Amós 3:15 - Tayta Diosninchi Isquirbichishan

¹⁵ Jatusaj palasyucunatapis illgächishämi. Achicyaypa achicyaycaj wasincunatapis illgarachishämi. Llapan jatun wasincunatapis juchurgärachishämi.» Tayta Diosmi chayno nisha.

Amós 3:15 ပူးပေါင်းရင်းမြစ်များ

1 Reyes 22:39

Acab ima rurashancunapis, llapan willapancunapis, palasyuta marfilpita adurnachishan, siudäcunata aruchishanpis isquirbiraycan Israelcunapa raynincunapa acta librunchömi.

Salmos 45:8

Alli caj perfümi alli asyashannömi röpayquipis alli asyaycan. Cuyayllapaj marfilwan adurnasha palasyuyquichömi cushicachishunqui arpacunata tucapäshushpayqui.

Isaías 5:9

Munayniyoj Tayta Dios nimasha: «Aypalla wasicunami illgächisha canga. May-jina jatuncaray ni cuyayllapaj captinpis manami pipis tiyangapänachu.

Jeremías 36:22

Tamya quilla captinmi isgun quillachöga gasaywan ray goñoj cuartuncho caycaran. Chaychöga nina rataycajcho mashacuycaran.

Amós 2:5

Judá nasyunmanmi ninata sindipaycushaj. Chaynami rupar illgarachenga Jerusalencho caycaj palasyucunata.»

Amós 3:11

Chayno cashanpitami Tayta Diosga cayno nin: «Chiquishojcunami nasyunniquita curalapaycärengapaj. Pacacunayqui caycajcunatapis juchurgärachengapämi. Palasyuyquipitanami ima-aycatapis apaconga.»

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Amós 6:11

Tayta Diosmi camacächenga jatunpis tacshapis wasicuna juchunanpaj. Chauraga llapanmi illgangapaj.

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Jueces 3:20

Chaura wayrapänan cuartunchöga ray Eglón jamarashpan Aodwan ishcallanna caycaran. Ray Eglonpa ñaupanman witiycur Aodga niran: «Tayta mandaj gamtaga willashayqui Dios nishantami.» Niptin ray Eglonga sillunninpita jataricurcuran.