2 Reyes 17:4 - Tayta Diosninchi Isquirbichishan

⁴ Chayno caycashanpita Salmanasarga mayaran Oseas contran ricacushanta. Mayaran Egiptupa raynin So jutiyojman runacunata cachashanta. Manana pägashanachu caran cada wata päganyashan impuestutapis. Chaura Salmanasarga Oseasta prësu charircur carsilman wichgachiran.

2 Reyes 17:4 ပူးပေါင်းရင်းမြစ်များ

2 Reyes 17:3

Asiriapa raynin Salmanasar suldäruncunawan yaycuran Oseasta magaj. Chaychömi Oseastaga uywayninman ticrachiran. Impuestuta pägachiran.

2 Reyes 17:5

Nircur intëru Israel nasyunman yaycuran llapan suldäruncuna. Samaria siudäta quimsa wata intëru curalararan.

2 Reyes 18:21

Nogaga musyaycämi Egipto runacuna yanapäshunayquipaj yäracuycashayquita. Egiptoga caycan challcucoj shogushnömi. Pipis tucnacurcuptenga maqui paltanpapis challcur päsarinmi. Chaynömi Egiptupa faraonnenga payman yäracojta engañanga.

2 Reyes 24:1

Joacim Judächo ray caycashan wichan Babiloniapa raynin Nabucodonosor Judäman yaycuran. Chaura Joacimga chay raypa munaynincho quimsa wata caran. Munaynincho caycashanpita contran jataricurcuran.

2 Reyes 24:20

Chaypitami Tayta Diosga fiyupa rabyacurcuran Jerusalén runacunapäwan Judá runacunapaj. Ñaupanpitapis juc-lämanna jitariran. Chaypitana Sedequiasga Babiloniapa rayninpa contran jatariran.

2 Reyes 25:7

Chaymi quiquin Sedequías ricaycaptin wamrancunata cuchuypa wañuchichiran. Quiquin Sedequiaspatana ñawincunata jorgachiran. Nircur cadinawan watarcachir Babiloniaman prësu apachiran.

2 Crónicas 32:11

¿Manachu tantiyacunqui? Ezequiasga yargaypitami, yacunaypitami wañuchishoj-aywashunqui. ‹Tayta Diosninchëga salbamäshunmi› nerga engañaycäshunquimi.

Oseas 10:4

Chay raycunaga parlashpanpis llullacuyllatami parlan. Jurashpanpis manacajllapämi juran. Chaypitami amatar pillyallana, mana alli goyayllana caycan chacracunacho wañuchicoj jacha wiñamojnöpis.

Oseas 12:2

Tayta Diosga Judá runacunata chiquicurcushami. Imanöpis rurashanpitami Jacobpita mirajcunataga castiganga. Imanöpis rurashanmannömi paycunataga castiganga.

Oseas 13:10

Cananga ¿maytaj chay llapan siudäniquicho salbashoj rayniqui? ¿Maychötaj caycan mandajniquicuna: ‹rayta, mandajcunata churapämay› nishayquicuna?

Oseas 8:10

Chayno pägar alli parlacusha caycaptinpis castiganäpaj may-chaypitapis cutichimushämi. Chaymi munayniyoj raypa maquincho ñacar goyanga.

Deuteronomio 28:36

«Tayta Diosmi camacächenga gamcunapis ni papäniquicunapis mana rejsishan nasyunman raynintinta prësu apashunayquipaj. Chaychöga rumipita, guerupita rurasha dioscunatami aduranquipaj.