2 Samuel 21:17 - Tayta Diosninchi Isquirbichishan

¹⁷ Ichanga Sarviapa wamran Abisai cörriran Davidta washaj. Mana manchaypa yaycur Filistea runata wañuycachiran. Chaypita suldäruncunaga Davidta niran: «Tayta, nogacunawanga amana pillyaman aywaynachu. Wañuchishuptiquega nogacuna achquiynaj-japuychari quëdäman-llapa.»

2 Samuel 21:17 ပူးပေါင်းရင်းမြစ်များ

2 Samuel 14:7

Chaymi cananga llapan castäcuna chiquicarcamasha. Wañuchej caj wamräta paycunaman apanäta munarcaycan wauguinta wañuchishanpita wañuchinanpaj. Ima-aycäwanpis pay japallanna quëdananpaj caycaj wamrätami illgachiyta munaycan. Chauraga famillyä manami canganachu. Chayno ruraptenga runäpa castan manami canganachu.»

2 Samuel 18:2

Joabga rimir caj röpata mandaran. Jucaj röpata mandaran Abisai. Paycunaga ishcanpis caran Sarviapa wamrallan. Juc röpatana mandaran Gat runa Itai. Llapan suldärucunatana David niran: «Nogapis aywäshishayqui pillyaj.»

2 Samuel 18:3

Chaura paycuna niran: «Ama tayta. Nogacuna gueshpiptëpis, pullannë wañuptëpis manami imapis gocongachu chiquimajninchïtaga. Paycunapäga gam caycanqui chunca waranga (10,000) suldärucunanömi. Chaymi mas alli canga cay siudällacho quëdacuptiqui, nogacunata yanapämänanpaj mas runacunata cachamunayquipaj.»

2 Samuel 22:19

Ñacaycho caycaptëmi paycunaga magamaran. Chaypis Tayta Diosga yanapämaran.

2 Samuel 22:29

Tayta Dios, gammi achicyaj pachata ricaycächimanqui. Chacaj pachacho ricacunätapis gammi cawaycächimanqui.

1 Reyes 11:36

Juc trïbullatami Salomonpa wamrantaga cachapaycushaj, sirbimajnë Davidpa castan Jerusalencho achicyaj pachata ricar mandaycänanpaj. Chay siudätami acrashcä imaycamapis tiyanäpaj.

1 Reyes 15:4

Chaypis Davidta cuyapashpanmi paypa castan Jerusalencho achicyaj pachata ricar mandaycänanpaj Tayta Dios yanaparan. Chaynöpa Jerusalencho mandaj caycaran.

Salmos 132:17

Chaychömi camacächishaj Davidpita mirar aywaj yapay ray cananpaj. Paypita mirajcunaga caychömi para-simri ray canga.

Salmos 144:10

Gammi camacächinqui raycuna jucta binsinanpaj. Sirbishojniqui Davidtapis Gammi salbarayqui sabliwan wañunanpita.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Jeremías 40:15

Chaymi Johananga pacayllapa Gedaliasta niran: «Noga pacayllapa aywar Ismaelta wañuycachimushaj. Manami pipis musyangachu pï rurashantapis. ¿Imanöpataj dëjashaj gamta wañuchishunayquitaga? Gamta wañuycachishuptiquega alli shuntacasha caycaj Judá runacunapis mashtaypa mashtarchari aywaconga. Chauraga quëdasha caycaj runacunapis cay Judächöga ushajpächari illganga.»

Juan 5:35

Bautisaj Juan yachachishanga achqui achicyacurcojnömi gamcunapaj caran. Chaymi shamunäpaj cashanta wiyar ishcay quimsa junajllapis cushicurayqui.