2 Timoteo 2:21 - Tayta Diosninchi Isquirbichishan21 Mana allita rurananpaj nishäcunata pipis mana rurarga gori lätu cuyayllapaj cashannömi caycan. Chay runataga Tayta Diosmi acraraycächin pay munashanno rurananpaj. အခန်းကိုကြည့်ပါ။ |
Chaymi Tayta Dios nimaran: «Arpinticushpayqui nogaman yapay cutimuptiquega cuyapar chasquishayquimi. Chauraga nogatanami sirbimanquipaj. Manacajcunallata manana rimar, alli cajllatana rimarga noga nishätami willacunquipaj. Gam willapashayquitami runacunaga wiyaconga. Manami gamchu runacunataga cäsupänayqui.
Chauraga gamcunapita jitariy ari chay lebadüra gamcunacho caycajta. Chaynöpami canqui mushoj mäsapita rurasha tantano. Rasunpaga gamcuna caycanqui Pascua fistacho micuna lebadüraynaj tantanömi. Pascuacho cashni wañushannömi noganchïpäga Jesucristo caycan. Noganchïpa juchanchïcunapita payga maynami wañusha.
Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj.