2 Reyes 19:26 - Tayta Diosninchi Isquirbichishan

²⁶ Chay siudäcunacho tiyajcunanami fiyupa mancharir pengay-tucusha quëdasha. Jircacho caj berdi guewacuna, wasi janancho llullu guewacuna fiyupa usyawan chaquicäcojnömi quëdasha.

2 Reyes 19:26 ပူးပေါင်းရင်းမြစ်များ

Génesis 41:23

Chaypa guepantana yapay wiñamusha ganchis pallga ispïja pasaypa chaquisha gashchulla, chunyajpita shamoj wayrawan rupatasha.

Génesis 41:6

Chay alli ispïjayoj rïgucuna wiñamushan sapinpita chillguimusha yapay ganchis pallga mana alli rïgucuna. Chay rïgucunaga caran chunyajpita shamoj wayrawan chaquisha.

Salmos 102:11

Llantuy päsacojnöllami watäcunapis päsacuycan. Guewa wañuytajnömi wañuycä.

Salmos 127:1

Tayta Dios wasita mana jatarachiptenga yangami wasi arojcuna arushanpis. Siudäta Tayta Dios mana täpaptenga yangami täpajcuna täpashanpis.

Salmos 92:7

Fiyucuna guewano mirashpanpis, llapan mana allita rurashancuna alli llojshipaptinpis paycunaga carcaycan para-simri illgänallanpämi.

Isaías 13:8

Fiyupa mancharishami ricacongapaj. Fiyupa llaquicuymi charengapaj. Cuerpuncunapis fiyupami nanacuycongapaj. Chauraga warmi nanaycho caycajnörämi milluycachangapis. Jucninpis-jucninpis mancharishami ricapänacongapaj. Pengacuyllawan cärancunapis pucayacäcongapaj.

Jeremías 37:10

Gamcunaman suldärucuna yaycamojta ushajpaj wañuycärachiptiquipis, wallcajlla pachacarashancho gueshyaycar quëdajcunallapis aywaycamur siudätaga sindipaycärinmanmi.»

Jeremías 51:30

Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Jeremías 51:32

Runa päsacunan mayu bäducunachöpis contrancunaga juntashami carcaycan. Pacacunanpaj caj shogush juntasha cajcunatapis cañapaycärishami. Chaura suldärucunapis fiyupami mancharircaycan.

Números 11:23

Chaura Tayta Dios niran: «¿Munayniynaj cashätachu yarpanqui? Cananmi musyanqui rimashä rasunpa cashanta u mana rasunpa cashantapis.»

Números 14:9

Ichanga Tayta Diospaj ama rabyaychu. Ama manchacuypischu chay nasyuncho tiyaj runacunataga. Chay runacunata noganchëga fäsimi binsirishun. Paycunataga manami pipis yanapanchu. Noganchïwan ichanga Tayta Dios caycan. ¡Chaymi ama manchacuychu-llapa!»

Mateo 10:27

Chaymi chacaypa noga nishätaga junajpa willacuy. Yachayllapa gamcunata willapashätaga gayacuypa willacuy llapan wiyananpaj.

1 Pedro 1:24

Alli willacuynin mana ushacaj cashantaga Tayta Diospa palabranchöpis niycan: «Llapan runacunapis guewanöllami. Cuyayllapaj cashanpis waytano ushacajllami. Guewapis chaquicäcunmi, waytapis wañuytacäcunmi.