2 Reyes 24:3 - Tayta Diosninchi Isquirbichishan

³ Chaynöga camacächiran Judäpita llapan runata Tayta Dios jitarinanpaj. Tayta Dios jitariran Manasés tucuy juchata rurashanpitami.

2 Reyes 24:3 ပူးပေါင်းရင်းမြစ်များ

Génesis 50:20

Gamcunaga yarparayqui nogata chiquimar mana allita ruraycämashayquita. Chaytami Diosga rucachisha alliman, canan ricashanchïno runacunata wañunanpita salbanäpaj.

2 Reyes 17:18

Chaymi Tayta Diosga fiyupa rabyacurcuran Israel runacunapaj. Ñaupanpitapis juc-läman jitariran. Judá trïbu cajcunallatanami jinanchöga cachaycuran.

2 Reyes 17:20

Chaura Tayta Dios gongaycuranna Israelpita mirar aywajcunata. Nircorga pasaypa pengayman churaran. Asaltanticuna ima-aycantapis apacoj. Chaypitanaga Tayta Diosmi lädunpita jitariran.

2 Reyes 17:23

Chaypitanaga Tayta Dios Israelcunata ñaupanpita jitariran profëtancunawan willacachishanno. Israelcunataga Asiriaman prësu aparan. Chaychönami canancamapis tiyarcaycan.

2 Reyes 18:25

Jinachöpis gamga ¿yarpanquichu Tayta Dios mana niycämaptillan cay nasyunta illgächej shamushäta? ¡Tayta Diosmi nimasha cay nasyunman yaycaycamur illgächinäcunapäpis!»

2 Reyes 21:16

Judá runacunata Tayta Diospa ñaupancho juchata rurachishanpa jananmanpis Manasesga juchaynaj runacunataraj wañuchiran. Yawarninpis intëru Jerusalencho mashtararan.

2 Reyes 24:20

Chaypitami Tayta Diosga fiyupa rabyacurcuran Jerusalén runacunapäwan Judá runacunapaj. Ñaupanpitapis juc-lämanna jitariran. Chaypitana Sedequiasga Babiloniapa rayninpa contran jatariran.

2 Crónicas 24:24

Siria suldärucunaga wallcajllami caranpis. Judá suldärucunataga aypalla caycaptinpis Tayta Diosmi wallcajllapa munayninman cachaycuran. Payta gongaycushanpitami chayno cachaycuran. Chaynömi Joastaga juchancunapita castigaran.

2 Crónicas 25:16

Chayno profëta niycaptin rayga ollgur niran: «Manami gamtaga churashcächu willapämänayquipaj. Wañuchinäta mana munarga upällalla cacuy.» Chaura profëtaga manana rimaparannachu. Ichanga niran: «Nogaga musyaycänami chayno rurashayquipita, noga nishäta mana wiyacushayquipita Tayta Dios ushacächishunayquipaj cashanta.»

Éxodo 20:5

Chaycunapa ñaupanmanga ama gongurpacunquichu ni aduranquipischu. Nogallami Tayta Diosniquega cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Jeremías 32:31

Cay siudächo tiyayta gallarishanpita-pachami canancama pasaypa rabyachimasha. Chaypitami caycho tiyajcunataga ushajpaj usharishaj.

Jeremías 52:28

Nabucodonosor prësu apachishan runacunaga caran caynömi: Ganchis watana ray caycashancho Judá runacunata prësu aparan quimsa waranga ishcay chunca quimsan (3,023) runacunata.

Ezequiel 22:3

Chaymi cayno ninqui: ‹Caynömi Tayta Diosga nin: Cay siudächo tiyaj runacunata wañuchejcuna, ganrayänayquipaj ïdulucunata rurajcuna, ushacänayquipaj caj öra chayaycämunnami.

Ezequiel 24:6

Tayta Dios tantiyachishpan caynömi nin: «¡Ay imanöraj canqui wañuchicoj Jerusalén siudä! Oxidasha caycaj mancanömi caycanqui. Oxidashanga imaypis mana llojshejnömi caycanqui. Juc-juclla jorguy cuchusha caycaj aychacunata. Mancachöga jucpis ama quëdachunnachu.

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Miqueas 2:10

Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.

Deuteronomio 28:63

Gamcuna alli cawanayquipaj, achcaman miranayquipaj yanapäshushpayqui Tayta Dios cushicushannöllami mana wiyacushayquipita ushacächishushpayquipis cushiconga. Mana munaycajtami tiyashayqui nasyunpitapis gargushunquipaj.

Deuteronomio 29:28

Fiyupa rabyashpanmi juc-lä nasyuncunaman gargusha. Chaymi cananga juc-lächöna carcaycan› nir.

Josué 23:15

Tayta Diosninchi yanapämänanchïpaj aunimashanchïcunata cumlishannöllami payta mana wiyacuptiquega ushacächishunayquipaj nimashanchïcunatapis cumlengapaj. Chaura manami ni jucnayllapis cay alli chacra goshushayquichöga quëdanquipächu.