2 Reyes 9:6 - Tayta Diosninchi Isquirbichishan

⁶ Niptin jinan öra Jehüga yaycuran cuartuman. Chaychöna Diospa profëtanga umanman asëtita wiñapar niran: «Israelpa Tayta Diosninmi nin: ‹Nogami acrä Israelcunapa raynin canayquipaj.

2 Reyes 9:6 ပူးပေါင်းရင်းမြစ်များ

1 Reyes 1:34

Cüra Sadocwan profëta Natán Israelcunapa raynin cananpaj Salomonta asëtita wiñaparcuptin gamcuna uyshapa wagranta tucanqui. Sinchipa gaparpanqui ‹¡Salomonmi rayga!› nir.

1 Reyes 10:9

¡Alabasha cachun Tayta Diosniquega! Amatar alli ricashushpayqui gamta churasha-cashunqui Israelcunata mandanayquipaj. Israelcunataga imaypis Tayta Dios allimi ricasha. Chaymi churashurayqui raynin canayquipaj, alli mandanayquipaj.»

1 Reyes 14:7

Chaymi cananga cutiy Jeroboamta willanayquipaj. Israelpa Tayta Diosninmi cayno nisha: ‹Gamtaga nogami runacunapita jorgur raquishcä. Nircur churashcä Israelcunapa mandajnin canayquipaj.

1 Reyes 16:2

«Nogaga gamta acrarä mana bälej caycaptiquimi. Nircur churarä acrashä Israelcunapa mandajnin canayquipaj. Chayno rurasha caycaptëpis gamga Jeroboamnömi juchata rurachishcanqui Israelcunata. Chayno juchayquicunawanmi fiyupa rabyachimashcanqui.

1 Reyes 19:16

Nimsipa willcan Jehüta Israelpa raynin cananpaj. Safatpa wamran Eliseota acranqui ruquiqui profëtä cananpaj. Payga Abel-mehola marca runami.

1 Reyes 3:8

Cananga gam acrashayqui runacunatami mandaycä. Aypalla runami. Yupaytapis manami atipashwanchu.

2 Reyes 9:3

Chayman yaycurerga botëllawan apashayqui asëtita umanman wiñapar ninqui: ‹Tayta Diosmi nin: «Gamtaga nogami acrä Israelcunapa raynin canayquipaj.» › Nircorga puncunta quicharir mana wiyaraypa aywacunqui.»

2 Reyes 9:5

Chayar tariran llapan mandaj suldärucuna shuntacasha caycajta. Chaura profëtaga niran: «Tayta capitan, willashayqui.» Chaura Jehüga «¿Mayganëtataj?» niran. Profëtanami niran: «Gamtami tayta capitan.»

2 Crónicas 22:7

Ocozías wañuyta tariran Joramta watucoj aywashanchömi. Ocozías chayaycuptin Joramga ishcan aywaran Nimsipa wamran Jehüwan tincoj. Jehüta Tayta Dios mayna acrasha caran Acab famillyata wañuchinanpaj.

Salmos 2:6

«Rispitädu Sión lömächo raynë cananpäga maynami acrashcä» nir.

Salmos 75:6

Alliman churamänapäga manami shamunchu inti yagamunanpita, ni inti yagananpitapis, chunyajpita ni puntacunapitapis.

Isaías 45:1

Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:

Daniel 2:21

Paymi camacächin timpu rucananpäpis. Paymi ray cananpaj pitapis churan. Ray caycajtapis jorgurin. Yachajcunatapis yanapan masta yachananpaj. Yarpaysapacunatapis yanapan mas yarpaysapa cananpaj.

Daniel 4:17

Chayno rurananpämi nisha syëlucho caycaj Diospa täpacoj anjilnincuna. Chayrämi llapan runacuna musyanga janaj pachacho caycaj Diosga llapanpaj munayniyoj cashanta; llapan munayniyoj runacunapäpis munayniyoj cashanta. Paymi pitapis churayta munashan cajtaga mandaj cananpaj churan. Chayno mas umildi runatapis nasyunpa mandajnin cananpaj churan.›

Daniel 4:32

Gamga manami runacunawan iwalnachu tiyanquipaj. Animalcunawan iwalnami goyanquipaj. Wäcacunanöpis guewata micullarmi cawanquipaj ganchis watacama. Janaj pachacho caycaj Tayta Dioslla pitapis ray cananpaj churashanta reconösinayquicamami chaynölla canquipaj.»

1 Samuel 10:1

Samuelga alli asyaj asëtita charircur Saulpa umanman wiñaparan. Nircorga mucharcushpan niran: «Cananmi Tayta Dios churaycäshunqui Israelcunapa raynin canayquipaj. Cananpitaga gammi llapanta mandanquipaj. Chiquiycajcunatapis llapanta binsinquipaj. Tayta Diosninchi acrashushayquita musyanayquipaj

1 Samuel 2:7

Tayta Diosmi pobriyächimanchi rïcuyächimanchïpis. Paymi tarichimanchi, paymi guechumanchi.

1 Samuel 2:8

Tayta Diosmi pobricunatapis alliman churan. Limusnërucunatapis alliman churan. Nircur mas munayniyojcunawan jamachin. Munayniyojcunapa mandajnin cananpaj churan. Tayta Diosmi cay munduta camasha. Paymi sumaj jamachisha.