2 Reyes 17:19 - Tayta Diosninchi Isquirbichishan

¹⁹ Judá runacunapis manami cumlirannachu Tayta Diospa mandamintuncunataga. Chaypa ruquenga Israelcunano juchallatana ruraran.

2 Reyes 17:19 ပူးပေါင်းရင်းမြစ်များ

2 Reyes 16:3

Chaypa ruquenga ruraran Israelpa raynincuna mana allita rurashannöna. Asta quiquinpa wamrantapis rupachiran ïduluta rispitar läduncho caj nasyun runacuna rurashanno. Chay nasyun runacunatami Tayta Diosga jitarisha caran Israelcunapa ñaupanpita.

2 Reyes 17:8

Paycunapa ñaupanpita Tayta Dios gargushan nasyuncunacho tiyajcuna rurashanno ruraran. Israelpa raynincuna «cayno rurashun» nir yachachishan mana allicunatapis ruraran.

2 Reyes 18:6

Mana cachaycuypa Tayta Diosman yäracuran. Chaymi Tayta Dios nishancunata ruraytaga mana cachaycuranchu. Chaypa ruquenga cumliran Moisesta Tayta Dios nishan mandamintucunatapis.

2 Reyes 21:14

Waquintaga acrashä runacunata jinanchömi cachaycushaj, chiquejcunapa munayninman entregashaj. Chaura chiquejnincunanami llapan ima-aycantapis suwapanga, guechonga.

2 Reyes 8:18

Ichanga Tayta Diosta mana wiyacur juchata ruraran Israelpa waquin caj raynincunano, Acabpa famillyancunano. Warminpis caran Acab famillyallapitami.

2 Reyes 8:27

Ocoziaspis Tayta Diosta mana wiyacur Acabno, famillyancunano juchata ruraran. Acabpa mashan cashpanmi juchata ruraran.

2 Crónicas 17:4

Chaypa ruquenga papänin rispitashan Tayta Diosman yäracurmi ruraran Dios imanöpis rurananpaj nishancunata. Manami ruraranchu Israel runacuna rurashannöga.

2 Crónicas 21:11

Joramga Judá nasyun jircacunacho ïdulucunapaj capillacunata rurachiran. Chaynöpami Jerusalencho tiyajcunataga mana allita rurachiran Tayta Dios ricaptin. Judá runacunaga Tayta Diosta mana cäsurannachu.

2 Crónicas 21:13

Chaypa ruquenga Israelpa raynincuna rurashantanami yachacushcanqui. Gammi juchayoj caycanqui Jerusalencho, intëru Judächo tiyaj runacunata llutanta rurar yachachishayquipita, Acabpa famillyancuna Tayta Diospaj mana alli cashanno cananpaj. Jinachöpis wauguiquicunataga gampita mas alli caycajtami wañuchishcanqui.

Jeremías 2:28

Judá, ¿maychötaj caycan rurashayqui diosniquicunaga? Chaycuna mä shamuchun ñacaycho caycashayqui öra salbashunayquipaj. ¿Gamcunapaga diosniquicunapis manachu siudäniquicunano aypalla?

Ezequiel 23:31

Ñañayqui rurashannöllami gampis rurashcanqui. Chaypitami ñañayquita upuchishä castïgu cöpalläpita gamtapis upuchishayqui.

Amós 2:4

Tayta Diosga caynömi nin: «Judá nasyun runacunaga aypallatanami mana allita rurasha. Paycunaga manami wiyacushachu yachachicuynëcunata. Laynëcunacho niycashancunatapis manami cäsushachu. Chaypa ruquenga papänincuna adurashan ïdulucunallatami adurasha. Chaypitami castigänillataga mana cachaycushächu.