2 Reyes 19:7 - Tayta Diosninchi Isquirbichishan

⁷ Nogami camacächej-aywä payman willapa chayaptin cuticunanpaj. Chaura nasyunninman cuticongapaj. Chaychönami camacächishäpaj payta juc wañuchinanpaj› nir.»

2 Reyes 19:7 ပူးပေါင်းရင်းမြစ်များ

2 Reyes 19:28

Nogapa conträ jatarir rabyar fiyupa ollguycashayquitapis wiyashcämi. Chaymi sengayquiman churashaj juc arguyllata. Shimiquimannami frënuta churashaj. Shamushallayquipami cutichishayquipis.»

2 Reyes 19:33

Shamushallanpami cuticongapaj. Siudämanga manami yaycongapächu. Noga Tayta Diosmi chayno në.

2 Reyes 7:6

Siria runacunataga Tayta Dios mayapacachisha caran pillyapaj caj aypalla carrëtacuna, aypalla suldärucuna, cawallucuna yaycuycajtano. Chaura Siria runacunaga yarparan Israelpa raynenga Het nasyunpa raynincunata, Egipto nasyunpa raynincunata mincacushanta.

2 Crónicas 32:21

Chaura Tayta Diosga juc anjilninta cachamuran. Chay anjilna Asiriapa raynin pachacaraycashanman aywaycur ushajpaj illgächiran suldärucunata, capitancunata, comandanticunata. Chaura Asiriapa raynenga nasyunninman pengay-tucusha cuticuran. Nasyunninchöna diosninpa templuncho caycajta quiquinpa wamrancunalla wañuycärachiran.

Job 15:21

Paycunaga imapis gaparämojta wiyar fiyupa mancharin. Pipis mana yaycunancho caycaptinpis suwacunaga suwapanmi.

Job 4:9

Tayta Diosga mana alli runacunatami rabyar castigan. Castigar ushajpämi illgächin.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Salmos 50:3

Tayta Diosninchëga manami mana musyacayllachu shamonga. Paypa ñaupantaga shamonga ima-aycatapis rupar ushacurcoj ninami. Paypa intërun tumarejpana shamun fiyu wayra.

Salmos 94:23

Fiyucunataga Tayta Diosmi castiganga mana allita rurashanpita. Tayta Diosninchïmi illgarachenga.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Jeremías 49:14

«Cachata cachashcänami nasyuncunaman cayno willacunanpaj: ‹¡Llapayqui shuntacarcur sumaj camaricuy! ¡Nircur Edom runacunaman magaj ayway!› nir.

Jeremías 51:1

Tayta Dios nin: «Ima-aycatapis illgächej löcu wayratami wayrächimushaj Babilonia runacunaman.

Jeremías 51:46

Ama manchariychu ni llaquicuypischu intëru nasyunpa willapa captin. Cada watami willapaga jucno-jucno canga. Chay willapaga canga wañuchinacuypaj, juc siudäpa mandajninwan juc siudäpa mandajnincuna pillyananpaj.

Abdías 1:1

Caychöga isquirbiraycan Abdiasta Tayta Dios ribilashanmi. Edom runacunapaj Tayta Diosga caynömi nin: «Nogaga Israelcunapa Tayta Diosninmi cä. Juc cachatami nasyuncunaman cachashcä. Chay cachami cayno niycan: ‹¡Aywashun-llapa! ¡Aywashun Edom runacunawan pillyaj!›