2 Reyes 17:34 - Tayta Diosninchi Isquirbichishan

³⁴ Canancamapis unay rurashannöllami rurarcaycan. Tayta Diostaga manami aduranchu. Manami cumlinchu Tayta Diospa laynincunata. Manami ruranchu Jacobpita mirajcunata Tayta Dios yachachishanta. Ni mandamintuncunatapis mana cumlinchu. Jacobpa jutintami Tayta Diosga Israel nir rucachiparan.

2 Reyes 17:34 ပူးပေါင်းရင်းမြစ်များ

Génesis 32:28

Chay runanami niran: «Cananpitaga manami Jacobnachu jutiqui canga. Jutiquega canga Israel. Chayno jutiqui canga Dioswanpis, runacunawanpis pillyar llapanta binsishayquipitami» nir.

Génesis 32:29

Chaypita Jacobpis tapuran: «Cananga gamna willamay. ¿Imataj jutiqui?» nir. Chaura Jacobta niran: «¿Imapätaj jutëta musyayta munanqui?» nir. Chaypita chay runaga jinallancho Jacobta bindisyunta goran.

Génesis 33:20

Chaychöna altarta pergaran. Chay altarpa jutinta churaparan El-Elohe-Israel nir.

Génesis 35:10

cayno nishpan: «Gampaga jutiqui Jacobmi. Cananpitaga manami Jacobnachu jutiqui canga. Cananpitaga jutiqui canga Israelnami.» Chayno nirmi Israel nir jutinta rucachiparan.

1 Reyes 11:31

Nircur profëta Ahiaswan Tayta Diosga Jeroboamta willachiran: «Gampämi cay chunca pedäsuga. Salomón mandaycashan nasyuncunatami guechushaj. Nircur gamtami goycushayqui chunca trïbu cajta.

1 Reyes 18:11

Cananga ¿imanirtaj nimanqui patrunnëman aywaycur caycho caycashayquita willanäpaj?

1 Reyes 18:31

Jacobpa chunca ishcay (12) trïbu wamrancuna cashan-japuymi chunca ishcay rumicunata shuntaran. (Jacobtami Tayta Diosga jutichaparan «Israelmi jutiqui canga» nir.)

2 Reyes 17:25

Apamushan runacunaga chaycho tiyar Tayta Diosta manami aduraranchu. Chaymi Tayta Diosga liyuncunata yurichiran. Liyuncunaga waquin runacunata wañuchiran.

2 Reyes 17:33

Paycunaga Tayta Diosta adurarpis quiquincunapa diosnincunatapis adurarcaycaran quiquinpa nasyunnincunacho rurashanno. Paycunaga juc-läpita juc-läpitami aywaran.

2 Reyes 17:40

Chayno nishanpis chay runacunaga manami wiyacuranchu. Unay caj custumrincunallata rurarcaycaran.

Salmos 55:20

Paycunaga amïguncunatapis magan. Alli cananpaj parlashanta manami cumlinchu.

Proverbios 14:2

Allita rurar goyäga Tayta Diostami sumaj rispitan. Llutanta rurajcunami ichanga Tayta Diostapis manacajman churan.

Isaías 48:1

Jacobpita miraj cashpayqui Israel jutita aparajcuna wiyay. Judá trïbu runacuna wiyay. Gamcunaga juranquipis Tayta Diospa jutinchömi. Israelpa Diosnintami mañacunquipis. Ichanga janan shongullami Tayta Diosta rispitaj-tucunqui.