Abdías 1:12 - Tayta Diosninchi Isquirbichishan

¹² Ama cushicunquimanchu caran castayquicuna mana alliman chayasha caycajta ricaycashpayquega. Ama cushipanquimanchu caran Judá ragällan quëdashan öra. Ama asipanquimanpischu caran paycuna llaquicuycashan öra.

Abdías 1:12 ပူးပေါင်းရင်းမြစ်များ

Job 18:20

Imano chay runata päsashantapis musyaycur may-chaychöpis fiyupami mancharenga.

Job 31:29

«Chiquimajnëcuna mana alliman chayaptin manami cushipashcächu. Chayno manami cushipashcächu disigrasya chayaptinpis.

Salmos 22:17

Pasaypa tullullannami caycä. Chiquimajcunaga cushipämashpan mana cachaycuypami ricapaycäman.

Salmos 31:18

Llullacunawan, asipar manacajman churacojcuna, alli cacojcunata abusapar gallaripajcunaga illgächun.

Salmos 35:15

Mana alliman chayaptëmi ichanga paycuna llapan asipämasha. Juc-lä runacunanömi mana cachaypa magamar ñacachimasha.

Salmos 37:13

Tayta Diosmi ichanga paycunapaj asicun. Musyaycannami fiyucuna illgänanpaj cashanta.

Salmos 54:7

Gamga llapan llaquicuypitami jorgamashcanqui. Llapan chiquimajcuna mana alliman chayajtapis ricachimashcanquimi.

Salmos 59:10

Tayta Dios gamga cuyamanquimi. Chaymi shamunqui yanapämänayquipaj. Yanapämaptiquimi llapan chiquimajcunataga binsishatana ricashaj.

Salmos 92:11

Chiquimajcuna mana alliman chayajtapis ricashcämi. Fiyucuna llaquicuycashantapis wiyashcämi.

Proverbios 17:5

Pobricunata manacajman churarga Tayta Diostapis manacajmanmi churaycan. Pipis mana alliman chayaptin cushipäga castigashami canga.

Isaías 37:24

Cachayquicunawan ashllichimarmi cayno nimashcanqui: «Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Mas cuyayllapaj pïno gueruncunatapis, jatunnin sedru gueruncunatapis sajtashcämi. Chayashcämi altunnin jircancunaman, may-may muntincunamanpis.

Lamentaciones 2:16

Llapan chiquishojcunami washayquita parlan. Wichyacachashpan, jamurpäshushpayqui cayno nin: «Ushajpämi illgächishcanchi. Chayno canantami munaranchïpis. Cananga ¿manachu ricanchi?» nir.

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Ezequiel 35:12

Chayrämi gam musyanquipaj Israel jircacunata ashllishayquita noga Tayta Dios llapanta wiyashäta. Gam nirayqui: «Pasaypa chunyajllami caycan. Cananmi ichanga llapanta ushacarcärishun» nir.

Ezequiel 35:15

Gamga cushicurayquimi Israelcuna partisyunta chasquishan nasyunta mana alliman churaptë. Chaynömi gamtapis rurashayqui. Edom nasyuncho caycaj intëru Seir jirca chunyajmanmi ticranquipaj. Chayrämi noga Tayta Dios cashäta musyanquipaj.›

Ezequiel 36:5

Noga Tayta Diosga caynömi në: Rabyasha rimashäcuna waquin runacunapäga caycan nina rataycajnömi. Chayno nishä masga caycan intëru Edom nasyunpämi. Paycunaga fiyupa cushicushpanmi acracushä nasyunta charicarcäriran. Chaycho tarishancunatapis manacajman churashpan apacuran.›

Miqueas 4:11

Cananga achca nasyun runacunami gampa contrayqui shuntacasha carcaycan. Paycunami cayno parlan: «¡Jerusalén ushacaycunman! ¡Chauraga fiyupa cushicurmi ricapashwan!» nir.

Lucas 19:41

Jerusalenta ricänaman chayarcur Jesús wagaran

Santiago 3:5

Shiminchïpis chaynömi. Tacshalla caycarpis jatunman chayachimanchi. Shanshapis tacsha caycarmi ratarerga jircata ushan.

2 Pedro 2:18

Paycunaga alabacurmi yachaj-tucur imatapis parlan. Juchancunapita chayraj arpinticojcunatami shimita gon llutancunata rurananpaj.

Judas 1:16

Llutan yachachicojcunaga jamurpäcun. Imata chasquirpis manami cuntintanchu. Mana allita yarpashallantami ruran. Alli-tucur manacajcunata parlan. Yarpashancunata rurachinan-cashami alli shimillanpa runacunata engañan.

Apocalipsis 13:5

Camacächiran waräcuy alli-tucur Tayta Diospa contran rimananpaj. Chuscu chunca ishcay (42) quillan munashanta rurananpämi munayta goran.

1 Samuel 2:3

«Pipis ama alli-tucur rimachunchu. Pipis ama puydej-tucuchunchu. Tayta Diosga imatapis llapantami musyan. Payga rurashan-tupumi runata jusgan.