2 Tesalonicenses 3:16 - Tayta Diosninchi Isquirbichishan

¹⁶ Tayta Dios imaypis yanapaycushunqui alli goyänayquipaj. Llapayquita imaypis yanapaycushunqui pay munashanno goyänayquipaj.

2 Tesalonicenses 3:16 ပူးပေါင်းရင်းမြစ်များ

Salmos 29:11

Tayta Diosmi acrashan runacunataga munayninwan yanapan. Tayta Diosmi acrashancunataga bindisyunta gon jauca goyäcunanpaj.

Salmos 46:11

Munayniyoj Tayta Diosmi noganchïwanga caycan. Jacob rispitashan Tayta Diosmi noganchïpa pacacunanchëga. Selah

Salmos 46:7

Munayniyoj Tayta Diosmi noganchïwan caycan. Jacob rispitashan Tayta Diosmi noganchïpa pacacunanchëga. Selah

Salmos 72:3

Chauraga jircacunapis acrashayqui runacunata cuydanga. Puntacunapis acrashayqui runacunata alli ricanga.

Salmos 72:7

¡Pay mandaptenga llapan rurashancunapis alli llojshichun, alli goyaylla cachun! ¡Quilla cawashanpitapis mas unaycamaraj alli goyaylla cachun!

Isaías 26:12

Tayta Dios, gammi nogacunataga alli goyänäpaj yanapaycämanqui. Gammi camacaycächinqui llapan rurashäcunatapis.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Isaías 54:10

Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.» Cuyapäshoj Tayta Diosmi chayno nin.

Isaías 66:12

Chayno cananpäga Tayta Diosmi nin: «Nogami camacächishäpaj mayu aypalla chayajno Jerusalencho alli goyay cananpaj. Chaynömi Jerusalenmanga juc-lä nasyuncunapa ima-aycanpis mayu chayashpan yaycojnöraj aypallanpa chayangapaj. Chauraga Jerusalenmi gamcunata garashunquipaj. Paymi margaräshunquipaj. Gongurninman jamarcachirmi cuyashunquipaj.

Isaías 8:10

Imata rurayta yarpashayquipis manami camacangapächu. Imata ruranayquipaj parlacushayquipis manami camacangapächu. Chaynöga canga Tayta Dios nogacunacho captinmi.

Hageo 2:9

Cay guepata rurashayqui Temploga cangapaj rimir caj Templupita mas cuyayllapänami. Nogami camacächishäpaj cay particho alli goyayna cananpaj. Noga munayniyoj Tayta Diosmi chayno në.› »

Zacarías 6:13

Payga Tayta Diospa Templuntami jatarachenga. Paytaga rayta rispitajnömi llapan rispitangapaj. Jamananman jamaycurmi mandanga. Pay jamarashan ñaupanmannami cüra Josuëpis jamacongapaj. Chaycho car ishcanpis allilla goyar allillami mandangapaj.

Números 6:26

Tayta Dios imachöpis yanapaycushunqui; jaucalla goyaycachishunqui› nir.

Mateo 1:23

«Donsëlla jipashmi gueshyaj ricacur ollgu wamrata gueshyacongapaj. Jutintami churapangapaj ‹Emanuel› nir.» (Emanuel ninanga «Dios noganchïwan caycan» ninanmi.)

Mateo 28:20

Gamcunata willapashä cajtaga wiyacunanpaj llapanta yachachinqui. Noganami gamcunata yan'gaycäshayquipaj cay pacha ushacänancamapis.»

Lucas 2:14

«¡Syëlucho cajcunapis Tayta Diosta alabaycullächun! ¡Cay pachachöpis Tayta Diosta wiyacojcunapaj alli goyay caycullächun!»

Juan 14:27

«Alli goyaytami gamcunataga cachapaycö. Ichanga chay alli goyay manami mana riguejcuna ashishannöchu. Chaymi aywacuptëpis ama llaquicunquichu ni manchacunquipischu.

Juan 16:33

«Llapantanami willapashcä nogaman sumaj yäracamunayquipaj. Nogaman yäracamuptiquega ñacayman chayaptiquipis yanapäshayquimi allilla goyänayquipaj. Chaymi sumaj balurchay. Cay pachata maquincho chararaycaj munayniyojcunatapis binsishcänami.»

Romanos 1:7

Romacho caycaj ermänucuna, gamcunatapis Tayta Diosninchi cuyashushpayquimi acrashurayqui wamran canayquipaj. Tayta Diosninchi, y Taytanchi Jesucristo cuyapaycushunqui ari alli cawanayquipaj.

Romanos 15:33

Allilla cawachicoj Tayta Diosninchi llapanchöpis gamcunata yanapayculläshunqui. Amén.

Romanos 16:20

Alli cawachicoj Tayta Diosninchëga manapis aycällatanami Satanasta manacajman churanga. Taytanchi Jesucristo cuyapäshushpayqui llapanchöpis yanapayculläshunqui.

1 Corintios 14:33

Tayta Diosninchëga manami munanchu talluypa-tallur cananta, chaypa ruquenga llapanpis allilla canantami munan. Noganchi ermänucunapaga chaynömi custumrinchi.

2 Corintios 13:11

Ermänucuna, imaypis cushishalla goyay-llapa. Jucniqui-jucniqui shacyächinacuy Tayta Dios munashanno goyänayquipaj. Chayno goyaptiquimi cuyapäcoj, alli cawayta gomajninchi Tayta Diosga imaypis yanapäshunqui.

Efesios 6:23

Tayta Diosninchi y Taytanchi Jesucristo yanapayculläshunqui allilla cawanayquipaj, cuyanacunayquipaj, sumaj yäracunayquipaj.

1 Tesalonicenses 3:11

Cananga Tayta Diosninchïtawan Taytanchi Jesucristutami mañacuycä gamcunaman rajacoj cutimunäpaj yanapaycamänanpaj.

1 Tesalonicenses 5:23

Alli cawayta gomajninchi Tayta Dios yanapayculläshunqui pay munashanno imaypis cawanayquipaj. Chaynöpis cuerpuyquita, almayquita y espirituyquitapis alli ricaycullächun Jesucristo cutimur juchaynajta tarishunayquipaj.

2 Tesalonicenses 3:18

Taytanchi Jesucristo gamcunata cuyapäshushpayqui imaypis yanapayculläshunqui. [Amén.]

2 Timoteo 4:22

Taytanchi Jesucristo imachöpis yanapayculläshunqui gamta y llapan chaycho caycaj ermänucunatapis. [Amén.]

Filemón 1:25

Taytanchi Jesucristo cuyapäshushpayqui gamcunata imaypis yanapayculläshunqui. [Amén.]

Hebreos 13:20

¡Alli cawayta gomajninchi Tayta Dios imaypis yanapaycushunqui pay munashanno cawanayquicunapaj! Tayta Diosga Jesucristutami wañushanpita cawarachimusha. Jesucristoga yawarninta jicharmi cruscho wañuran mushoj conträtuta rurananpaj. Chaymi cananga pay caycan alli michimajninchi. ¡Chaypita Tayta Dios noganchïcho buluntäninta rurachun! ¡Chayno cashanpita Jesucristoga imaycamapis alabasha caycullächun! Amén.

Hebreos 7:2

Abrahamnami pillyar, binsiycur ima-aycatapis apamushanpita diesmuta Melquisedecta goycuran. Melquisedec ninanga caycan: «Alli ray» ninanmi; Salempa raynin ninanpis «Alli goyäcuy marcapa raynin» ninanmi.

Jueces 6:24

Chaura Gedeonga Tayta Diospaj juc altarta ruraran. Nircur jutinta churaparan: «Tayta Diosmi jauca cawachicoj» nir. Chay altarga Abiezer casta tiyarcaycashan Ofrachömi caycan.

Rut 2:4

Rut shuntacuycaptin Belenpita Booz chayaran. Nircur llapan piyunnincunata saludaran «Tayta Dios yanapayculläshunqui» nir. Chaura piyunnincunapis «Gamtapis Tayta Dios yanapayculläshunqui» niran.

1 Samuel 17:37

Liyunpis ösupis wañuchimänanpita salbamaj Tayta Diosmi salbamanga chay Filistea runapitapis.» Chaura Saulga «Ayway ari. Tayta Dios yanapaycushunqui» niran.

1 Samuel 20:13

Papänë gampaj mana allita yarpaycashanta mana willaptë, mana gueshpichiptëga Tayta Dios fiyupa castigamächun. ¡Gamtana Tayta Diosninchïpis yanapaycushunqui papänëta yanapashanno!