunatapis wañorgärachinquipaj. Gueshyaj caycaj warmicunapa pachantapis gashargärinquipämi» nir.

Éxodo 10:27

Ichanga faraón rumi shonguno contra ricacunanpaj Tayta Dios yapay camacächiran. Chaymi Israelcuna aywananta mana munaranchu.

Éxodo 10:3

Niptin Aaronwan Moisesga aywaran faraón cajman. Chayaycur niran: «Hebreocunapa Tayta Diosninmi cachamasha gamta tapunäpaj. ¿Imaycamaraj payta mana wiyacunquichu? ¡Aduraj aywananpaj acrashan runacunata cachay!

Éxodo 14:4

Nogami camacächishaj faraón rumi shonguno contra ricacushpan guepayquita gatishushpayqui shamunanpaj. Chayno gatishuptiqui nogami suldäruncunata ushacächishaj. Chaynöpami musyachishaj munayniyoj cashäta. Chayrämi Egiptucunaga musyanga noga Tayta Dios cashäta.» Chaymi Israelcunaga Tayta Dios nishannölla cutiran.

Éxodo 15:26

Paycunata niran: «Wiyacamaptiquega, munashänölla cawaptiquega, laynëcunata cumliptiquega Egiptucunata castigar gueshyawan charichishäno manami castigashayquipächu. Nogami cä Tayta Diosniqui, imapitapis allchacächej.»

Éxodo 8:19

Chaura brüjucunaga faraonta niran: «Caytaga Diosmi ruraycan» nir. Chaypis faraón mas piyur-raj rumi shonguno contra ricacuran. Tayta Dios willashannömi mana cäsuranchu.

Éxodo 9:12

Chaypis Tayta Diosmi camacächiran faraón rumi shonguno contra ricacunanpaj. Chaynöpami Aaronwan Moisés nishantaga mana cäsuranchu. Tayta Dios willashannömi caran.

Éxodo 9:17

Chaypis payga acrashä runacuna aywananta manami munanchu.

Isaías 34:3

Wañojcunatapis manami pipis shuntangachu. Chaycunaga fiyupa melanaypämi asyarenga. Intëru jircapapis yacunörämi yawarpis aywanga.

Isaías 50:11

Cuydädu, achquicunayquipaj quiquiquicunalla ninata sindejcuna; chay ninawan achquicusha purejcuna. Chayno cawaptiquega Tayta Dios castigashunquipämi. Fiyupa llaquicur ñacaychömi goyanquipaj.

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Isaías 9:13

Chayno castigaycaptinpis runacunaga manami wanacuranchu. Ni munayniyoj Tayta Diosmanpis manami yäracuranchu.

Isaías 9:17

Chaypitami Tayta Diosga mösucunata mana cuyapashachu. Wacchacunata ni biyüdacunatapis mana cuyapashachu. Chayno mana cuyapashachu llapanpis mana yäracojlla, mana allita rurajcunalla cashanpita, llapanpis manacajcunallata parlashanpitami. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Jeremías 11:22

munayniyoj Tayta Dios caynömi nin: «Chaypitami Anatot runacunataga noga castigashaj. Mösu cajcunaga guërrachömi wañonga. Wamrancunana warmipis ollgupis yargaypita wañonga.

Jeremías 15:3

«Noga Tayta Diosmi në: Chuscu casta castïguwanmi castigashaj. Guërrachömi wañuchenga. Allgucunami garachash purichenga. Aycha micoj äbicunami miconga. Aycha micoj jirca animalcunami rachir-ushanga.

Jeremías 16:4

fiyu gueshyawanmi wañonga. Paycunapäga wagananpäpis manami pipis cangachu. Pampananpäpis manami pipis cangachu. Uywacunapa iscannömi intëru pampacho wañusha mashtaräconga. Guërrawan yargaywanmi paycunaga wañonga. Wañusha mashtarpaycajtanami aycha micoj äbicuna, jirca animalcuna miconga.»

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 48:15

Chayamonganami Moabcho, siudänincunacho tiyajcuna illgänanpaj, allinnin caj mösucunapis ushajpaj wañunanpaj. Chayno cananpäga Israelcunapa raynin noga Tayta Diosmi nishcä.

Jeremías 49:26

Chay junäga mösucuna cällicunacho wañushami mashtarpäcongapaj. Suldäruncunapis ushajpämi wañonga. Munayniyoj Tayta Diosmi chayno në.

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Jeremías 6:11

Nogapis Tayta Dios rabyashanta willacunäpämi caycä. Chaytaga manami amuräcömanchu.» Chaymi Tayta Dios nimaran: «Rabyasha caycashätaga willay cällicho caycaj wamracunata, röpanpa puriycaj mösucunata. Runacunataga prësumi apacongapaj warmintawan-cama, auquincunatapis mana cuyapaypa.

Jeremías 9:22

Wañusha runacuna yänin mashtarpäcun uywacunapa iscanno. Rïguta rutuptin shicwajcunata mana shuntashannömi jitarpäcun» nir.

Oseas 11:5

Chaypis paycunaga manami nogaman yäracamuyta munashachu. Chaypis Egiptumanga mananami cutenganachu. Asiria nasyunpa munayninchömi goyanga.

Joel 2:20

Micuyta ushaj chüpacacuna jana caj-läpita aywamojtapis gamcunapitaga gargushämi. Chayno gargurmi jitarishäpaj chunyajman. Ñaupanta aywajcunatami shengaypa wañurachishaj Cachi lamarcho. Guepanta aywajcunatana shengachishaj Mediterráneo lamarcho. Wañur ismurmi fiyupa asyaricurenga. Chaynömi almiraypajcunata ruraj-aywä.

Levítico 26:16

Nogapis illajpita mancharachishayqui, gueshyachishayqui rupaywan, fiyu gueshyacunawan, ñawi nanaycunawan. Callpayquipis manami cangachu. Murupacurpis manami shuntanquipänachu. Poguptin-imaga chiquishojcunallami micongapaj.

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Amós 4:6

«Nogami camacächirä gamcuna yargaycho canayquipaj. Nogami camacächirä tiyashayquicunacho micuy pishëshunayquipaj. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Hageo 2:17

Ñacar murushayquicunatapis nogami illgächishcä micuyta ushaj curucunawan, runtu tamyawan. Chaypis gamcunaga manami nogaman yäracamushcanquichu. Chayno cashayquitaga noga Tayta Diosmi në.

Deuteronomio 28:21

Charicarcärinayquipaj caycaj nasyunman yaycur tiyaptiquipis tucuy-niraj gueshyacunawanmi Tayta Dios llapayquita ushacächishunquipaj.

Deuteronomio 28:22

Gamcunacho yurichenga fiyu gueshyata, fiyupa rupayta, gueripäcuyta. Fiyupa usyawan llapan chaquenga. Rïguyqui wiñaycämojtapis chüpacacuna ushacurconga. Gueshyaga llapayquitami ushacächishunquipaj.

Deuteronomio 28:60

Egiptucho fiyupa manchacuypaj cashan gueshyacunami gamcuna tiyashayquichöpis yurengapaj. Chaura fiyupami ñacanquipaj.

Deuteronomio 7:15

Ima-ayca gueshyapitapis Tayta Diosninchïmi chapäshunquipaj. Egipto runacunata castigar ñacachishanno gamcunata manami ñacachishunquipächu. Contrayqui jatarejcunatami ichanga chay castïgucunawan ñacachenga.