2 Samuel 18:19 - Tayta Diosninchi Isquirbichishan

¹⁹ Chaypita Sadocpa wamran Ahimaasga Joabta niran: «Ruwacushayqui. Rayta willamushaj ‹chiquishojcunapita Tayta Dios salbashurayqui› nir.»

2 Samuel 18:19 ပူးပေါင်းရင်းမြစ်များ

2 Samuel 15:27

Cüra Sadocta rayga mastapis niran: «Gamga, mana yarpachacuyllapa Abiatarwan ishcaniqui siudäman cuticuy wamrayquicunawan-cama. Gam cutinqui wamrayqui Ahimaaswan; Abiatarna wamran Jonatanwan.

2 Samuel 15:36

Chaychömi wamrancunapis carcaycan Ahimaaspis Jonatanpis. Paycunawan willachimanqui imata musyashayquitapis.»

2 Samuel 17:17

Jonatanwan Ahimaas carcaycaran En-rogel particho. Paycunaga pacarpaycaran siudächo tiyajcuna mana ricananpaj. Chaymanmi juc uyway warmi aywaran willaj. Chaura paycunaga jinan öra aywaran Davidta willaj.

2 Samuel 18:20

Joabga niran: «Cananga gam aywanayqui manami camacanchu. Juc cutichönami aywanquipaj. Raypa wamranmi wañusha.»

2 Samuel 18:23

«Manami imananpischu. Cörriyllapa aywashaj» niran Ahimaasga. Chaura Joabga «¡Ayway ari!» niran. Ahimaasga aywaran cörriyllapa pampapa. Etiopía runataga llalliriran.

2 Samuel 18:31

Chayno niyta usharcuptin chayamuran Etiopía runa. Pay niran: «Tayta David, gampaj alli willacuytami apamushcä. Canan junajmi llapan chiquishojniquicunapita Tayta Diosninchi salbashurayqui.»

Salmos 10:14

Gamga quiquiquimi ricashcanqui fiyupa mana allita rurashanta. ¡Ricasha carmi, castiganquipaj imano rurashanpitapis! Gammanmi yäracamun pïninpis mana cajcunaga. Gamllami wacchacunata yanapanqui.

Salmos 10:18

Wacchacunata, ñacaycajcunataga washar yanapaycuy ari. Chaura fiyu runacunaga manacaj caycar mananami paycunata mancharachenganachu.

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Salmos 9:16

Tayta Dios gamga musyachimashcanqui allita ruraj cashayquitami. Fiyucunaga watacäcusha quiquincuna churashan togllachömi. Selah

Salmos 9:4

Gamga alli juez carmi dimandöta alli arriglanqui. Jamaränayquiman jamaycushcanqui llapanta jusganayquipaj.

Jeremías 51:31

Jucpis-jucpis gatinayllanpa willacojcuna Babiloniapa rayninman aywan llapan siudänincunata juccunana charicarcärishanta willananpaj.

Romanos 12:19

Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»