2 Samuel 11:1 - Tayta Diosninchi Isquirbichishan

¹ Chaypita watataga custumrin cashanno raycuna pillyaj llojshinan wichan Davidga cacharan Joabta, llapan mandaj suldäruncunata, Israel suldärucunata. Paycuna ushajpaj wañuchiran llapan Amón runacunata. Nircur Rabá siudäta curalacaycäriran. Davidga Jerusalenpita mana llojshiranchu.

2 Samuel 11:1 ပူးပေါင်းရင်းမြစ်များ

2 Samuel 10:14

Siria runacuna gueshpejta ricar Amón runacunapis Abisaipita gueshpir siudäman yaycucaycäriran. Chaura Joab pillyayta cachaycur Jerusalenman cuticuran.

1 Reyes 20:22

Chaypita Diospa profëtanga yapay chayaran Israelpa rayninman. Chayaycur niran: «Gamga yapay sumaj camaricuy suldäruyquicunata. Nircur sumaj yarpachacuy imano ruranayquipäpis. Cananpita juc watata yapaymi Siriapa raynenga mandashan runacunawan shamongapaj pillyaj.»

1 Reyes 20:26

Chaypita juc watata Ben-adadga llapan Siria runacunata yuparan. Nircur Afec siudäman aywaran Israelcunawan pillyananpaj.

1 Crónicas 20:1

Juc cuticho usya quilla päsariptin, raycuna jircacunaman llojshinan wichan Joabga achca suldärucunawan aywar Amón nasyunman yaycuran. Rabá siudäta curalacaycäriran. Nircorga yaycuycur llapanta wañuchiran. Wasincunatapis ragällata cachaycuran. Davidga Jerusalenllacho caycaran.

2 Crónicas 36:10

Chay wata shamojcho tamya quillacuna päsariptin Joaquintawan Tayta Diospa Templunpita jorgushan alli cösacunata ray Nabucodonosor apachiran Babiloniaman. Nircur Jerusalencho tiyajcunapawan Judäpa raynin cananpäga churaran Joaquinpa famillyan Sedequiastana.

Salmos 60:9

Ichanga ¿piraj pushamanman intërunpa curalasha caycaj siudäman? ¿Piraj pushamanman Edomcama?

Eclesiastés 3:8

Canmi cuyanacunan timpu; chiquinacunan timpupis. Canmi guërrata rurana timpu; cushisha goyäna timpupis.

Jeremías 49:2

Manapis aycällatanami Rabächo tiyaj Amón runacuna guërracho gaparpashan wiyacangapaj. Juchusha ragällanmi ricacongapaj. Llapan marcacunapis nina rupashallami quëdanga. Chayrämi Israelcunaga siudänincunata yapay shuntanga. Noga Tayta Diosmi chayno në.

Jeremías 49:3

¡Hai siudä ushacashanpita gaparpay Hesbón runacuna! Milcom diostaga prësumi apaycan aduraj cürancunatawan mandajnincunatawan. ¡Chaypita Rabächo tiyaj warmicuna llaquicushpayqui wagay! ¡Lütu röpata jaticushpayqui pëchuyquita cutacuy! ¡Garayquicunata cuchucushpayqui löcuyaycajnöraj cörricachay!

Ezequiel 21:20

Chay nänicunataga señalanqui Amón runacuna tiyashan Rabá siudäman chayananpaj, Judächo caycaj intërunpa curalasha Jerusalén siudäman chayananpaj.

Amós 1:14

Rabá siudäpa pergancunamanmi ninata sindipaycushaj. Chay ninami palasyuncunata rupar ushacurconga. Pillyar gaparpaycaptinmi ninaga ushanga. Manchariypaj löcu wayra caycaptinmi ushanga.

Zacarías 14:3

Chayno ruraptinrämi quiquin Tayta Dios pillyanga chay nasyun runacunawan. Unaycuna guërracho pillyashannörämi pillyangapaj.

Deuteronomio 3:11

(Refaí runacunapita miräga ray Og japallanna caran. Jatuncaray captinmi paypaga cawitunpis fyërrupita caran. Larguynin caran chuscu metru; anchuyninna ishcay metruno. Amón runacuna tiyaycashan Rabá siudächöga canancamapis cawitun caycanrämi.)

1 Samuel 18:30

Filistea runacuna achäquita ashipaptin ichanga Saulpa waquin caj mandaj suldäruncunapita mas allicho quëdaj. Chaynöpami Davidpäga may-chaychöpis «allimi» nir parlaj.