2 Reyes 22:19 - Tayta Diosninchi Isquirbichishan

¹⁹ llaquicushayquita, caycho tiyajcunapaj, cay partipaj illgächisha cananpaj, mana allicho cananpaj niycashäta wiyar nogaman yäracamushayquita, röpayquita rachirishayquita ricashcämi. Ricaycaptë wagashayquitapis wiyashcämi.

2 Reyes 22:19 ပူးပေါင်းရင်းမြစ်များ

1 Reyes 21:29

«¿Gam ricashcanquichu Acab llaquicur imano caycashantapis? Chayno nogapa ñaupächo fiyupa llaquicushanpitami pay cawashancamaga mana castigashärächu. Wamranchörämi castiganäpaj nishäcunaga cumlenga» nir.

2 Reyes 19:20

Chaypita Amozpa wamran profëta Isaiasga ray Ezequiasta willachiran. Willachir niran: «Israelpa Tayta Diosnenga caynömi nin: Noga wiyashcämi Asiriapa raynin Senaqueribpaj mañacamashayquita.

2 Reyes 20:5

«Cutiycur acrashä marcapa mandajnin ray Ezequiasta ninqui: ‹Unay famillyayqui David sirbishan Tayta Diosga caynömi nin: Noga wiyashcämi mañacamashayquita. Ricashcämi wagashayquitapis. Chaymi allchacächishayqui. Cananpita quimsa junajtami aywanquipaj Templöman.

2 Reyes 22:11

Laycunata liguipashanta wiyaycur rayga llaquicushpan röpanta rachiriran.

2 Crónicas 32:26

Alli-tucurcurpis Ezequías fiyupa llaquicushpan Tayta Diostana wiyacuran. Jerusalén runacunapis chaynölla ruraran. Chaymi Ezequías cawashancamaga Judá nasyun runacunata Tayta Dios mana castigaranchu.

2 Crónicas 33:12

Fiyupa ñacashpanrämi Manasesga Tayta Diosta mañacuran. Chayrämi unay caj awiluncuna rispitashan Tayta Diospa ñaupancho arpinticuran.

2 Crónicas 33:19

Tayta Diosta mañacushan, Tayta Dios imano yanapashan, ima-ayca juchata rurashan, may puytush lömacunacho capillacunata rurachishan, manaraj arpinticur Asera diosa-niraj ïdulucunata, waquin ïdulucunata mayman churashanpis willapancunaga isquirbiraycan profëtacunapa willapan isquirbiraycashanchömi.

2 Crónicas 33:23

Papänin Manasesnöga Tayta Diospa ñaupancho mana arpinticurannachu. Chaypa ruquenga mas juchallatana ruraran.

2 Crónicas 34:27

llaquicushayquita, caycho tiyajcunapaj, cay parti illgächisha cananpaj, mana allicho cananpaj niycashäta wiyar nogaman yäracamushayquipita, röpayquita rachirishayquipita, ricaycaptë wagashayquitapis wiyashcämi. Noga Tayta Diosmi në:

Esdras 10:1

Chayno Tayta Diospa Templun puncucho wagashpan Esdras gongurpasha mañacuycaptin warmi, ollgu, wamrapis fiyupa llaquicuywan wagarcaycaran. Paycunaga Esdraspa lädunman shuntacaran.

Nehemías 1:4

Willaycamaptin llaquicur fiyupa wagarä. Chaymi achca junaj llaquisha goyarä, ayunarä, janaj pachacho caycaj Tayta Diosta mañacurä.

Nehemías 8:9

Layta liguipashan shongunman chayaptin runacunaga wagaran. Chaymi gobernador Nehemías, Yachachej cüra Esdras, layta tantiyachej Leví runacunapis niran: «Canan junäga Tayta Diosta rispitana junajmi. Ama llaquicuychu, ama wagaychu ari.»

Salmos 119:120

Gamta manchacur nogaga sicsicyaycä. Imanöpis jusganayquipaj cashayquipitami fiyupa llaquicö.

Salmos 119:136

Yachachishayquicunata mana cumliptinmi nogaga fiyupa wagä.

Salmos 51:17

Gampäga caycan umildi cajcunami y wiyacushoj cajcunami allinninta garashushayquino. ¡Tayta Dios, gamga manami manacajman churanquichu llapan shongunpa arpinticoj cajtaga!

Salmos 51:19

Chaymi ichanga chasquinquipaj garashushayquita. Altarniquichöpis rupachengapaj töru-mallwacunata.

Éxodo 10:3

Niptin Aaronwan Moisesga aywaran faraón cajman. Chayaycur niran: «Hebreocunapa Tayta Diosninmi cachamasha gamta tapunäpaj. ¿Imaycamaraj payta mana wiyacunquichu? ¡Aduraj aywananpaj acrashan runacunata cachay!

Isaías 46:12

Wiyamay rumi shongu runacuna. Gamcunaga manami salbasharächu caycanqui.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Isaías 66:5

Tayta Dios nishanta manchacojcunaga pay nishanta wiyay-llapa: «Nogata rispitamashayquipita chiquishoj, gaticachäshoj marca-masiquicunaga asipäshushpayqui nircaycan: ‹Mä Tayta Dios munayninta musyachimäshun. Mä ñacashpayquipis cushisha goyay› nir. Ichanga chayno nishojcuna fiyupa pengaychömi cangapaj.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 14:17

«Jeremías, llaquicushpayqui runacunata cayno niy: « ‹Cuyashä runacunaman manchariypaj disigrasya chayashanpita weguëpis mana chawaypa aywachun. Malubrashan nanaywan fiyupa gaparpaptinmi weguëpis mana chawaypa aywachun.

Jeremías 26:6

Noga camacächishaj Silo marcacho päsashanno Templutapis päsananpämi. Chaura cay siudäga cangapaj llapan ricacunanpämi. Chayrämi intëru nasyun runacuna musyanga noga castigashäta.› »

Jeremías 36:13

Llapan runacunapa ñaupancho imano Baruc liguishantapis Micaiasga ushajpaj willaparan.

Jeremías 36:24

Liguipashanta wiyarga raypis ni waquin mandajcunapis manami arpinticuranchu, ni manchariranchu.

Jeremías 44:22

Ichanga mana alli rurashayquicunata Tayta Diosga manami awantashanachu. Gamcunaga Tayta Diosta fiyupami rabyachishcanqui. Chaypitami cananga nasyunniquicho siudäcunaga juchusha ragällan caycan. Pipis mana tiyaptin manchariypaj y pï-maypis ricacunanpämi caycan.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Ezequiel 9:4

cayno niran: «Jerusalén siudäta tumamuy. Chay siudächo melanaypaj mana allicunata ruraycajta ricashpan llaquicur pësacuycajcunataga urcuncho señalay.»

Miqueas 6:8

Runa, Tayta Diosga maynami nisha-cashunqui, alli cajllata, pay munashan cajllata ruranayquipaj. Payga munan: Alli cajllata ruranayquitami, pï-maytapis cuyanayquitami, imata Tayta Dios nishushayquitapis wiyacur cumlinayquitami.

Números 25:6

Chayno niptinmi llapan Israelcuna Tincuna Toldu puncucho wagarcaycaran. Chay örami Moisespis waquin runacunapis ricaycaptin juc Israel runa mana pengacuypa Madián warmita toldunman pushasha yaycarachiran.

Lucas 19:41

Jerusalenta ricänaman chayarcur Jesús wagaran

Deuteronomio 29:23

Chaura fiyupa manchacashpan nenga: ‹Chay chacracunachöga cachiwan asufrimi mashtaraycan. Chaychöga manami imapis wayongachu ni guewallapis. Sodomata, Gomorrata, Admata, Zeboimta Tayta Dios castigar illgächiptin imapis mana quëdashannömi imapis mana canchu› nir.

Jueces 20:26

Chaura yapay Bet-elcho wagaran Israelcunapis suldärucunapis. Goyarpoj ayunaran. Rupachina sacrifisyucunata y alli goyaypita sacrifisyucunatapis rupachiran.

1 Samuel 24:5

Chayta rurariycorga fiyupa llaquicuran.