2 Samuel 22:22 - Tayta Diosninchi Isquirbichishan

²² Nogaga Tayta Dios munashannöllami goyaycä. Juchata mana ruraypami imaypis gatirashcä.

2 Samuel 22:22 ပူးပေါင်းရင်းမြစ်များ

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

1 Reyes 9:4

Papäniqui Davidno ñaupächo alli goyaptiqui, alli shongu captiqui, juchata mana ruraptiqui, willapashäcunata llapanta cumliptiqui, laycunata wiyacuptiqui

Salmos 119:1

Cushishami cawanga juchata mana rurajcunaga, Tayta Dios yachachishancunata cumlejcunaga.

Salmos 125:5

Mana wiyacojcunata ichanga fiyu runacunatawan iwal castigay. ¡Israelchöga alli goyay caycullächun!

Salmos 128:1

Cushishami cawanga Tayta Diosta rispitajcunaga, payta wiyacojcunaga.

Salmos 18:1

Tayta Dios, gammi callpätapis gomashcanqui. ¡Nogaga gamta fiyupami cuyä!

Salmos 36:3

Paycunaga mana allita parlajllami, llullacojmi. Yarpaynin mana captinnami allitaga mana rurannachu.

Proverbios 8:32

«Wamräcuna, canan willapashätaga sumaj wiyacuy. Yachachishäno cawarga cushishami goyanquipaj.

Sofonías 1:6

Illgächishämi nogata gongaycamajcunata, Noga nishäta rurananpaj mana yarpachacojcunata, mana tapucamajcunatapis.»

Números 16:15

Chaymi Moisesga fiyupa rabyacur Tayta Diosta niran: «¡Paycunapa ofrendantaga ama chasquiychu Tayta! Paycunataga manami ni juc bürrullantapis guechushcächu. Manami imaypis paycunata ufindishcächu.»

Juan 15:10

Nishäcunata wiyacur cumliptiquega nogapis cuyaycäshayquimi. Chaynömi nogapis Taytä llapan nimashancunata wiyacushcä. Chaymi payga imaypis cuyaycäman.

2 Corintios 1:12

Ermänucuna, gamcunawanpis allimi cashcä. Pitapis manami llullapashcächu. Quiquëcunallapitachu manami cawä. Tayta Diosninchïmi cuyacoj cayninwan llapanchöpis yanapäman. Chaymi imapitapis mana pengacöchu.

1 Samuel 12:3

Cananga ñaupayquichömi caycä. Pipa wäcanta, bürrunta guechusha captë; maygayquitapis ollgöparcur-ollgöparcur aruchicur ñacachisha u magasha captë; saynita gomaptinpis chasquisha captëga cäramay-llapa Tayta Diospa ñaupancho, pay acrashan raypa ñaupancho. Pipapis jagan car-imarga pägashämi.»