2 Timoteo 2:22 - Tayta Diosninchi Isquirbichishan

²² Waquin mösucuna mana allita yarpar llutanta rurashannöga ama ruraychu. Chaypa ruquenga Jesucristo munashanno goyaj ermänucunano allillata ruranqui. Tayta Diosninchïman yäracunqui. Pï-maywanpis cuyanacunqui. Pï-maywanpis alli ricanacunqui.

2 Timoteo 2:22 ပူးပေါင်းရင်းမြစ်များ

Salmos 119:9

¿Imanöparaj mösuga juchata mana ruraypa cawanman? Gampa palabrayquita wiyacushpanmi juchata mana rurangachu.

Salmos 17:1

Tayta Dios, wiyaycamay ari. Chaynöpami musyanquipaj juchaynaj cashäta. Sumaj wiyaycamay mañacamushäta. Nogaga manami llullacurchu mañacamö.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 6:5

Runa wañuchinanpita lluychu gueshpishanno ayguicuy. Runa charinanpita pichiusa gueshpishanno gueshpicuy.

Proverbios 7:8

Chay mösuga cälli isquïnaman chayar jucaj-lä cälliman chimpariran mañösa warmipa wasin caj-läman.

Levítico 15:18

«Runa warminwan cacur custumrinta rurarerga ishcan bäñacuchun. Nircur pacha chacänancamaraj ganra canga.

Hechos 7:59

Sajmarcaycaptin Estebanga mañacur niran: «Tayta Jesús, almäta shuntacullay.»

Hechos 9:14

Cananga mas mandaj cürapita ordinta jorgucurcurmi cayman shamusha gamman yäracojcunata prësu apananpaj.»

Romanos 14:17

Tayta Diospa maquincho cawayga manami micunallanchïpächu ni upunallanchïpächu caycan, chaypa ruquenga allillata rurananchïpaj, pï-maywanpis alli cawananchïpaj y Espíritu Santu yanapämaptinchi cushisha cawananchïpämi.

Romanos 14:19

Chayno captenga sumaj yarpachacushun ermänucunawan alli cawananchïpaj. Jucninchi-jucninchïpis shacyächinacushun Tayta Diosninchi munashanno cawananchïpaj.

1 Corintios 1:10

Ermänucuna, Taytanchi Jesucristupa jutincho gamcunata ruwacö. Llapaniquipis juc shongulla caway. Apänacur ama raquicaychu. Chaypa ruquenga cuyay munaypaj caway. Imapaj yarparpis tantiyachinacuy cushisha goyänayquipaj.

1 Corintios 10:14

Chauraga cuyay ermänucuna, gamcunaga ïdulucunata aduraypita gueshpicuy.

1 Corintios 14:1

Chauraga cuyanacur goyay-llapa. Ima rurayta yachanayquipäpis mañacuy. Ichanga mas alli caycan Tayta Dios tantiyachishanta willacunayquipaj ashiymi.

1 Corintios 6:18

Jucwan-jucwan cacuyman chayanayquipitaga witicuy. Runacuna ima juchatapis rurar manami cuerpunpa contranchu ruraycan. Jucwan-jucwan cacurmi ichanga quiquinpa cuerpunpa contran ruraycan.

1 Timoteo 1:14

Chayno caycaptëpis Tayta Diosninchïmi alli cashpan cuyapämar tantiyachimaran payman yäracunäpaj y Jesucristo cuyacoj cashanno cuyacoj canäpaj.

1 Timoteo 1:5

Nogaga chayno willapaycä cuyanacunayquita munarmi. Chayno cuyanacoj canayquipäga Tayta Diosmanmi yäracunayqui, alli shonguyquiwan Tayta Dios munashanno cawanayqui.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

1 Timoteo 4:12

«Manaräpis mayur runa caycar ¿imanöpataj Timoteo yachachimäshun?» nir runacuna niptinpis ama cäsupaychu. Chaypa ruquenga alli shimillayquipa pï-maytapis parlapay, juchata mana ruraypa caway, runa-masiquita cuyapay, y Tayta Diosninchïman imaypis yäracuy. Chayno alli caway ari llapan ricacunanpaj.

1 Timoteo 6:11

Timoteo, gamga Tayta Diosta sirbejmi canqui. Llapan mana alli ruraycunapita witicuy; Tayta Diosninchi munashallanta ruray; payllaman yäracuy; cuyapäcuy; pasinsacuy; ama alli-tucuychu.

Hebreos 12:14

Llapanwanpis allilla ricanacunqui. Tayta Diosninchi munashallanta ruranqui. Man'chäga pipis manami Tayta Diospa ñaupanman chayangachu.

1 Pedro 2:11

Ermänucuna, cay pachachöga gorpanöllami carcaycanqui. Chaymi cuyay-munaypaj caway-llapa. Llutan yarpashayquicunataga ama ruraychu ari shonguyqui may-jina munaptinpis.

1 Pedro 3:11

Mana allicunataga ama rurachunchu. Allillata rurachun. Piwanpis alli cawayta ashichun.

3 Juan 1:11

Cuyashä ermänu, ama paynöga canquichu. Chaypa ruquin allillata ruray. Allita ruraj cäga Diospami. Mana allita ruraj cajmi ichanga Diosta mana rejsinchu.