2 Samuel 12:20 - Tayta Diosninchi Isquirbichishan

²⁰ Chaura Davidga jatariran pampapita. Bäñacurir, perfümita pichucurir röpantapis rucacuran. Nircur Tayta Diospa wasinman yaycuycur Tayta Diosta aduraran. Wasinman aywarcurna micuyta mañacurcur micuran.

2 Samuel 12:20 ပူးပေါင်းရင်းမြစ်များ

2 Samuel 12:19

Mayur uywaynincuna quiquin-pura yachayllapa parlajta ricar Davidga tantiyacuran wamra wañushanta. Chaymi tapuran: «¿Wamra wañushanachu?» nir. Paycunana niran: «Au, wañushanami.»

2 Samuel 12:21

Chaura uywaynincunaga tapuran: «¿Imatataj ruranqui tayta? Wamra cawaycaptinräga ayunar wagallar caycashcanqui. Wamra wañuycuptin ichanga jatarcur micuytana gallaycunqui» nir.

2 Samuel 14:2

Chaymi gayachimuran Tecoa marcacho tiyaj sabïdu warmita. Nircur artita rurananpaj Joab yachachiran: «Artita rurar llaquicunqui. Llaquicushayqui musyacänanpaj sajpi röpata jaticunqui. Ama perfümiwanpis cupacunquichu. Gamga caycänayqui wañupacushanpita unaypita-pachana llaquicuycajno.

2 Samuel 19:24

Saulpa willcan Mefi-bosetpis tariparan. Payga ray aywacushan junajpita-pacha sänu cutimunancama chaquinta mana mayllacuranchu. Shapranta mana rutucuranchu. Röpantapis mana tagshacuranchu.

2 Samuel 6:17

Tayta Diospa babulninta apaycur churaran tolduman. Chaytaga David mayna rurachisha caran babul churaränanpaj. Chayman churaycur David jinan öra rupachina sacrifisyuta y alli goyaypita sacrifisyutapis Tayta Diospaj rupachiran.

2 Samuel 7:18

Chaura ray Davidga Tayta Diospa ñaupanman yaycurcur niran: «Tayta Dios, nogaga manacajllami cä. Famillyäcunapis manacajllami. ¿Imanöpataj caycama chayachimanqui?

Job 1:20

Chaura Jobga fiyupa llaquicushpan ichircur jatiraycashan röpanta rachiriran. Ajchantapis ruturiran. Nircur Tayta Diosta adurashpan gongurpacur umpuran.

Job 2:10

Chaura Job niran: «¡Diosman mana yäracoj warmicuna-niraj rimaycanqui! Tayta Dios ima-aycatapis tarichimashaga cushishami goyashcanchi. ¿Imanirtaj mana awantashwanchu mana allicuna chayamashapis?» Chayno mana allicuna chayaycaptinpis Jobga manami juchata ruraranchu ni parlayllapapis.

Salmos 103:1

Almantïmi Tayta Diosta alabashaj. Llapan shongöpami alabashaj.

Salmos 103:8

Tayta Diosga cuyapäcojmi alli shongumi. Payga juclla mana rabyacoj, amatar cuyacojmi.

Salmos 39:9

Gam llapantapis camacächiptiquimi imatapis mana rimacurächu.

Salmos 95:6

Shamuy-llapa, gongurpaycärir Tayta Diosta adurashun. Paypa ñaupanman gongurpacushun ari. Paymi ruramaranchïpis.

Proverbios 3:7

Ama yachaj-tucunquichu. Chaypa ruquenga Tayta Diosta manchacushpayqui jucha ruraypita witicuy.

Eclesiastés 9:8

Alli röpayquicunata imaypis rucacuy. Perfümicunawan cupacuy.

Mateo 6:17

Gamcuna ayunashpayqui ichanga pipis mana musyananpaj sumaj pagacunqui, ñajchacunqui, payñacunqui.

Lucas 7:46

Chayamuptë umäman manami asëtita wiñapämashcanquichu. Paymi ichanga chaquëman perfümita wiñasha.

Rut 3:3

Gamga canan chacay ayway sumaj bäñacuriycur, perfümiwan cupacuriycur, mas alli caj röpayquita jaticurcur. Ichanga Booz micushancama upushancama pacaräcunqui.

1 Samuel 15:25

Ima captinpis perdunaycamay ari. Tayta Diosta aduraj cutishun ari.»

1 Samuel 15:31

Niptin Samuelga Saulwan cutiran. Nircur Tayta Diosta aduraran.