2 Reyes 19:23 - Tayta Diosninchi Isquirbichishan

²³ Cachayquicunawan ashllichimarmi nimashcanqui: ‹Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Sajtashcä jatunnin sedru gueruncunatapis, mas cuyayllapaj pïno gueruncunatapis. Chayashcämi altunnin jircancunaman, may-may muntincunamanpis.

2 Reyes 19:23 ပူးပေါင်းရင်းမြစ်များ

2 Reyes 18:17

Chaypitapis Asiriapa raynenga Laquispita ray Ezequiasman cacharan mas mandaj suldärunta, ray yäracushan mandaj runata, juc mandajtapis. Chaycunataga cacharan aypalla suldärucunatawan. Aywaran Jerusalenman pillyaj yaycunanpaj. Jerusalenman chayaycärir pachacuran jana caj ishtanquipita sicya aywaycaj läduncho, Tagshacuna Pampa nishanman näni aywajpa lädunman.

2 Reyes 18:23

«Cananga Asiriapa rayninwan alli parlacuy. Nogaga ishcay waranga (2,000) cawallucunatapis gömanmi. ¿Chayta muntacoj runacunata tarinquimanchuraj?

2 Reyes 19:4

Tayta Diosniquega wiyashami canga Asiriapa raynin cachamushan mandaj suldärun ashllishpan imata nishantapis. Cawaj Diostami ashllisha. Ashllishanpita Tayta Diosniqui castigaycunman. Mañacushpayqui ruwacuycuy ari quëdajcunallapäpis› nir.»

2 Crónicas 26:10

Chunyaj jircacunachöpis törricunata rurachiran. Aypalla uywancuna captin yacupäpis pösucunata uchcuchiran. Uywancuna tiyaran guechwa aywaj pampacunapapis, altu jircacunapapis. Piyunnincunapis caran achca chacracunacho y übas chacrancunacho arupänanpaj. Uziasga caran chacra aruyta munaj runami.

2 Crónicas 32:17

Israelcunapa Tayta Diosninta ashllishpan Senaqueribga cartacunatapis apachiran. Carta apachishancho niycaran: «Waquin nasyuncunapa marcancunacho caycaj diosnincuna munaynëpita mana salbaycaptenga Ezequiaspa Diosninpis manami salbangachu nasyunnincho caycaj runacunata.»

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Salmos 20:8

Paycunaga tunengami. Noganchïmi ichanga jatarcur ichirpaycäshun.

Isaías 10:13

Asiriapa raynenga nisha: «Nogaga callpäwanmi llapantapis rurashcä. Yarpaysapa carmi imano ruranäpäpis camacächishcä. Nasyuncunapa lindancunatapis illgächishcä. Llapan riquësancunatapis charicurcushcä. Jinyu caynëwanmi raycunatapis binsishcä.

Isaías 10:14

Juc-lä nasyun runacunapa riquësancunatapis charicurcushcä. Llapan nasyuntami munaynëcho cananpaj charishcä, äbi runtunta gueshwacho cacharishanta shuntajno. Chayno ruraptë manami pipis michämashachu. Manami pipis rimacushachu.»

Isaías 10:18

Ushajpämi illgächenga cuyayllapaj muntincunata, wertancunatapis. Gueshyawan gueshyaycaj runa callpaynaj caycajtanönami cachayconga.

Daniel 8:11

Estrëllacunapa mandajnin Tayta Diostapis apäriyta munaran. Diosta adurana wasitapis ganrachiran. Waran-waran Diospaj rupachicunantapis illgächiran.