2 Reyes 2:14 - Tayta Diosninchi Isquirbichishan

¹⁴ Nircorga jinan öra yacuta astiran «¿Maytaj Eliaspa Tayta Diosnenga?» nir. Wiruycushan öra yacuga ishcan-läman raquicäcuran. Chaura mayutaga chaquipana Eliseo päsaran.

2 Reyes 2:14 ပူးပေါင်းရင်းမြစ်များ

2 Reyes 2:13

Nircur Elías jacurashan shicwajtana apacurcur cuticuran Jordán mayuman. Mayu cantuncho ichicuycuran.

2 Reyes 4:29

Chaura Eliseoga uywaynin Giezita niran: «Camaricurcur juclla ayway wamra caycashanman bastunnëta apacurcur. Piwanpis tincur ama saludanquichu, pipis saludashuptiqui ama chasquinquichu. Chayaycorga bastunnëta wamrapa cäranman churanqui» nir.

Salmos 115:2

Juc-lä nasyun runacunaga asipämar «¿maytaj Diosniqui?» nir tapuman.

Salmos 42:10

Tullöcunata paquiycajnömi chiquimajcunaga imay örapis asiparcaycäman «¿Maytaj Diosniqui?» nir.

Salmos 42:2

Imaycamapis cawachicoj Tayta Diostami yacunaycajno ashiycä. ¿Imayraj cutishaj Tayta Diosta aduranäpaj?

Éxodo 14:22

Chaura Israelcunaga chaqui allpapana päsaran washa-lädunpa cay-lädunpa yacu tapyano ichiraycaptin.

Jeremías 2:6

Egiptupita jorgamusha caycaptë, chunyaj jircapa pushamusha caycaptë, fiyu chaqui jircapa, yacuynaj jircapa pushamusha caycaptë, pï-maypis mana tiyashan jircapa, pipis mana purinan jircapa pushamusha caycaptëpis paycunaga manami yarpachacuranchu noga munashäno cawananpaj.

Joel 2:17

Tayta Diosta sirbejcunapis llojshimuchun. Paycunaga runsi altar ñaupanman ichichun. Nircur wagashpan Tayta Diosta mañacuchun cayno nir: «Tayta Dios, acrashayqui runacunataga perdunaycuy. Gampa cajta pipis manacajman churanantaga ama munaycuychu. Juc-lä nasyun runacuna munaynincho chararänantaga ama munaycuychu. Ama camacaycachiychu paycuna acrashayqui runacunata ‹¿Maytaj chay Diosniqui?› ninantaga.»

Marcos 16:20

Chaypita disïpuluncunaga may-chaychöpis Jesucristupa alli willacuyninta willacuran. Quiquin Tayta Jesucristunami yanaparan milagrucunatapis rurananpaj. Chayta ricarmi runacuna tantiyacuran chay willacushanga Jesucristupa willacuynin rasunpa cashanta. Amén.]

Juan 14:12

«Nogaman riguejcunaga noga milagrucunata rurashänömi ruranga. Taytä cajman noga aywaptëmi mas fiyupa almiraypajcunataraj rurangapis.

Hechos 2:33

Nircurnami Jesusta derëchu caj-lädunman Tayta Dios jamachisha llapanpäpis munayniyoj cananpaj. Chaypitanami Tayta Dios aunishan Espíritu Santuta nogacunaman cachamusha. Cananga chaytami wiyarcaycanqui, ricarcaycanqui.

Jueces 6:13

Chaura Gedeonga niran: «Ama rabyacunquichu Tayta. Tayta Dios yanapaycämaptenga ¿imanirtaj llapan disigrasya chayaycäman? Unay caj awilöcunaga ‹Tayta Dios Egiptupita jorgamar tucuy milagrucunatami ruraran› nimaranchaj. Cananga ¿imanirtaj milagrucunata mana ruranchu? Tayta Diosga gongaycäramashami. Cachaycamasha Madián runacunapa munayninmanmi.»