2 Tesalonicenses 3:7 - Tayta Diosninchi Isquirbichishan

⁷ Musyashayquinöpis gamcuna cajcho car nogacunaga arushcämi. Manami imaypis arunäpa ruquin jitaräcushcächu.

2 Tesalonicenses 3:7 ပူးပေါင်းရင်းမြစ်များ

Proverbios 31:18

Nigusyuncho alli gänananpämi sumaj arun. Pacha chacarcuptinpis chacaycamarämi ima ruraynincunatapis ruran.

1 Corintios 11:1

Jesucristo cawashanno cawashäta ricamashayquino gamcunapis caway-llapa.

1 Corintios 4:16

Chaymi gamcunata shacyächë noga cawashäno gamcunapis cawanayquipaj.

Filipenses 3:17

Ermänucuna, noga imano cawashätapis ricacamay. Waquin wiyacoj ermänucunatapis ricacuy ari.

Filipenses 4:9

Yachachishänölla, tantiyachishänölla, wiyamashayquinölla, imano cawashätapis ricamashayquinölla ruray-llapa. Chayno cawaptiquega Diosninchi imaypis yanapäshunayquipaj gamcunawanmi caycanga.

1 Tesalonicenses 2:10

Gamcunapis y Diosninchïpis musyanmi gamcuna cajcho car allillata rurar goyashäta.

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

2 Tesalonicenses 3:6

Ermänucuna, Tayta Jesucristupa jutinchömi gamcunata niycä: Guella ermänucunapita witicuy-llapa. Chay ermänucunaga manami yachachishänöchu cawaycan.

2 Tesalonicenses 3:9

Jesucristupa apostulnin caycarga gamcunata mañacömanmi caran. Ichanga manami mañacurächu. Chaypa ruquenga arurä gamcuna ricacamar arucunayquipämi.

1 Timoteo 4:12

«Manaräpis mayur runa caycar ¿imanöpataj Timoteo yachachimäshun?» nir runacuna niptinpis ama cäsupaychu. Chaypa ruquenga alli shimillayquipa pï-maytapis parlapay, juchata mana ruraypa caway, runa-masiquita cuyapay, y Tayta Diosninchïman imaypis yäracuy. Chayno alli caway ari llapan ricacunanpaj.

Tito 2:7

Ricacushunayquipaj quiquiquipis alli goyay. Pitapis willaparga furmal yachachinqui.

1 Pedro 5:3

Nishayqui-nishayquitaga ama rurachiychu. Chaypa ruquenga alli shimillayquipa shacyächiy. Paycuna ricacushunayquipaj Tayta Dios munashanno alli caway.