2 Reyes 4:17 - Tayta Diosninchi Isquirbichishan

¹⁷ Chaypitanaga Eliseo nishannölla warmi gueshyaj ricacuran. Watanninpäga rasunpa gueshyacuran ollgu wamrata.

2 Reyes 4:17 ပူးပေါင်းရင်းမြစ်များ

Génesis 21:1

Tayta Dios yarpäriran Sarapaj nishanta. Chaymi Sarapaj aunishanta cumliran.

2 Reyes 4:16

Chaura Eliseoga warmita niran: «Watan cananno wichan cutimuptëga ollgu itiyojnami caycanquipaj.» Niptin warmiga niran: «¿Imanöpataj wamrä canga tayta? Diospa profëtan caycashpayquega ama llullapämaychu.»

2 Reyes 4:18

Chaypita wamraga jatullanna caran. Juc junaj aywaran papänin chacracho rïguta rutuycächishanman.

Salmos 113:9

Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Lucas 1:36

Chaynömi famillyayqui Elisabetpis chacwanna caycashpan sojta quillana gueshyaj caycan. Paypämi rimaj ‹Mana wawata tarej warmi› nir.

Hebreos 11:11

Abraham Tayta Diosman yäracuptinmi auquinna caycaptinpis y warmin Sara chacwanyashancama wawata mana tarej caycaptinpis yanaparan wamran yurinanpaj.