Amós 2:14 - Tayta Diosninchi Isquirbichishan

¹⁴ May-jina cörrishpayquicunapis manami gueshpinquipächu. Fiyupa callpayoj captiquipis manami callpayqui canganachu. Ni jinyunnin cajpis manami salbacongapänachu.

Amós 2:14 ပူးပေါင်းရင်းမြစ်များ

Job 11:20

Fiyucunami ichanga ashirpis mana tarengachu. Pacacunanpaj ashirpis manami tarengachu. Paycunataga wañuyllami shuyaraycan.»

Salmos 33:16

Manami pï raypis salbacunchu quiquinpa aypalla suldäruncunallawanga. Mana manchacoj jinyu runacunapis manami salbacunchu quiquinpa callpallanwanga.

Eclesiastés 9:11

Chayno juctapis cay pachachöga ricashcämi. Llallinacuychöpis manami mas cörrej cajchu llallin. Pillyachöpis manami jinyu cajchu binsin. Micunanpaj micuytapis manami yachajcunallachu charan. Manami yarpaysapacunallachu rïcupis. Manami yachajcunatapis alli jamachinchu. Pitapis öraga allimi llojshipan; öraga mana allimi llojshipan.

Jeremías 25:35

Uyshëruno caycaj mandajcunaga manami runacunata cachariycur aywacuyta camäpacongachu. Pusharajcunaga manami gueshpiyta camäpacongachu.

Jeremías 39:4

Chayta ricaycur suldäruncunawan ray Sedequiasga siudäpita chacaypa gueshpir aywacuran. Aywacuran quiquin raypa wertanman näni aywajpa, ishcan-läpa perga aywaraycashan chaupinpa puncu caycajpa. Chaypa llojshir Jordán guechwaman näni aywajpa aywacuran.

Jeremías 9:23

Tayta Diosmi nin: «Musyaj-yachajpis musyaj yachaj cashanpita ama alli-tucuchunchu. Munayniyojpis munayniyoj cashanpita ama alli-tucuchunchu. Rïcupis rïcu cashanpita ama alli-tucuchunchu.