2 Samuel 23:3 - Tayta Diosninchi Isquirbichishan

³ Israelcunapa Diosninmi parlasha. Israelcunata washajmi nimasha: ‹Runacunata mandashpan alli arrigläga, Tayta Diosta manchacuypa mandäga

2 Samuel 23:3 ပူးပေါင်းရင်းမြစ်များ

Génesis 33:20

Chaychöna altarta pergaran. Chay altarpa jutinta churaparan El-Elohe-Israel nir.

2 Samuel 22:32

Tayta Diospita mas jucga manami canchu. Paynöga manami pipis washämashwanchu.

2 Samuel 8:15

Davidga llapan Israelcunapa raynin cashpan llapanta iwalmi ricaran. Alli arregluta ruraj. Pitapis mana chapajchu.

1 Reyes 10:9

¡Alabasha cachun Tayta Diosniquega! Amatar alli ricashushpayqui gamta churasha-cashunqui Israelcunata mandanayquipaj. Israelcunataga imaypis Tayta Dios allimi ricasha. Chaymi churashurayqui raynin canayquipaj, alli mandanayquipaj.»

Nehemías 5:14

Artajerjes ishcay chunca (20) wata ray caycashpan Judá partipa mandajnin canäpaj churamaran. Chay junajpita-pacha quimsa chunca ishcay (32) wata mandaj canancama nogapis ni yanapämajcunapis runacunataga manami mañarächu micunäpaj, upunäpaj derëchöcunata.

Job 34:17

Alli cajta chiquishpanga Dios manami mandanmanchu. ¿Imanirtaj gamga juchaynaj Diospaj parlanqui juchayojpänöpis?

Salmos 110:2

Sionpitami Tayta Diosga bastunta goshunqui munayniyoj mandaj canayquipaj. Chiquishojcunataga munayniquicho chararay ari.

Salmos 42:9

Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?

Salmos 72:1

Tayta Dios, raytaga sumaj yachachiy alli arriglananpaj. Raypa wamrantapis yanapaycuy allita rurananpaj.

Salmos 72:2

Chayrämi rayga umildicunata, pobricunata alli mandanga.

Éxodo 18:21

Gamga acray jurmal runacunata, Diosta rispitajcunata, rasun cajta rurajcunata, saynita mana chasquejcunata. Chayno acrarcur churanqui mandaj cananpaj. Waquin mandanga warangata (1,000), waquin pachacta (100), waquin pichga chuncata (50), waquinna chuncata.

Éxodo 20:2

«Nogaga cä Tayta Diosniquimi. Egiptucho uyway car ñacarcaycajtami noga jorgamushcä.

Éxodo 3:15

Mastapis Diosga Moisesta niran: «Israelcunata ninqui: ‹Tayta Diosmi cachamasha. Payga unay caj awilunchi Abrahampa, Isaacpa, Jacobpa Diosninmi› nir. Imaycamapis chayllami nogapa jutëga. Chay jutiwanmi imaycamapis rejsimanga.

Proverbios 31:9

Upällallaga ama cacuychu. Llapantapis alli arriglay. Pobricunatawan umildicunataga washay ari.

Isaías 32:1

Juc raymi cangapaj rasun cajllata rurar mandananpaj. Payta mandäshejcunapis alli cajllatami rurangapaj.

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Hebreos 1:8

Wamranpämi ichanga niran: «Gam mandashayquega mana ushacajmi canga. Gamga llapantapis allimi mandanqui.