2 Reyes 17:13 - Tayta Diosninchi Isquirbichishan

¹³ Tayta Diosga profëtancunawan willachiran chayno mana rurananpämi Israelcunatawan Judá runacunataga. Willachir niran: «Jucha ruraycunata cacharir allitana ruray. Mandamintöcunatana llapanta cumliy. Chaytaga unay caj famillyayquicunatami willachirä sirbimaj profëtäcunawan.»

2 Reyes 17:13 ပူးပေါင်းရင်းမြစ်များ

1 Reyes 16:1

Chaura Tayta Diosga Hananipa wamran Jehüta Baasapa contran rimachiran:

1 Reyes 16:7

Baasa Tayta Diosta mana wiyacur juchata rurashanpitami Hananipa wamran profëta Jehüwan Tayta Dios willacachiran Baasa llapan castancunawan imaman chayananpaj cashantapis. Baasaga fiyupami Tayta Diosta rabyachiran. Llapan rurashancuna caran Jeroboam castancunawan rurashanno. Paycunataga castigashpan ushajpämi illgächiran.

2 Reyes 17:23

Chaypitanaga Tayta Dios Israelcunata ñaupanpita jitariran profëtancunawan willacachishanno. Israelcunataga Asiriaman prësu aparan. Chaychönami canancamapis tiyarcaycan.

2 Reyes 18:6

Mana cachaycuypa Tayta Diosman yäracuran. Chaymi Tayta Dios nishancunata ruraytaga mana cachaycuranchu. Chaypa ruquenga cumliran Moisesta Tayta Dios nishan mandamintucunatapis.

2 Reyes 21:10

Chaymi Tayta Diosga sirbejnin profëtacunawan willacachir niran:

1 Crónicas 29:29

Ray Davidpa willapanga gallaycunanpita ushanancama isquirbiraycan profëta Samuel isquirbishancho, profëta Natán isquirbishancho, profëta Gad isquirbishancho.

Job 11:14

Aypalla juchata aparicusha cashpayquega juchayquita cachaycuyna. Famillyayquicuna juchata rurananta ama dëjaynachu.

Job 36:10

Chay runata corrijishpan willapan. Juchata ruraycashanta cachaycunanpaj willapan.

Salmos 50:7

«Acrashä Israelcuna wiyamay. Nogallami cä Diosga. Nogami cä gamcunapa Diosniqui. Cananga gamcunapa contrayquimi parlashaj.

Jeremías 11:7

Unay caj awiluyquicunata Egiptupita jorgamur tantiyachirä willapashäta cumlinanpaj. Chay junajpita canancama chaynöllami willapaycashcä.

Jeremías 18:11

«Judá runacunawan Jerusalén runacuna, wiyamay. Gamcunaman mana allita chayachimunäpämi camariycä. Gamcunata castiganäpämi yarpaycä. Chaymi gamcunaga arpinticushpayqui allillata rurarna goyay.

Jeremías 25:3

«Amonpa wamran Josías chunca quimsa (13) wata Judäpa raynin caycashan wichanpita canancamami Tayta Dios nimasha gamcunata willapänäpaj. Chaura ishcay chunca quimsa (23) watanami gamcunata tantiyachir yaparir-yaparir willapaycä. Chaypis gamcunaga manami wiyacunquirächu.

Jeremías 3:7

Nogaga yarparä imano-aycano juchata rurasha cashpanpis yapay nogaman cutimunanpaj cashantami. Nishäga manami cutimushanachu. Chaytaga ricashami mana wiyacoj ñañan Judá nasyunpis.

Jeremías 34:14

ollguta ni warmitapis hebreo-masinta rantisha carga sojta wata uywaytano chararcur cachaycunanpaj. Chayno nishätapis awiluyquicuna manami mayganpis cumlishachu.

Jeremías 35:15

Nogaga sirbimajnë profëtacunata juctapis-juctapis cachamushcä willapäshunayquipaj. Paycunami nishurayqui: «Amana ruraynachu mana allicunata. Juc dioscunatapis ama aduraynachu. Chauraga imaycamapis goyanquipaj unay awiluyquicunatawan gamcunata goycushä nasyunchömi» nir. Ichanga gamcuna manami wiyacushcanquichu ni manami rurashcanquipischu noga nishätaga.

Jeremías 42:19

Quëdasharaj caycaj Judá runacunataga Tayta Dios nishunqui Egiptuman mana aywanayquipämi. Canan nishäta sumaj yarpachacuy.

Ezequiel 18:31

Jucha ruraycunataga cachaycäriyna. Alli shonguwanna y mushoj yarpaywanna allita ruray. Israelcuna ¿imanirtaj wañunquiman?

Ezequiel 3:19

Juchasapata willapaycaptiqui juchanta mana cachashpanga chay runa wañonga juchanpitami. Gamtami ichanga manana tapushayquipänachu.

Daniel 9:10

Nogacunaga manami wiyacushcächu nimashayquita. Sirbishoj profëtayquicunawan willapächimashayquitapis manami wiyacushcäcunachu.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 12:10

Chayno cananpäga nogami willapaj cä profëtäcunata. Suyñushancunachöpis tucuytami ricachishcä. Profëtäcunawanga tincuchiypami willapächishcä.

Oseas 12:11

Galaadcho tiyajcunaga fiyu runacunami. Paycunaga manacajllami. Gilgalchömi törucunata pishtarcur rupachin. Chaypitami altarnincunapis chacracho rumi gotushacuna goturaycajno quëdanga.»

Oseas 14:1

Israelcuna, quiquiquipa juchayquipitami mana alliman chayashcanqui. Cananga Tayta Diosniquimanna yapay yäracuy.

Oseas 4:15

«Israelcuna, ïdulucunata aduraptiquipis Judäcunaga ama juchata rurachunnachu ari. Gamcuna ama aywaychu Gilgalman ni Bet-avenmanpis. Ama ‹Tayta Diospa jutincho jurä› niypischu.

Hechos 20:21

Israelcunatapis mana Israelcunatapis willapashcä juchancunapita arpinticur Tayta Jesucristuman yäracunanpämi.

Deuteronomio 31:21

Paycunaman fiyupa ñacaycuna, llaquicuycuna chayaptin ichanga cay yachachishä birsuna paycunata tantiyachenga. Paycunapita miraj wamrancunapis mana gongaypami cantanga. Nogaga aunishä nasyunman manaräpis yaycuchishpallänami musyaycä imano cananpaj cashantapis.»

Deuteronomio 4:26

Canan junaj gamcunata niycashätaga janaj pachapis cay pachapis wiyaycanmi. Nishäcunata mana wiyacorga Jordán chimpan nasyuncho tiyarcaycashpayqui illajpitami ushajpaj illganquipaj. Mananami unaycamaga tiyanquipänachu.

Deuteronomio 8:19

«Tayta Diosta gongaycärishpayqui juc dioscunata sirbir aduraptiquega llapayquitami ushacächishunquipaj. Chaytami ichanga cananllapitana willaycä.

Josué 23:16

Tayta Dioswan conträtuta rurar parlashayquita mana cumlishpayqui, Diosta gongaycärir juc dioscunata aduraptiqui Tayta Diosga gamcunapaj fiyupami rabyacurcongapaj. Chauraga manapis aycällatanami cay alli chacrapita illganquipaj.»

2 Pedro 3:9

Chayno caycaptenga ama yarpäshunchu: «Jesucristoga ¿imanirtaj mana cutimunchu?» nir. Tayta Jesucristoga shuyaraycan llapan runa arpinticunantami. Payga manami munanchu pipis juchallancho wañunanta.

Jueces 6:10

Tayta Diosga ‹Tayta Diosniquimi cä› nishurayqui. Amorreo runacuna ‹diosnë› nishantapis mana manchacunayquipämi nishurayqui. Cananga paycunapa chacranchömi tiyarcaycanqui. Gamcunami ichanga willapäshushayquita mana wiyacushcanquichu.»

Jueces 6:8

Tayta Diosga cachamuran juc profëtata. Profëtanami niran: «Tayta Diosniquega Egiptucunapa uywaynin caycajtami jorgamushurayqui.

1 Samuel 9:9

(Canan «profëta» nishanchïtami unayga «willacoj» nej. Chaymi Israelcuna Tayta Diosta tapucuyta munarga «Willacojta tapucoj aywashun» nej.)