2 Reyes 23:30 - Tayta Diosninchi Isquirbichishan

³⁰ Mandaj suldäruncunana wañushata carrëtanman jitarcur Meguidupita aparan Jerusalenman. Chaychöna pampaycäriran pampacunanpaj uchcu caycajman. Chaura runacunaga Josiaspa ruquin ray cananpaj wamran Joacaz jutiyojtana churaran.

2 Reyes 23:30 ပူးပေါင်းရင်းမြစ်များ

2 Reyes 14:21

Nircur llapan Judá runacuna parlacarcärir churaran ray cananpaj Amasiaspa wamran Azariasta. Chay öra Azariasga caycaran chunca sojtan (16) watayoj.

2 Reyes 21:24

Chayno wañuycachiptin llapan runacunana rabyacarcärir wañuchiran ray Amonta wañuchejcunata. Nircorga ruquin ray cananpaj churaran wamran Josías jutiyojtana.

2 Reyes 22:20

Chaypitami alli wañuypa wañunquipaj unay caj awiluyquicunawan tincoj aywacur. Gamga wañunquipaj cay partiman fiyupa mana allicunata chayachimunäpaj caycajtapis manaraj ricallarnami.› » Ray cachashancunaga cuticuran imano nishantapis rayta willananpaj.

2 Reyes 9:28

Chaypita uywaynincunana Ocoziastaga carrëtawan aparan Jerusalenman. Chaychöna castancuna pamparashan Davidpa siudäninman pampaycäriran.

2 Crónicas 35:20

Chaypita mas unaytaga Tayta Diospa Templunta Josías allchachishana caycaptin Egiptupa raynin Necao aywaran Éufrates mayuman Carquemis siudächo pillyananpaj. Chaymi Josiasga chapänanpaj aywaran.

2 Crónicas 35:24

Chaura mandaj suldäruncuna jorguran pillyaycashan carrëtapita. Nircur aparan jucaj carrëtanman. Chaywanna Jerusalenman aparan. Chaychöna wañuran. Unay awiluncuna pamparaycashanman pampaycuran. Josías wañuptin Jerusalencho tiyajcunawan intëru Judächo tiyajcunapis fiyupa wagaran.

Jeremías 22:10

Ama wagaychu ray Josiaspäga. Ama wagaychu pay wañushanpitaga. Chaypa ruquenga wagay-llapa wamran Salumpaj. Payga aywacun mana cutimojmi. Yurishan marcatapis manami ricanganachu. Salummi papänin Josiaspa ruquin Judäpa raynin caran. Salumga caypita aywacushanami. Paypämi Tayta Diosga cayno nin: «Manami imaypis cutimongapänachu.

Ezequiel 19:1

«Israelpa raynincunapaj gamga wañupacuycho cantanata cantay. Cayno cantay: