2 Reyes 24:2 - Tayta Diosninchi Isquirbichishan

² Ichanga Joacimman Tayta Dios cacharan röpa-röpa asaltanticunata. Asaltanticunaga aywaran Caldeapita, Siriapita, Moabpita, Amonpita. Paycunatami Tayta Dios cacharan Judäta illgächinanpaj Tayta Diospa profëtancuna willacushan cumlinanpaj.

2 Reyes 24:2 ပူးပေါင်းရင်းမြစ်များ

2 Reyes 20:17

‹Juc junajmi Babiloniaman apacongapaj cay palasyuyquipita llapan cösacunata, unay awiluyquicuna shuntashanpita canancama shuntaycashayquitapis. Chauraga caycho manami imapis quëdangapächu.

2 Reyes 22:16

Cay partimanga tucuy-niraj mana allicunatami chayachimushaj Judäpa raynin liguishan librucho niycashanno.

2 Reyes 23:27

Tayta Diosga nisha caran: «Israelcunata gargushänömi Judá runacunatapis ñaupäpita gargushaj. Jerusalén siudätapis acrashä caycaptin cachaycushämi. Tiyanä Templutapis cachaycushänami.»

2 Reyes 6:23

Chaura rayga micuyta rurachiran. Nircur Siria runacunataga gararan. Garguriptin suldärucunaga rayninman cuticuran. Chay junajpita-pachami Siria runacunaga Israelcunata mana abusarannachu.

2 Crónicas 33:11

Chaypitami Tayta Diosga camacächiran Asiria raypa mandaj suldäruncuna shamunanpaj. Paycunami Manasesta prësu charircur runsi cadinacunawan watarcur Babiloniaman aparan.

Job 1:17

Chay runa manaraj willayta ushaptin jucpis chayamur Jobta willaran: «Quimsa röpa Caldea runacuna yaycaycamur llapanëta magamasha. Nircurmi apacusha camëlluyquicunata. Uywayniquicunatana cuchilluwan wañurgärachisha. Nogallami gueshpimushcä willanäpaj.»

Isaías 13:5

Caru nasyunpitami aywarcaycämun. Allpapa cuchun syëlupa chaquinpitami aywaycämun. Chay aywaycämöga Tayta Dios rabyar castigacunanmi. Runacunata ushajpaj illgarachinanpämi aywaycämun.

Isaías 28:19

Cada chayamuyninmi garachasha apashunquipaj. Waran-waranmi, chacaypapis junajpapis chayamongapaj.» Chayamunanpaj caycashanta musyaycullarnami manchariywan sicsicyanquipäpis.

Isaías 7:17

«Tayta Diosga nasyunniquiman magashunayquipaj cachamonga Asiriapa raynintami. Paymi gamtapis, mandashayqui runacunatapis, famillyayquicunatapis fiyupa ñacachengapaj. Efraín runacuna Judäpita raquicashan junajpita-pacha manaraj cashanno fiyupa manchariypämi canga.»

Jeremías 12:9

Acrashä runacunaga cuyayllapaj lümayoj äbinömi carcaycan. Chay äbillaman magananpaj wacpita caypitapis aycha micoj äbicuna juntapaycushannömi caycan. Contrancunaga shamuchun jirca animalcunano shuntacarcur. Shamuchun acrashäcunata usharinanpaj.

Jeremías 25:1

Judächo chuscu watana Josiaspa wamran Joacim ray caycaptin, Judächo tiyaj runacuna imano cananpaj cashantapis Jeremiasta Tayta Dios willaparan. Chayga caran Nabucodonosor chayraj juc wata Babiloniapa raynin caycaptinmi.

Jeremías 25:9

cananga norte caj-läpa caycaj nasyun runacunatawan Babiloniapa raynin Nabucodonosorta pushamushaj. Payga munashätami ruran. Pay suldäruncunawan shamurmi cay nasyuncho tiyaycajta, ñaupan nasyuncunacho tiyajcunatapis wañuchenga. Paycunawanmi llapanta illgächichishaj. Chaura imaycamapis ushacashallanami quëdanga. Chaymi fiyupa manchariypaj, llaquicuypaj canga.

Jeremías 26:20

Juc profëtapis Tayta Dios willachishanta willacuranmi. Payga caran Quiriat-jearim marcacho tiyaj Semaiaspa wamran Uriasmi. Paymi cay nasyunpawan Jerusalenpa contran willacuran.

Jeremías 26:6

Noga camacächishaj Silo marcacho päsashanno Templutapis päsananpämi. Chaura cay siudäga cangapaj llapan ricacunanpämi. Chayrämi intëru nasyun runacuna musyanga noga castigashäta.› »

Jeremías 32:28

Rasunpami nogaga camacächishaj cay siudä Babiloniapa raynin Nabucodonosorpawan chay nasyun runacunapa maquincho cananpaj.

Jeremías 35:11

Ichanga Babiloniapa raynin Nabucodonosor cay nasyunman yaycacaycamuptinmi suldäruncunapita gueshpir cay Jerusalén siudäman shacamushcäcuna. Fiyu Babilonia runacunapitawan Siria runacunapitami gueshpimushcäcuna. Chaynöpami cay Jerusalenchöga tiyarcaycä.»

Jeremías 52:28

Nabucodonosor prësu apachishan runacunaga caran caynömi: Ganchis watana ray caycashancho Judá runacunata prësu aparan quimsa waranga ishcay chunca quimsan (3,023) runacunata.

Lamentaciones 1:17

Sionga maquintapis chojpacur-rämi mañacuycan. Ichanga manami pipis canchu shogananpaj. Tayta Diosmi camacächisha chiquejcuna Jacobta curalapaycärinanpaj. Chiquejcunapäga Jerusalén caycan mana sirbejmi.

Ezequiel 19:8

Chaura bisïnun marcacunacho tiyajcunaga paypa contranna jatariran. Chaymi trampata churaparan. Chaynöpami uchcuman garpuycur chariran.

Ezequiel 23:23

Shamonga Babiloniacuna, Caldeacuna, Pecodcuna, Soacuna, Coacuna, intëru Asiriapitapis. Paycunaga llapanpis caycan camaraj mösucunallami, capitancunallami, mandajcunallami, jinyu runacunallami, pillyay yachajcunallami. Llapanpis caycan muntädu purejcunallami.

Miqueas 3:12

Gamcunapa juchayquipitami Sión lömaga quëdanga yapyashano. Jerusalén siudä quëdangapaj muntuy-muntuy rumicuna goturaycajlla. Templu caycashan jircachöpis mana alli jachacunallana juntasha canga.

Habacuc 1:6

Caldea runacunatami camaricachej-aywä guërraman aywananpaj. Paycunaga fiyu runacunami. Juc nasyuncunata charicarcärinanpaj may-chaypapis purin.