2 Samuel 7:24 - Tayta Diosninchi Isquirbichishan

²⁴ Gammi camacächishcanqui Israelcunaga imaycamapis acrashayqui cananpaj; gam Tayta Dios, imaycamapis Diosnin canayquipaj.

2 Samuel 7:24 ပူးပေါင်းရင်းမြစ်များ

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Génesis 17:8

Canan tiyaycashayqui Canaán partitapis gamtami, gampita mirajcunatami imaycamapis goycushayqui. Gampita mirajcunapa Diosninpis nogallami cashäpaj.»

2 Samuel 7:23

Acrashayqui Israel nasyunnöga manami juc canchu. Paycunallatami cay pachachöga acrashcanqui. Tayta Dios, gammi salbashcanqui acrashayqui runacuna cananpaj. Nircorga munayniyoj cayman churashcanqui quiquincunapa maquinwan milagrucunata rurashpayqui. Egiptupita jorgamushayqui runacunapa ñaupanpita gammi jitarishcanqui waquin nasyun runacunataga diosnincunatawan.

2 Samuel 7:25

«Tayta Dios, chauraga nogata, wamräcunata aunimashayquita ama gongaychu ari. Llapan nishayquita cumliycullay.

1 Crónicas 17:22

Gammi Israelcunataga acrashcanqui imaycamapis gamllapana cananpaj. Tayta Dios, gamllami Diosninpis canquipaj.

Salmos 48:14

Paycunata willapanqui imaypis Tayta Dioslla Diosninchi cashanta. Payllami imaypis pushamäshunpaj.

Éxodo 15:2

Tayta Diosmi imapitapis chapämaj, salbamaj. Chaymi payllapaj cantä. Payta alabä Diosnë captinmi. Payta adurä unay caj famillyäcunapapis Diosnin captinmi.

Éxodo 6:7

Israelcunaga cangapaj noga acrashä runacunami. Nogami cashaj paycunapa Diosnin. Paycunanami musyangapaj Tayta Diosnin cashäta. Egiptucuna fiyupa ñacay aruycho caycächishanpita jorgurcurmi

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Jeremías 31:1

Tayta Diosmi nin: «Chay wichanga nogami llapan Israelcunapa Diosnin cashaj. Paycunanami acrashä runacuna canga.»

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:38

Paycunaga noga acrashä runacunanami cangapaj; noganami Diosnin cashaj.

Oseas 1:10

Juc junajmi ichanga Israelcuna cangapaj lamar cantuncho agush goturaycajnöraj. Manami pipis yupayta atipangapächu. Ñaupata «Gamcuna manami acrashä runacunachu canqui» nishushayqui pachachömi Dios nishunquipaj: «Gamcuna canqui cawaj Diospa wamrancunami» nishpanna.

Zacarías 13:9

Chay cawaycar quëdaj cajtaga ninaparämi päsachishaj. Guellay, gori oxidashanta limyuyächejnömi limyuyächishaj. Chayno ruraptërämi paycunaga nogatana mañacamangapaj. Noganami paycunata yanapäshaj. Paycunataga nishaj ‹Acrashä runacunami canqui› nir. Paycunapis nenga: ‹Tayta Diosmi Diosninchëga› nir. Noga Tayta Diosmi në chayno cananpaj.»

Juan 1:12

Payman riguir chasquicojcunami ichanga Tayta Diospa wamrancunana caycan.

Deuteronomio 26:18

Tayta Diosnami nishurayqui acrashan runacuna cashayquita. Chaymi aunishushayquinölla quiquin acrashurayqui. Chauraga llapan mandamintuncunata cumliy-llapa.

Deuteronomio 27:9

Chaypitana Leví trïbu cüracunawan Moisesga waquin Israel-masincunata niran: «Wiyaycäramay Israelcuna. Gamcunaga canan junajpita canqui Tayta Dios acrashan runacunami.

Deuteronomio 32:6

Mana tantiyaj lïsu runacuna ¿chaynöchu Tayta Diosninchïta cutichinqui? Payga ¿manachu taytayqui caycan? ¿Manachu camashojniqui, cawayta goshojniqui caycan?

1 Pedro 2:10

Ñaupataga manami Tayta Diosninchïpa marcanchu cashcanqui. Cananmi ichanga Tayta Diosninchi acrashan marca runacunana caycanqui. Ñaupataga Dios manami cuyasha-cashunquichu. Cananmi ichanga fiyupa cuyashunqui.