2 Samuel 7:10 - Tayta Diosninchi Isquirbichishan

¹⁰ Camarishcä juc pachata acrashä Israel runacunapäpis. Quiquinpachöna tiyananpaj churashcä. Chaychöga manami pipis rimapangachu. Fiyu runacunapis manami ñaupatanöga ñacachengachu.

2 Samuel 7:10 ပူးပေါင်းရင်းမြစ်များ

2 Reyes 21:8

Rurananpaj llapan nishäcunata cumlichun, wiyacuchun. Sirbimajnë Moisés yachachishancunatapis cumlichun. Chauraga unay awiluncunata goycushä chacrapita imaypis manami yapay gargushächu Israelcunataga» nir.

1 Crónicas 17:9

Acrashä Israel runacunapäpis juc pachata camarishcä. Quiquinpachöna tiyananpaj churashcä. Chaychöga manami pipis rimapangachu. Fiyu runacunapis mananami ñaupatanöga ñacachengachu.

2 Crónicas 33:8

Llapan nishäcunata cumlichun, wiyacuchun. Sirbimajnë Moiseswan willachishäcunataga llapanta cumlichun. Chauraga unay caj awiluncunata goycushä nasyunpita manami imaypis yapayga gargushächu Israelcunata.»

Salmos 44:2

Quiquiquimi mana rispitashojcunatapis jitarirayqui. Jäpa runacunata illgächirayqui. Chaymannami awilöcunata tiyachirayqui.

Salmos 44:4

Raynillä, Tayta Diosnillä, acrashayqui runacunataga gammi yanaparayqui binsinanpaj.

Salmos 80:8

Egiptupitami übas lantata apamurayqui. Mana rispitashojcunataga chacrapita jitarishcanqui chay übasta lantanayquipaj.

Salmos 80:9

Chacrata sumaj picharcurmi lantashcanqui. Lantanami sapichar intëru nasyunman juntasha.

Éxodo 1:22

Chaura faraonga llapan Egipto runacunata niran: «Hebreocunapa ollgu wamran yurejtaga manyapita mayuman garpuy. Warmi cajcunata ichanga cawananpaj cachaycuy.»

Éxodo 15:17

Tayta Dios, Israelcunataga gammi pushanquipaj tiyanayquipaj acrashayqui puntaman. Tiyanayquitaga quiquiquimi camarishcanqui. Chaychömi imaycamapis tiyachinquipaj.

Isaías 5:2

Chacrata ojtir allpata sumaj tacuchiran. Rumincunatapis acrarcur-acrarcur jitariran. Chaymanna lantaran alli ñawiyoj übas sapicunata. Übas chacra chaupinchönami täpar ricchacuna törrita aruran. Übasta bïnupaj gapchinanpäpis juc pösuta camariran. Amïgöga yarparan übasnin mishquejta wayunantami. Nishan chay übasga pochgojtami wayusha.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Isaías 60:18

Marcayquichöga wañuchinacur gaparächinacushan manami wiyacanganachu. Nasyunniquichöga ushacächinacuypis manami cangapänachu. Chaypa ruquenga curral pergayquicunatami ‹Salbacoj› nir jutichapanquipaj. Sawan puncuyquicunatana ‹Alabansa› nir jutichapanquipaj.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Jeremías 18:9

Munashä örami nogaga juc nasyun jatunyänanpäpis yanapä, raycuna munayniyojyänanpäpis yanapä.

Jeremías 24:6

Ima mana alli chayananpitapis nogami chapäshaj. Cay nasyunmanmi cutichimushäpäpis. Cutiycachimurnami alli goyächishaj. Yapayga manami illgächishäpänachu. Juc pachaman jamaycachir manami jitarishänachu.

Ezequiel 28:24

Israelga yapay mananami ñacanganachu. Bisïnun nasyun runacunaga casha tucshejno, shira rachejnöpis mananami manacajman churanganachu. Chaura noga Tayta Dios cashä musyacangami.

Oseas 2:18

Chay wichanga Israelcuna jauca goyänanpämi parlashaj jirca animalcunawan, pärej äbicunawan, culebracunawan. Cay nasyunpitaga lëchatapis, sablitapis illgächishämi. Guërrapis manami canganachu. Chayrämi acrashä runacunaga jauca goyäcongapaj.

Amós 9:15

Quiquincunapa chacranman cutiycachimur jamachishäpaj. Chay goycushä chacrapitaga manami imaypis jitarengapänachu.» Chayno cananpämi Tayta Dios nisha.

Apocalipsis 21:4

Wagay manami canganachu. Wañuy manami canganachu. Nanächicuypis, llaquicuypis manami canganachu. Unay caj cawaycunaga llapannami ushacanga.»

Jueces 4:3

Jabinpaga caran isgun pachacmi (900) pillyananpaj fyërru carrëtancunapis. Israelcunataga ishcay chunca (20) watanami fiyupa ñacachiran. Chayrämi paycunaga fiyupa llaquicur Tayta Diosta mañacuran.

1 Samuel 13:17

Filistea suldärucunaga juc röpa aywaran Ofra siudäpa Súal partiman;