2 Samuel 22:3 - Tayta Diosninchi Isquirbichishan

³ Tayta Diosnëmi washäcoj gaga, chapacuna escüdö, munayniyoj salbamaj, altunnin pacacunä, altunnin gueshpinä, salbamajnë. ¡Pillyacho salbamashcanqui!

2 Samuel 22:3 ပူးပေါင်းရင်းမြစ်များ

Génesis 15:1

Chaypita unayllataga Abramta Tayta Dios ribilar cayno niran: «Abram, ama manchacamaychu. Nogami gamtaga ima mana allicunapitapis chapaycä. Gamtaga ima-aycayquipis mas aypalla cananpämi yanapäshayqui.»

2 Samuel 22:31

«Tayta Dios nishanga llapanpis allimi. Tayta Diosga aunishanta llapantapis cumlinmi. Diosga yäracojcunata washanmi.

2 Samuel 22:47

«¡Alabasha cachun Tayta Dios! ¡Alabasha cachun chapämajnëga! ¡Fiyupa rispitasha cachun salbamaj Tayta Diosnëga!

2 Samuel 22:49

Chiquimajcuna fiyupa rabyasha caycaptinpis, mana wiyacojcuna nogapa conträ jatariptinpis Paymi salbaman. ¡Tayta Dios gammi salbamanqui fiyu runacunapita!

2 Samuel 22:51

Sumaj allicho cananpämi yanapanqui acrashayqui raytaga. Imaypis allimi ricanqui Davidta, paypita mirar aywajcunata.»

2 Samuel 23:3

Israelcunapa Diosninmi parlasha. Israelcunata washajmi nimasha: ‹Runacunata mandashpan alli arrigläga, Tayta Diosta manchacuypa mandäga

Salmos 14:6

Alli runacuna yarpashanta fiyucunaga manacajmanmi churan. Chaypis alli runacunataga Tayta Dios chapanmi.

Salmos 140:1

Tayta Dios, fiyucunapita salbaycamay. Wañuchicojcuna wañuchimänanpita chapaycamay.

Salmos 140:11

Washa-rimacunaga ama cachunchu cay pachachöga. Mana allita rurashanga fiyu runata quiquinta gatirächun wañuchinancama.

Salmos 140:4

Tayta Dios, chapaycamay fiyucuna charimänanpita. Chapaycamay wañuchicojcunapita. Paycunaga mana alliman chayanallätami shuyaraycan.

Salmos 142:4

Derëchu caj-lädöpami ricachacö. Pitapis manami ricächu yanapämaj shamojta. Pipis manami canchu washämaj. Nogapäga manami pipis yarpärinchu.

Salmos 144:2

Paymi cuyaman, chapäman. Paymi mas altunnin pacacunä, imapitapis jorgamaj. Paymi chapacuna escüdö. Paymi llapan runacunatapis munaynëman churamun.

Salmos 18:2

Gammi canqui washämaj, pacamaj, salbamaj, Diosnë, chapämaj gaga, chapacuna escüdö, munayniyoj salbamajnë, altunnin pacacunä.

Salmos 27:5

Mana allicuna chayamuptin Tayta Diosmi Wasincho pacamanga. Chaychömi washämanga. Gaga jananman churamarmi gueshpichimanga.

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Salmos 3:3

Chayno niptinpis Tayta Dios, gammi imapitapis chapämanqui. Gammi shacyächimanqui. Gammi cushicachimanqui.

Salmos 32:7

Gammi canqui pacacunä, mana allicunapitapis chapämajnëga. Salbamashayquipitami cushicur alabansacunatapis cantashaj. Selah

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 46:11

Munayniyoj Tayta Diosmi noganchïwanga caycan. Jacob rispitashan Tayta Diosmi noganchïpa pacacunanchëga. Selah

Salmos 46:2

Chaymi ama manchacushunchu cay pacha intërupa rachicaycaptinpis, jircacuna lamarman tallpucaycaptinpis,

Salmos 46:7

Munayniyoj Tayta Diosmi noganchïwan caycan. Jacob rispitashan Tayta Diosmi noganchïpa pacacunanchëga. Selah

Salmos 5:12

Tayta Dios munashayquita rurajcunataga bindisyuntami gonqui. Cuyapäcoj cashpayquimi chapacuna escüduno imapitapis chapanqui.

Salmos 55:9

Tayta Dios, fiyucuna yarpashantaga pirdirachiy. Rimaynincunatapis amana tantiyanacuchunchu. Siudächöga caycan pillyallami, rimanacuyllami.

Salmos 59:16

Nogami ichanga cada tuta gamta alabashpä cantashaj. Munayniyoj cuyacoj cashayquitami willacushaj sinchi gaparayparaj. Gammi cashcanqui imapitapis chapämaj; llaquicur ñacaycashä öra pacacunä.

Salmos 61:3

Gammi canqui pacacunä. ¡Gamga mana juchoj törrinömi chiquimajcunapita chapämanqui!

Salmos 71:7

Achcajmi nogata ricamar almirasha. Ichanga gammi nogataga chapämarayqui.

Salmos 72:14

Paycunataga munayniyojcunapita, fiyu runacunapita salbangami. Paycunaga raypa ñaupancho bälinmi.

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Salmos 84:9

Tayta Dios, alli ricaycuy acrashayqui raytaga. Nogacunapäga paymi caycan pillyar chapacuna escüdöno.

Salmos 86:14

Tayta Dios, gamta mana yarpäshojcuna, mana rispitacojcuna wañuchicojcunami conträ ricacusha. Wañuchiytami munarcaycäman.

Salmos 9:10

Tayta Dios, gamta rejsishoj cäga gammanmi yäracun. Gamman yäracamojtaga manami cachaycunquichu.

Salmos 9:9

Tayta Diosga imapita ñacaycajcunatapis chapanmi. Payga llaquicuycajcunata washanmi.

Éxodo 15:2

Tayta Diosmi imapitapis chapämaj, salbamaj. Chaymi payllapaj cantä. Payta alabä Diosnë captinmi. Payta adurä unay caj famillyäcunapapis Diosnin captinmi.

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Proverbios 30:5

Tayta Diosga imapitapis chapanmi payman yäracojcunataga. Payga aunishanta llapantapis cumlinmi.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Isaías 45:21

Mä rimacuy. Imata yarpashayquitapis nimay. Jucniqui-jucniquipis tapunacur parlacuy: ¿Pitaj gallarinallanchöna niran cayno cananpäga? ¿Pitaj unayna willacachiran? ¿Manachu noga Tayta Dios chaycunataga willarä? Nogapita mas juc diosga manami canchu. Nogapita mas jucga manami canchu allita ruraj, imapitapis salbäga.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 16:9

Nogami camacächishaj cay nasyunchöga cushicur fista ruray cantay manana cananpaj. Majachacaychöpis mananami pipis cantanganachu. Cayno nishäga waracunallanami canga. Quiquiquicunami ricanquipis.

Lucas 1:47

Fiyupami cushicö salbamaj Tayta Dios acramashanpita.

Lucas 1:69

Sirbejnin Davidpa castanpitami munayniyoj runata yurichenga salbamänanchïpaj.

Lucas 1:71

Willachimaranchi ñacachimajninchïpita salbamänanchïpaj, chiquimajninchïpa munayninpita jorgamänanchïpaj.

Deuteronomio 32:37

Chaymi contranchïcunata Tayta Dios nenga: ‹¿Maytaj imapitapis chapäshunayquipaj yäracushayqui diosniquicuna?

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»

Tito 3:4

Chaypis salbamajninchi Tayta Diosninchïmi cuyapämashpanchi musyachimashcanchi llapan runatapis cuyapashanta.

Tito 3:6

Salbamajninchi Jesucristu-raycumi noganchïman Espíritu Santuta cachamusha.

Hebreos 2:13

Mastapis niycan: «Nogaga payllamanmi yäracushaj.» Chaynöpis nin: «Tayta Dios tarichimashan wamräcunawan nogaga caychömi caycä.»

1 Samuel 2:1

Tayta Diosta alabar Ana niran: «Tayta Dios, yanapämashayquipita llapan shongöpami cushicö. Gammi shacyächimanqui. Llapanchöpis yanapämaptiquimi jamurpämajcunapis mana asipämanganachu. ¡Cushishami caycä!

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!